Connect with us

පුවත්

විදෙස් ඇමතිවරුන් රැසක් ලබන සතියේ ලංකාවට

Published

on

විදෙස් රටවල් රැසක ඇමතිවරුන් එළඹෙන සතියේදී මෙරටට පැමිණීමට නියමිතය.

ඒ, 11දා ශ්‍රී ලංකාව සත්කාරකත්වය යටතේ මෙරට පැවැත්වෙන 23 වන ඉන්දියානු සාගර කලාපීය සංගමයේ (IORA) අමාත්‍ය මණ්ඩල හමුවටයි.

මේ සඳහා IORA සංගමයේ විදේශ අමාත්‍යවරුන්, ජ්‍යෙෂ්ඨ අමාත්‍යවරුන් හා සංවාද හවුල්කරුවන් මෙරටට පැමිණෙනු ඇති බව විදේශ කටයුතු අමාත්‍යංශය පවසයි.

IORA අමාත්‍ය මණ්ඩල හමුවට බංගලාදේශය, ඉන්දියාව, ඉරානය, මොරිෂස්, මැලේසියාව හා දකුණු අප්‍රිකාව යන රටවල විදේශ අමාත්‍යවරුන් සහභාගී වීමට නියමිතය.

ඊට අමතරව, ඕස්ට්‍රේලියාව, කොමරෝස්, ප්‍රංශය, ඉන්දුනීසියාව, කෙන්යාව, මැඩගස්කරය, මාලදිවයින, මොසැම්බික්, ඕමානය, සීෂෙල්ස්, සිංගප්පූරුව, ශ්‍රී ලංකාව, සෝමාලියාව, ටැන්සානියාව, තායිලන්තය, එක්සත් අරාබි එමීර් රාජ්‍යය සහ යේමනය යන සාමාජික රටවල් වලින්ද චීනය, ඊජිප්තුව, සෞදි අරාබිය, ජර්මනිය, ඉතාලිය, ජපානය, කොරියානු ජනරජය, රුසියානු සමූහාණ්ඩුව, තුර්කිය, එක්සත් රාජධානිය සහ ඇමරිකා එක්සත් ජනපදය යන සංවාද හවුල්කරු රටවලින්ද අමාත්‍ය සහ ජ්‍යෙෂ්ඨ මට්ටමේ සහභාගීත්වයක් මෙම අවස්ථාවට එක්වනු ඇත.

මෙහිදී වත්මන් IORA සභාපතිත්වය දරන බංග්ලාදේශ විදේශ කටයුතු අමාත්‍යවරයා මෙරට විදේශ අමාත්‍ – අලි සබ්‍රි මහතා වෙත එම සභාපති ධුරය පිරිනැමීමට නියමිතය.

ඒ අනුව ශ්‍රී ලංකාව මේ වසරේ සිට 2025 දක්වා කාල සීමාව සඳහා IORA සභාපතීත්වය දරනු ඇත.

අමාත්‍ය මණ්ඩලය යනු IORA හි ඉහළම තීරණ ගැනීමේ ආයතනයයි.

IORA විසින් ප්‍රමුඛතා ක්ෂේත්‍ර ලෙස හඳුනාගෙන ඇති වෙළෙඳ හා ආයෝජන, සමුද්‍රීය ආරක්‍ෂාව, ආරක්ෂාව, ධීවර කළමනාකරණය, ආපදා අවදානම් කළමනාකරණය හා නීල ආර්ථිකය ඇතුළු ක්ෂේත්‍ර 06ක් පිළිබඳ සහයෝගීතාවයෙන් කටයුතු කළ හැකි ක්‍රම පිළිබඳව මෙවර සංවාදයේදී සාකච්ඡා කිරීමට නියමිතය.

IORA මහලේකම් – ආචාර්ය සල්මාන් අල් ෆරිසි මහතා හා මොරිෂස් දූපත් වල පිහිටි IORA ලේකම් කාර්යාලයේ අධ්‍යක්ෂකවරුන්ද මෙම හමුවට එක්වීමට නියමිතය.

විදෙස් රටවල අමාත්‍යවරුන් හා නියෝජිතයින් මෙරට රැඳී සිටින කාලය තුළ ජනාධිපති රනිල් වික්‍රමසිංහ මහතාව සාමූහික ලෙස හමුවීමටත් මෙරට විදේශ කටයුතු ඇමතිවරයා ඇතුළු අනෙකුත් ඇමතවරුන් හමුවී ද්විපාර්ශ්වික සාකච්ඡා පැවැත්වීමටත් නියමිත බව විදේශ කටයුතු අමාත්‍යංශය වැඩිදුරටත් සඳහන් කරයි.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved