තමා සමගි ජන බලවේගයේ මොරටුව සංවිධායක ධූරයෙන් ඉවත්වූයේ පසු පෙළ අයට අවස්ථාව දීමට බව හිටපු පාර්ලිමේන්තු මන්ත්‍රී ආචාර්ය ඉරාන් වික්‍රමරත්න මහතා ප්‍රකාශ කරයි.

සමගි ජන බලවේගයෙන් කිසිදා ඉවත් නොවන බවද තමන් උත්සහ කළේ සම්ප්‍රදායික දේශපාලනයෙන් මිදී සැම දා තනතුරුවල රැදී නොසිටිමින් නවකයන්ට අවස්ථාව ලබ දීමට බව හෙතෙම වැඩිදුරටත් කියා සිටියේය.

මෙරටේ සෑම අවස්ථාවකම සිදු වන්නේ දේශපාලනඥයන් කොපමණ ඉදිරියට ගියද තමන්ගේ තනතුරු රැක ගනිමින් නවකයන්ට අවස්ථාව නොදී සිටීම බවත් තමන් මෙම තීරණය ගත්තේ අනෙක් දේශපාලනඥයන්ට ද පුර්වාදර්ශයක් ලබාදීමට බවද කියා සිටියේය.

ඇතැම් අවස්ථාවලදී ජනාධිපතිවරුන්ව සිටී පුද්ගලයන් නැවත මන්ත්‍රීවරුන් වී පාර්ලිමේන්තුවට පැමිණෙන බවත් ඔවුන් පක්ෂ නායකත්වය පවා අත්නොහැර ඒවා රැක ගැනීමට උත්සහ කරන අවස්ථාවක තමන් සංවිධායක ධූරයෙන් ඉවත් වූයේ නව දේශපාලන සම්ප්‍රදායක් ඇති කිරීමට බවද මන්ත්‍රීවරයා වැඩිදුරටත් සඳහන් කළේය.

සහෝදරයාගේ මූල්‍ය වංචා සිද්ධි නිසා වසර දෙකකින් තමන්ට නිවෙසට යෑමට නොහැකි වී ඇති බවත් මේ වන විට තම නිවෙස ගරා වැටී ඇති බවත් හිටපු ඇමැති, මනූෂ නානායක්කාර මහතා පැවසීය.

හිටපු ඇමැතිවරයා පැවසුවේ තමන් මැතිවරණ ව්‍යාපාරය කරගෙන ගියේද වෙනත් ස්ථානයක සිට බවයි.

සහෝදරයාගේ මූල්‍ය වංචා පිළිබඳව මුල්වරට හෙළි කළේ තමා බවත් ඒ සම්බන්ධයෙන් පැමිණිලි කළ දා සිට ඔහු සමඟ පැවැති හිතවත්කම් ද අත්හැරිය බවත් හිටපු ඇමැති මනූෂ නානායක්කාර මහතා පැවසුවේය.

එක කුස ඉපදුණත් පුද්ගලයන් එකිනෙකාට වෙනස් බවද නානායක්කාර මහතා වැඩිදුරටත් පැවසීය.

දිනමිණ

ශ්‍රී ලංකාවේ සංචාරයක නිරත දකුණු ආසියාවේ සහ අග්නිදිග ආසියාවේ ඉහළ පෙළේ නියෝජිත පිරිසක් සහ විපක්ෂ නායක සජිත් ප්‍රේමදාස මහතා අතර හමුවක් පසුගියදා (12 )  පැවැත්විණි.

මේ හමුව සඳහා IAPP හි ආසියා පැසිෆික් සභාපති ගරු Ek Nath Dhakal මහතා සහ UPF (UN/ECOSOC) හි සභාපති ආචාර්ය Chang Shik Yang මහතා සහභාගී වී ඇත.

මෙහි දී අප රටේත් කලාපයේත් ආර්ථික, දේශපාලන කරුණු රැසක් සම්බන්ධයෙන් අදහස් හුවමාරු කර ගැනීම සිදුව තිබේ.

මෙම අවස්ථාවට සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා සහ පාර්ලිමේන්තු මන්ත්‍රී සුජිත් සංජය පෙරේරා මහතා ද එක්ව ඇත.