Connect with us

පුවත්

විශේෂඥ වෛද්‍ය ආනන්ද විජේවික්‍රම සහ පවුලේ අය නූලෙන් බේරෙති

Published

on

කාර්මික දෝෂයකට ලක්ව දක්ෂිණ අධිවේගී මාර්ගයේ නතර කර තිබුණු ජාතික ඖෂධ නියාමන අධිකාරියේ සභාපති, විශේෂඥ වෛද්‍ය ආනන්ද විජේවික්‍රම මහතා පදවාගෙන පැමිණි ජීප් රථයේ ලී කුඩු ප්‍රවාහනය කරන ලොරි රථයක් පෙරේදා (15) රාත්‍රී කාලයේදී ගැටීමෙන් සිදුවූ රිය අනතුරක් හේතුවෙන් දොඩංගොඩ අන්තර් හුවමාරුව සහ ගැලණිගම අන්තර් හුවමාරුව කොළඹ දෙසට ගමන් කරන මංතීරුවේ පැය 08ක පමණ කාලයක් වාහන ධාවනය කිරීමට බාධා එල්ල වී තිබිණි.

මෙම අනතුර සිදු වන්නේ දක්ෂිණ අධිවේගී මාර්ගයේ දොඩංගොඩ හා ගැලණිගම අන්තර් හුවමාරු අතර කොළඹ දෙසට ගමන් කරන්නට ඇති මංතීරුවේදීය.

ගාල්ලේ සිට කොළඹ බලා සිය බිරිය හා සහෝදරිය රැගත් වෛද්‍ය ආනන්ද විජේවික්‍රම මහතා පදවාගෙන යමින් තිබුණු ජීප් රථය මඟ නතර කිරීමට සිදුව ඇත්තේ එම ජීප් රථයේ වම්පස රෝදය කාර්මික දෝෂයක් හේතුවෙන් යම් ආපදාවකට ලක්ව තිබීම හේතුවෙනි.

වෛද්‍ය ආනන්ද විජේවික්‍රම මහතා නියමිත ආරක්ෂක ක්‍රමවේද අනුගමනය කරමින් වාහනය මාර්ගයේ අයිනේ නවතා දෝෂය කුමක්දැයි පරීක්ෂා කර බැලීමට ජීප් රථයෙන් පිටතට පැමිණ සිටියදී වේගයෙන් පැමිණි ලොරි රථය ජීප් රථයේ බඳ කොටසේ ගැටී මාර්ගය හරහා පෙරළී ගොස් ඇතැයි පොලිස් මාධ්‍ය ප්‍රකාශක කාර්යාලය සඳහන් කරයි.

ලොරි රථයේ ගැටුණු ජීප් රථය අඩි කිහිපයක් ඉදිරියට වීසි වී ගොස් ඇති අතර වාසනාවකට එහි සිටි ආනන්ද විජේවික්‍රම මහතාගේ බිරියට හෝ සහෝදරියට කිසිදු හානියක් වී නැතැයි පොලිසිය කියයි. එසේම ජීප් රථයෙන් පිටත සිටි වෛද්‍ය ආනන්ද විජේවික්‍රම මහතාගේ දිවි ගැලවී ඇත්තේ ද වාසනාවකට බව පොලිසිය කියයි.

ලොරි රථය මාර්ගය හරහා පෙරළී ගොස් එහි තිබුණු ලී කුඩුද සීසීකඩ විසිරී ගොස් තිබී ඇත. මෙම අනතුරින් ලොරි රථයේ රියැදුරුගේ හිසට තුවාල සිදුව තිබේ. ඔහුව බණ්ඩාරගම රෝහලට ඇතුළත් කර ඇති අතර හිසට මැහුම් 06ක් ද දමා ඇතැයි පොලිසිය කියයි.

මෙම අනතුර සිදුව ඇත්තේ පෙරේදා (15) රාත්‍රී 10.30ට පමණය. මෙම අනතුර හේතුවෙන් මාතර සිට කොළඹ දෙසට ගමන් කරන මංතීරුව අවහිර වූ බව පොලිස් මාධ්‍ය ප්‍රකාශක කාර්යාලය සඳහන් කළේය. එබැවින් එම මාර්ගයේ කොළඹට පැමිණෙන කොටසක් වසා තැබීමට ද සිදුවූ බව පොලිස් මාධ්‍ය ප්‍රකාශක කාර්යාලය සඳහන් කළේය.

මාතර සිට කොළඹට ධාවනය වූ වාහන දොඩංගොඩ අන්තර් හුවමාරුවෙන් පිටතට ගොස් නැවත ගැලණිගම අන්තර් හුවමාරුවෙන් ඇතුළු වීමට මේ නිසා සිදුවූ බව ද පොලිස් මාධ්‍ය ප්‍රකාශක කාර්යාලය සඳහන් කළේය. මාර්ගයේ මෙම මංතීරුව නැවත යථා තත්ත්වයට පත්කරනු ලැබුවේ අනතුරින් පැය 08කට පසු ඊයේ (16) උදෑසන කාලයේදීය.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved