Connect with us

පුවත්

විදුලිබිල අඩු කරන යෝජනාව මේ සතියේ මැතිසබයට

Published

on

බලශක්ති සහ ප්‍රවාහනය පිළිබඳ ආංශික අධීක්ෂණ කාරක සභාව විසින් විදුලි බිල අඩු කිරීමට අවශ්‍ය යෝජනා සකස් කර අවසන් බව එම කාරක සභාවේ සභාපති පාර්ලිමේන්තු මන්ත්‍රී – නාලක බණ්ඩාර කෝට්ටේගොඩ මහතා පැවසුවේය. එ් මහතා මේ අදහස් පළකලේ අද මාධ්‍ය වෙත අදහස්  දක්වමින්. ඒ අනුව එම යෝජනාවලිය මෙම සතිය තුල පාර්ලිමේන්තුවට ඉදිරිපත් කිරීමටද අපේක්ෂා කරන බව කාරක සභා සභාපතිවරයා පැවසුවේය.

මෙහිදී අදහස් දක්වමින් සභාපතිවරයා, සාමාන්‍ය විදුලි පාරිභෝගිකයින් මෙන්ම නිෂ්පාදන කර්මාන්ත කරුවන් හා අපනයන නිෂ්පාදන කර්මාන්ත කරුවන් විදුලි ඒකකයක මිල ඉහල යාම හේතුවෙන් දැඩි අපහසු තාවයට පත්ව ඇති බව පෙන්වා දුන්නේය.

ඒ අනුව 2023 වසරේ ඔක්තෝබර් මස 18% කින් වැඩි කෙරුණු විදුලි බිල නැවත එම වැඩි වූ ප්‍රතිශතය 100% කින් ඉවත්කිරීමට යෝජනා කර ඇත. එමෙන්ම අධික වර්ෂාපතනය හේතුවෙන් ලංකා විදුලි බල මණ්ඩලය අධික ලාභයක් ලබන බවත් එම ලාභයේ ප්‍රතිලාභ විදුලි පාරිභෝගිකයින්ට ලබාදීමට යෝජනා කර ඇත.

සූර්ය පැනල ආනයනයේදී වැට් ඉවත් කරන්නත් යෝජනාවක්

එමෙන්ම වහල මත සවි කර ඇති සූර්ය පැනල මගින් නිෂ්පාදනය කරනු ලබන විදුලිය කඩිනමින් ජාතික පද්ධතියට එකතු කිරීමටත් සූර්ය පැනල ආනයනය කිරීම වැට් බද්දෙන් නිදහස් කිරීමටද යෝජනා කර ඇති බව සභාපතිවරයා පැවසුවේය.

තවද වසරකට උපරිම දෙවතාවක් පමණක් විදුලි ගාස්තු සංශෝධනය කිරීමට හා විදුලි ගාස්තු ගෙවීමේදී පැකේජ ක්‍රමයක් හඳුවන්වා දීමට යෝජනා කර ඇත.

එමෙන්ම නව විදුලි බල පනත පිළිබඳව ඉදිරියේදී කාරක සභාව තුළ අදාළ සියලු පාර්ශව කැඳවා සාකච්ජා කිරීමට අපේක්ෂා කරන බවද කාරක සභා සභාපතිවරයා පැවසුවේය.

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved