පුවත්

ශ්‍රී ලංකා – ඇමෙරිකානු හමුදා ඒකාබද්ධ පුහුණු අභ්‍යාසයක

Published

2 years ago

January 17, 2023

editor

එක්සත් ජනපදයේ නාවික සහ මැරීන් බලකායන් ජනවාරි 19 සිට 23 වැනි දින දක්වා කොළඹදී ශ්‍රී ලංකා නාවික හමුදාව සහ ශ්‍රී ලංකා ගුවන් හමුදාව සමගින් Cooperation Afloat Readiness and Training (CARAT)/Marine Exercise (MAREX) Sri Lanka 2023 සහයෝගීතා අභ්‍යාසයය ආරම්භ කරනු ඇත.

CARAT/MAREX යනු කලාපීය ආරක්ෂක සහයෝගීතාවය ප්‍රවර්ධනය, සමුද්‍රීය හවුල්කාරීත්ව පවත්වාගෙන යෑම සහ ශක්තිමත් කිරීම, සහ සමුද්‍රීය අන්තර්ක්‍රියාකාරී හැකියාව වැඩිදියුණු කිරීම සඳහා ශ්‍රී ලංකාව සහ එක්සත් ජනපදය අතර සැලසුම් කරන ලද ද්වීපාර්ශවීය අභ්‍යාසයකි. මෙය, ශ්‍රී ලංකාව සහ එක්සත් ජනපදය අතර පැවැත්වෙන පස්වන CARAT/MAREX අභ්‍යාසය වන අතර, මේ වසරේදී ඊට ජපාන සමුද්‍රීය ආරක්ෂක බලකාය සහ මාලදිවයින් ජාතික ආරක්ෂක බලකාය එකතු වෙති. පුහුණු හුවමාරු කොළඹ දී සහ ත්‍රිකුණාමලයේ හා මුල්ලිකුලම් හි පිහිටි නාවික කඳවුරුවල දී සිදුකිරීමට නියමිතය.

“ශ්‍රී ලංකාව සමගින් ඇති අපගේ 75 වසරක ද්වීපාර්ශවික සබඳතා තුළ, මේ පුහුණුව සඳහා ශ්‍රී ලංකා නාවික හමුදාව සහ ශ්‍රී ලංකා ගුවන් හමුදාව සමගින් හවුල්වන්නේ ආඩම්බරයෙන්. මේ වාර්ෂික අභ්‍යාස ආපදාවන්හි දී සහන සැලසීම සහ නිදහස් හා විවෘත ඉන්දු ශාන්තිකර කලාපයක් පවත්වාගෙන යෑම සඳහා සූදානම්වීමට වැදගත් පුහුණු අවස්ථාවක් වනවා. එක්ව මෙම අභ්‍යාසය සඳහා සත්කාරකත්වය ලබාදෙන්නට කළ ආරාධනයට අප කෘතඥ වනවා,” යනුවෙන් පැවැත්වීමට නියමිත මෙම අභ්‍යාසය පිළිබඳව එ.ජ. තානාපති ජුලී චංග් මහත්මිය සඳහන් කළාය.

සතියක් මුළුල්ලේ දිවෙන මෙම අභ්‍යාසය ඉන්දු-ශාන්තිකර කලාපයේ සමුද්‍රීය ආරක්ෂාව සම්බන්ධයෙන් වන සාම්ප්‍රදායික සහ සාම්ප්‍රදායික නොවන අභියෝග සඳහා ප්‍රතිචාර දැක්වීමට එක්ව ක්‍රියාකිරීමට එක්සත් ජනපදයේ සහ හවුල්කාර රටවල නාවික හමුදාවන්ට ඇති හැකියාව වැඩිදියුණු කරන්නටත්, ක්‍රීඩා, සංස්කෘතික සහ තොරතුරු හුවමරු හරහා සම්බන්ධතා ගොඩනංවන්නටත් සැලසුම් කර තිබේ. මානුෂිය ආපදා සහන සහ දිවි ගලවාගැනීමේ පුහුණුවලට අමතරව, එ.ජ. සහ ශ්‍රී ලාංකික හමුදා පිරිස් චංග් තානාපතිතුමිය සමගින් පවත්වන කාන්තාවන්, සාමය සහ ආරක්ෂාව පිළිබඳ වටමේස සාකච්ඡාවකට ද සහභාගි වනු ඇත. මෙම අභ්‍යාසය සිදුකරන කාලය අතරතුර 7 වන බලකා නාවික තූර්යවාදක කණ්ඩායම (7th Fleet Navy Band) ශ්‍රී ලංකා නාවික හමුදා තූර්ය වාදක කණ්ඩායම සමගින් කොළඹදී නොමිලයේ ප්‍රසංග මාලාවක් පවත්වනු ඇත.

පුවත්

“කොතලාවල වෛද්‍ය උපාධිය කැඩෙට්, විදෙස් සිසුන්ට විතරයි”

Published

54 seconds ago

May 22, 2025

editor

මෙම වසරේ සිට කොතලාවල වෛද්‍ය උපාධිය සඳහා ඇතුළත් වීමට අවස්ථාව හිමි වන්නේ කැඩෙට් භටයන්ට සහ විදෙස් සිසුන්ට පමණක් බව ආරක්ෂක නියෝජ්‍ය අමාත්‍ය අරුණ ජයසේකර මහතා පවසයි.

අද (22) පාර්ලිමේන්තුවේදී විශේෂ ප්‍රකාශයක් සිදු කරමින් අමාත්‍යවරයා සඳහන් කළේ, කොතලාවල ආරක්ෂක විශ්ව විද්‍යාලයේ වෛද්‍ය පීඨයේ 2025- 2026 කණ්ඩායම සඳහා ශිෂ්‍යයින් බඳවා ගැනීම සම්බන්ධයෙන් පළ කර ඇති දැන්වීමක වගන්ති නිවැරදි කිරීමක් සිදු කළ යුතුව ඇති බවය.

ඒ අනුව, 2025- 2026 අධ්‍යයන වර්ෂය සඳහා කොතලාවල ආරක්ෂක විද්‍යාලයේ වෛද්‍ය පීඨයට ඇතුළත් වීමේ අවස්ථාව කැඩෙට් නිලධාරීන්ට සහ විදෙස් සිසුන්ට පමණක් හිමි වන බව ආරක්ෂක නියෝජ්‍ය අමාත්‍ය අරුණ ජයසේකර මහතා වැඩිදුරටත් පවසා සිටියේය.

ජෙනරාල් ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ වෛද්‍ය විද්‍යා උපාධිය සඳහා ගෙවීමේ පදනම මත සිසුන් ඇතුළත් කර ගැනීමට පසුගිය රජය මඟින් කැබිනට් අනුමැතිය ලබා දී තිබුණි.

දේශීය සිසුන් සඳහා ත්‍රිවිධ හමුදාවට හෝ පොලීසියට කැඩෙට් නිලධාරියෙකු ලෙස බැඳීමෙන් පමණක් සහ විදේශීය සුදුසුකම් ලත් සිසුන් සඳහා මුදල් ගෙවීමේ පදනම් මත පමණක් වෛද්‍ය උපාධිය ලබා දීමේ පෙර පැවති ක්‍රමවේදය වෙනස් කරමිනි.

ඒ අනුව, 2024 අධ්‍යයන වර්ෂයේ සිට සුදුසුකම් සපුරා ඇති දේශීය අයදුම් කරුවන්ද මුදල් ගෙවීමේ පදනම මත වෛද්‍ය උපාධි පාඨමාලාව සඳහා ඇතුළත් වීමට අවස්ථාව හිමිවිය.

ශ්‍රී ලංකාවේ අනෙකුත් ජාතික විශ්ව විද්‍යාලවල සිසුන් බඳවා ගැනීම සඳහා විශ්ව විද්‍යාල ප්‍රතිපාදන කොමිශන් සභාව විසින් අනුගමනය කරනු ලබන Z අගයට (Z, Score) අමතරව තවත් අතිරේක සුදුසුකම් කිහිපයක් ද සහිතව සකස් කරනු ලැබූ ඇති නිර්ණායක අනුගමනය කරමින්, ගෙවීමේ පදනම මත එලෙස වෛද්‍ය උපාධිය සඳහා සිසුන් බඳවා ගෙන තිබුණි.

