Connect with us

පුවත්

“විදෙස් මුදල් තරමටම චීන ජාතිකයන්ගේ මිත්‍රත්වයත් අවශ්‍යයි”

Published

on

කොවිඩ් වසංගතයෙන් පසුව චීනයෙන් පිටතට ගමන පළමු සංචාරකයන් පිරිස ඉදිරියේදී ශ්‍රී ලංකාව ඇතුළු රටවල් 20කට පැමිණීමට නියමිත බව චීන මාධ්‍ය වාර්තා කරයි.

‘චයිනා ඩේලි’ පුවත් සේවයේ දැක්වෙන්නේ ඉහත සංචාරකයන් රැගත් ගුවන්යානය ෂැංහායි නුවර පිහිටි පුදොංග් ජාත්‍යන්තර ගුවන්තොටුපලෙන් මාර්තු 03දා පිටවීමට නියමිත බවයි.

රටවල් සහ කලාප 20 කට කණ්ඩායම් ලෙස සංචාරය කිරීම සඳහා වෙන්කරවා ගැනීම් සිදුකිරීම ඇරඹීමට චීන සංස්කෘතික හා සංචාරක අමාත්‍යාංශය පෙබරවාරි 06 දා අවසර ලබාදී තිබුණු අතර, එම රටවල් අතරට ශ්‍රී ලංකාවද ඇතුළත් වී තිබේ.

මේ සම්බන්ධයෙන් ‘චයිනා ඩේලි’ වෙත අදහස් දක්වමින් ෂැංහායි හි පිහිටි ශ්‍රී ලංකා කොන්සුල් කාර්යාලයේ කොන්සුල් ජනරාල් අනුර ප්‍රනාන්දු මහතා පවසා ඇත්තේ කොවිඩ් වසංගතයෙන් පසුව චීන සංචාරකයන් වැඩිවැඩියෙන් ශ්‍රී ලංකාවට පැමිණෙතැයි අපේක්ෂා කළද තෙවසරක කාලයක් පුරාවට විදෙස් සංචාර වල නිරත නොවූ ඔවුන් වැඩිවශයෙන් උනන්දු වන්නේ චීනයට භූගෝලීය වශයෙන් සමීප රටවල් වල සංචාරය කිරීමට බවයි.

කෙසේවෙතත්, ශ්‍රී ලංකාව බොහෝ චීන සංචාරකයින්ට ආකර්ශනීය වනු ඇතැයි අපේක්ෂා කරන බවද ඔහු පවසා තිබේ.

දෙරට අතර සංස්කෘතික බැඳීම් බොහොමයක් පවතින බවට පවසන ප්‍රනාන්දු මහතා වැඩිදුරටත් පෙන්වා දී ඇත්තේ විදේශ මුදල් තරමටම ශ්‍රී ලංකාවට චීන ජනතාවගේ මිත්‍රත්වයද වැඩිවැඩියෙන්  අවශ්‍ය බවයි.

වසර 2018දී මෙරටට චීන ජාතික සංචාරකයන් ගණන 280,000ක් වූ අතර, සමස්තයක් වශයෙන් මේ වසරේදී සංචාරකයන් මිලියනයක් ලංකාවට පැමිණෙනු ඇතැයි අපේක්ෂා කරන බව ප්‍රනාන්දු මහතා වැඩිදුරටත් පවසා ඇත.

පෙබරවාරි 6දින ප්‍රකාශයට පත්වූ චීන සංස්කෘතික හා සංචාරක අමාත්‍යාංශයේ නිවේදනය සමග, ෂැංහායි හා ශ්‍රී ලංකාව අතර ඍජු ගුවන් ගමන් යළි ඇරඹීමට සංචාරක ඒජන්සි හා අනෙකුත් පාර්ශව සමග සමීපව කටයුතු කිරීමට ශ්‍රී ලංකා කොන්සල් පියවර ගෙන තිබේ.

ෂැංහායි සහ කොළඹ අතර “සහෝදර නගර” සබඳතාවලට මෙම වසරට වසර 20ක් සැපිරෙන අතර, චීන සහ ශ්‍රී ලාංකික ජනතාව අතර මිත්‍රත්වය වැඩි දියුණු කිරීමට සංස්කෘතික, සංචාරක සහ ව්‍යාපාරික සන්නිවේදනය වැඩි දියුණු කිරීමට බලාපොරොත්තු වන බව කොන්සල් ජනරාල්වරයා වැඩිදුරටත් පවසා ඇත.

(මූලාශ්‍රය : චයිනාඩේලි)

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-22) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

අරගලයේ නඩු භාණ්ඩ වෙන්දේසියට අවසර

Published

on

By

ගාලුමුවදොර අරගල භූමියේ දී 2022 වසරේ මැයි 09 වැනිදා සිදුවූ ගැටුම්කාරී තත්ත්වයෙන් පසු පොලිස් භාරයට ගෙන අධිකරණයට ඉදිරිපත් කළ නඩු භාණ්ඩ මාස දෙකක් ඇතුළත වෙන්දේසි කරන ලෙස කොටුව මහේස්ත්‍රාත් අධිකරණය නියෝග කර තිබේ.

ඒ අදාළ නඩු භාණ්ඩ සම්බන්ධයෙන් වූ නඩුව ඊයේ (22) කැඳවූ අවස්ථාවේදීය.

2022 වසරේ අප්‍රේල් 09 වැනිදා ගාලු මුවදොරදී ඇරඹි අරගලයෙන් මාසයකට පසු එනම් එම වසරේ මැයි 09 වැනිදා එවකට අග්‍රාමාත්‍ය මහින්ද රාජපක්ෂට සහාය පළ කළ පිරිසක් හා ගාලුමුවදොර අරගලකරුවන් අතර ගැටුම්කාරී තත්ත්වයක් ඇතිවිය.

වාහන ගිනි තැබීම්, දේපළ හානි මෙන්ම දේශපාලනඥයින්ගේ නිවාස ගිනි තැබීම ඇතුළු ආන්දෝලනාත්මක සිදුවීම් රැසක් ඉන් පසුව සිදුවූ අතර එම කාලසීමාවේදී පොලිස් භාරයට ගත් නඩු භාණ්ඩ රැසක් අධිකරණයේ තැන්පත් කර තිබුණි.

එම නඩු භාණ්ඩවලට අදාළ නඩුව ඊයේ (22 ) කොටුව මහේස්ත්‍රාත් කෝසල සේනාධීර මහතා ඉදිරියේ කැඳවනු ලැබුණි.

එහිදී මහේස්ත්‍රාත්වරයා නියෝග කළේ එලෙස අධිකරණයේ පවතින අරගල භූමියේ තිබූ දේපළ මාස දෙකක් තුළ වෙන්දේසි කර එහි මුදල් අධිකරණයේ තැන්පත් කරන ලෙසයි.

විනිසුරුවරයා මෙම තීන්දුව ලබාදුන්නේ පැදුරු, කොට්ට, ජෙනරේටර් ඇතුළු එම භාණ්ඩවලට අයිතිවාසිකම් කීමට කිසිවෙකුත් ඉදිරිපත් නොවීම හේතුවෙනි.

අපරාධ පරීක්ෂණ දෙපාර්තමේන්තුව අධිකරණයට දන්වා සිටියේ නඩුවේ විමර්ශන අවසන් කර නීතිපති උපදෙස් සඳහා එම ගොනුව යොමු කර ඇති බවය.

මෙම සිද්ධියේදී සැකකරුවෙකු ලෙස නම් කර සිටි හිටපු පාර්ලිමේන්තු මන්ත්‍රී සනත් නිශාන්ත මේ වන විට අභාවප්‍රාප්ත වී ඇති බව එහිදී පොලිසිය අධිකරනය හමුවේ කියා සිටියේය.

අරගලකරුවන්ට පහර දීමේ සිද්ධිය සම්බන්ධයෙන් පාර්ලිමේන්තු මන්ත්‍රීවරුන් වන මිලාන් ජයතිලක. ජොන්ස්ටන් ප්‍රනාන්දු ඇතුළු අනෙක් සැකකරුවන් 36 දෙනාගෙන් 30 දෙනෙකු ඊයේ විවෘත අධිකරණයේ පෙනී සිටියහ.

මෙම සිද්ධියට අදාළ නඩුව නැවත නොවැම්බර් මස 6 වෙනිදා කැඳවීමට නියමිතයි.

Continue Reading

Trending

Copyright © 2023 Sri Lanka Mirror. All Rights Reserved