Connect with us

පුවත්

වෙඩිතලතිව් ස්වභාවික රක්ෂිතයෙන් කෑල්ලක් බහු ජාතික සමාගමකට

Published

on

මෙරට විශාලතම කඩොලාන තෙත් බිම ලෙස සැලකෙන මන්නාරම, වෙඩිතලතිව් ස්වභාවික රක්ෂිතයේ විශාල භූමි ප්‍රදේශයක් ජාතික ජලජීවි සංවර්ධන අධිකාරිය විසින් බහුජාතික සමාගමකට ලබාදීමට සැලසුම් සකස් කරමින් පවතින බවට පරිසරවේදීහු චෝදනා කරති.

ඉකුත් 2016 වසරේදී ස්වභාව රක්ෂිතයක් ලෙස ප්‍රකාශයට පත් කරන ලද මෙම වෙඩිතලතිව් තෙත්බිම හෙක්ටයාර් 29,180ක භූමි ප්‍රදේශයක් පුරා විහිදී ඇත.

වෙඩිතලතිව් ස්වභාවික රක්ෂිතයක් ලෙස 2016 වසරේදී නිකුත් කරන ලද 1956/13 ගැසට් නිවේදනය අවලංගු කර එය ජලජීවි වගාව සඳහා යොදා ගැනීමේ සුදානමක් පවතින බව රේගු ජෛව විවිධත්ව ඒකකයේ හිටපු ප්‍රධානි, හිටපු රේගු අධ්‍යක්ෂ සමන්ත ගුණසේකර මහතා කියයි.

ඒ මහතා වනජීවි හා සොබාරක්ෂක සංගමයේ (Wild life and nature protection society) විසින් කොළඹ, බණ්ඩාරනායක සම්මන්ත්‍රණ ශාලාවේ පෙරේදා (06) පැවැති මාධ්‍ය හමුවේදී මේ බව කීය.

මෙම ගැසට් නිවේදනය අවලංගු කිරීම සඳහා ජලජීවි සංවර්ධන අධිකාරිය 2017 වසරේදී ද යෝජනාවක් ගෙනා බවත්, ඒ පිළිබඳව සොයා බැලීම සඳහා පත්කරන ලද තාක්ෂණ උපදේශන කමිටුව 2019 වසරේදී යෝජනා කර සිටියේ මෙම පරිසර පද්ධතිය ආරක්ෂිත තත්ත්වයෙන් ඉවත් නොකරන ලෙස යැයිද සමන්ත ගුණසේකර මහතා පැවැසුවේය.

උරග විශේෂඥ මෙන්ඩිස් වික්‍රමසිංහ මහතා එහිදී කියා සිටියේ නව සර්ප විශේෂ හයක් සහ දුර්ලභ සර්ප විශේෂ දෙකක් මෙම පරිසර පද්ධතියේ ජීවත් වන බවයි.

සත්ත්ව විද්‍යාඥයෙකු වන පී. ඊ. පී. දැරණියල විසින් 1941 වසරේදී සොයා ගන්නා ලද උරග විශේෂයක්, එම වර්ෂයෙන් පසුව යළි වාර්තා වූයේ මෙම ස්වභාවික පරිසර පද්ධතියෙන් බවත්, හඳුනා නොගත් සත්ත්ව විශේෂ කීපයක්ම මෙම පරිසරයේ සිටින බවත් මෙන්ඩිස් වික්‍රමසිංහ මහතා පැවසීය.

දිවයිනේ වෙනත් ප්‍රදේශවලින් වාර්තා නොවූ කුඩා පිඹුරු විශේෂයක්ද වෙඩිතලතිව්වලින් වාර්තා වන බව ඔහු සඳහන් කළේය.

මුහුදු තෘණ පරිසර පද්ධතියක් වෙඩිතලතිව් ස්වභාවික රක්ෂිතයේ විහිදී තිබෙන බවත්, ලෝකයේ මුහුදු තෘණ විශේෂ 73 අතුරින් 15ක් ලංකාවෙන් වාර්තා වන බවත්, ඉන් 10ක් මෙම පරිසරයේ තිබෙන බවත් පරිසරවේදී සුසන්ත උඩගෙදර මහතා හෙළි කළේය.

මෙරට බරපතළ ලෙස තර්ජනයට ලක්ව සිටින මුහුදු ඌරා මෙම පරිසරයේ ජීවත්වන බවත්, එම සත්ත්වයා ආහාරයට ගන්නේ මුහුදු තෘණ බවත් ඔහු කීවේය.

ලෝකයේ තෙවැනියට වැදගත් පරිසර පද්ධතිය වන්නේ මුහුදු තෘණ බවත්, මුහුදු තෘණ මගින් වායුගෝලයේ තිබෙන කාබන් ඩයොක්සයිඩ් උරා ගන්නා බවත්, මුහුදු තෘණ හෙක්ටයාර් එකක පරිසර පද්ධතියක් වසරකට ඩොලර් 34,000ක සේවයක් සපයන බවත් ඔහු පැවසීය.

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading

පුවත්

අනුර ජොන්ස්ටන්ගෙන් වන්දි ඉල්ලයි

Published

on

By

හිටපු අමාත්‍ය පාර්ලිමේන්තු මන්ත්‍රී  ජෝන්ස්ටන් ප්‍රනාන්දු මහතා සිදුකළ ද්වේශ සහගත ප්‍රකාශයකින් සිදුවූ අපහාසයට රුපියල් මිලියන 500ක වන්දියක් අය කර දෙන්නැයි ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක මහතා කොළඹ දිසා අධිකරණයේ සාක්ෂි දෙමින් අද(29) ඉල්ලා සිටියේය.

ඒකාබද්ධ විපක්ෂය තංගල්ල නගර ශාලාවේ 2017 වසරේදී සංවිධානය කළේ යැයි කියන  රැස්වීමකදී ජෝන්ස්ටන් ප්‍රනාන්දු මහතා කළ ප්‍රකාශයකින් මෙම අපහාසය සිදුවී ඇති බවත් පැවසූ අනුර කුමාර දිසානායක මහතා කැලණිය විශ්ව විද්‍යාලීයේ විද්‍යාවේදී උපාධි සහතිකය ඇතුළු  ලේඛන 10ක් අධිකරණයට ඉදිරිපත් කරමින් පාර්ලිමේන්තුවේ සහ සමාජයේ කීර්තියක් උසුලන තමන්ට සිදුකළ අපහාසයට වන්දි අය කර දෙන ලෙසට ඉල්ලා සිටියේය.

කොළඹ ප්‍රධාන දිසා විනිසුරු සඳුන්විතාන මහතා ඉදිරියේ සාක්ෂි කැඳවීම සිදුවිය.

Continue Reading
Advertisement

Trending

Copyright © 2023 Sri Lanka Mirror. All Rights Reserved