කෙසේවෙතත්, මේ වසරේ සිට කැඩෙට් භටයන්ට සහ විදෙස් සිසුන්ට පමණක් කොතලාවල වෛද්‍ය උපාධිය සඳහා ඇතුළත් වීමට අවස්ථාව ලබා දීමට වත්මන් රජය තීරණය කර තිබේ.

පුවත්

සරසවිවලට නව නේවාසිකාගාර

Published

49 minutes ago

May 22, 2025

editor

විශ්ව විද්‍යාලවල නේවාසිකාගාර ප්‍රමාණය ඉහළ දැමීමට පියවර ගන්නා බව අගමැතිනී අධ්‍යාපන හා උසස් අධ්‍යාපන ඇමැතිනී ආචාර්ය හරිනි අමරසූරිය මෙනවිය පවසයි.

ඇය මේ බව සඳහන් කළේ, අද (22) පැවති පාර්ලිමේන්තු සභාවාරය අතරතුරය.

විශ්වවිද්‍යාල සිසුන් සඳහා ශිෂ්‍යාධාර ලබාදීමට නිශ්චිත දිනයක් හඳුන්වා දෙන බවද ඇය එහිදී සඳහන් කළාය.

එහිදී වැඩිදුරටත් අදහස් දැක්වූ අගමැතිවරිය කියා සිටියේ,

“ආ (1), කොළඹ විශ්ව විද්‍යාලයේ සියලුම පීඨවල මේ වන විට ඉගෙනුම ලබන අභ්‍යන්තර උපාධි අපේක්ෂක සිසුන් සංඛ්‍යාව 14207කි. කොළඹ විශ්ව විද්‍යාලයට අනුබද්ධ ශ්‍රීපාලි මණ්ඩපය සිසුන් 648ක් වේ. කොළඹ විශ්ව විද්‍යාල පරිගණක අධ්‍යාපන ආයතනයේ සිසුන් 1902ක් වේ.

ආ (2), ඒ අතරින් ඒවාසිකාගාර පහසුකම් ලබා දී ඇති සිසුන් සංඛ්‍යාව කොළඹ විශ්ව විද්‍යාල 4366 කි.ශ්‍රී පාලි මණ්ඩපය තුන්සිය හතලිස් එකකි. කොළඹ විශ්ව විද්‍යාල පරිගණක අධ්‍යායතනය 71කි.

ආ (3), නේවාසිකාගාර පහසුකම් ලබන සිසුන්ගේ ප්‍රතිශතය පහත පරිදි වේ.

කොළඹ විශ්ව විද්‍යාලයේ ලියාපදිංචි සිසුන්ගෙන් 30.73%ක්.ශ්‍රී පාලි මණ්ඩපයේ ලියාපදිංචි සිසුන්ගෙන් 40.12%ක්. කොළඹ විශ්ව විද්‍යාලයේ පරිගණක අධ්‍යායතනයේ ලියාපදිංචි සිසුන්ගෙන් 6.5%ක් සඳහා නේවාසිකාගාර පහසුකම් ලැබේ.

ආ (4) – කාන්තා නේවාසිකාගාර – හැව්ලොක් නේවාසිකාගාර, සුජාතා ජයවර්ධන නේවාසිකාගාරය, සිවා චිත්ත සන්තන්ති නේවාසිකාගාරය, ද සේරම් වෛද්‍ය 215 නේවාසිකාගාරය, ද සේරම් 220 නේවාසිකාගාරය, තලවල නේවාසිකාගාරය, හෙද පීඨ නේවාසිකාගාරය, තාක්ෂණ පීඨය නේවාසිකාගාරය, දේශීය වෙද්‍ය පීඨ 330 නේවාසිකාගාරය, දේශීය වෛද්‍ය පීඨ මොරගස්මුල්ල නේවාසිකාගාරය, කාලිංග මාතා මාවතේ නේවාසිකාගාරය…”