Connect with us

පුවත්

ෂෙඩ් හිමියන්ගේ ණය මිලියන 300ක් කපා හැරීමේ සැලසුමක් එළියට

Published

on

පිරවුම්හල් හිමියන්ගෙන් තෙල් සංස්ථාවට අයවිය යුතු රුපියල් මිලියන තුන්සියයකට (රුපියල් 300,882,260.78) අධික මුදලක් බොල් ණය සේ කපා හැරීමට නිර්දේශ කරමින් කැබිනට් මණ්ඩලයේ අනුමැතිය සඳහා යොමු කිරීමට තීරණය කර ඇතැයි වාර්තා වේ.

ෂෙඩ් හිමියන්ගේ බහුතරය දේශපාලන හිතවතුන් හා ඥාතින් නිසා ඔවුනට මෙම වාසිය ගැනීමට පියවර ගෙන ඇති බවට වෘත්තිය සමිති නියෝජිතයෝ චෝදනා කරති.

තෙල් සංස්ථාවට බෙදුම්කරුවන්ගෙන් මේ වන විට අයවිය යුතු මුළු මුදල රුපියල් බිලියන දහසය ඉක්මවන අතර මුල් අදියර ලෙස රුපියල් මිලියන තුන්සිය ගණනක් මෙසේ කපා හැරීමට යෝජනා කර තිබේ.

එම යෝජනාව මෙවර කැබිනට් මණ්ඩලයට යොමු කිරීමට නියමිතව ඇතැයි සංස්ථාවේ අරුණ පුවත්පත වාර්තා කර තිබේ.

මෙම මුදල් පසුගිය වසරේ (2022) මාර්තු 16 වැනිදා දක්වා අය විය යුතු මුදල ලෙස ගණන් බලා ඇති කොටසයි.

මේ වන විට සම්පූර්ණ අයවිය යුතු මුදල රුපියල් බිලියන දහසය ඉක්මවන බව ගණන් බලා තිබේ.

ඉන්ධන මිල උච්ඡාවචනයන්ට සාපේක්ෂව ෂෙඩ් හිමියන්ට වට්ටම් මුදල් ගණනය කිරීමේ දී පදනම් කරගන්නා ඉන්ධන මිල ස්ථායිීකරණය කිරීම යටතේ සංස්ථාවට මෙම මුදල අයවිය යුතු බව ගණන් බලා ඇත.

එසේ තිබියදී මෙම මුදල් අයකර නොගෙන බොල් ණය සේ කපා හැරීමට නිර්දේශ කර ඇත්තේ විදේශීය ආයෝජකයන්ට ඉන්ධන පිරවුම්හල් ලබාදීමේ දී ඒවා සංස්ථාවට ණයවූ පිරවුම්හල් ලෙස ලබාදිය නොහැකි බවට අධ්‍යක්ෂ මණ්ඩලය ගත් තීරණයක් මත බවද පැවසේ.

මෙම තීරණයට අධ්‍යක්ෂ මණ්ඩලයේ බහුතරයක් නියෝජ්‍ය සාමාන්‍යාධිකාරිවරුන් අකමැත්ත පළ කර ඇති බවද මේ අතර වාර්තා වේ.

මෙම තීරණයට කැමැත්ත පළ වී ඇත්තේ සංස්ථාවේ සභාපති, නියෝජ්‍ය සාමාන්‍යාධිකාරි (අලෙවි) හා අලෙවි කළමනාකරුවන් පමණක් බව තෙල් සංස්ථාවේ ජ්‍යෙෂ්ඨ නිලධාරියකු හෙළිකර තිබේ.

මෙම ණය කපා ගැනීම සම්බන්ධ විගණන විමසුමක් හා අධිකරණයේ නඩුවක් පැවැතියදී බොල් ණය සේ කපා හැරීමේ තීරණයට අමාත්‍යාංශ ලේකම්වරයාගේද විරෝධය පළවූ බවද එම ජ්‍යෙෂ්ඨ නිලධාරියා සඳහන් කර ඇත.

චීනයේ සිනොපෙක් සමාගමට ඉන්ධන පිරවුම්හල් ලබාදීමේ දී ඊට අදාළ ඉන්ධන පිරවුම්හල්වලින් අයවිය යුතු මුදල කපා හැරීමට මූලික අදියරේ සූදානමක් ලෙස මෙය සිදුවන බවද පැවසේ.

තෙල් මිල ඉහළ දැමීම්වලදී බෙදුම්කරුවන් ඉහළ ලාභයක් ලැබුවද තෙල් මිල පහළ දැමීමේ දී ඔවුන්ට සිදු වූ පාඩුව සැලකිල්ලට ගෙන මෙම මුදල කපා හැරීමට යෝජනා කර කැබිනට් පත්‍රිකාව යොමු කිරීමට තීරණය කර ඇති බවද වාර්තා වේ.

සිනොපෙක් පිරවුම්හල් හිමියන්ට වැඩි ලාභ

මේ අතර, සිනොපෙක් සමාගම ඉන්ධන හල් හිමියන්ට පෙට්‍රල්  ලීටරයකට රුපියල් 6ක ලාභයක් ලබාදනෙ බවද වාර්තා වේ.

එසේ ඔවුන් පෙට්‍රල්  ලීටරයක් සඳහා ෂෙඩ් හිමියන්ට රුපියල් 6ක ලාභයක් ලබාදෙන්නේ ජනතාවට තෙල් ලීටරයක් රුපියල් 3ක් අඩුවෙන් ලාබාදෙමින්වීම ද විශ‌ේෂිතය.

පුවත්

බන්ධනාගාර කොමසාරිස් ජනරාල්වරයාට අධිකරණ නියෝගයක්

Published

on

By

බන්ධනාගාර නිලධාරින් වෘත්තීය ක්‍රියාමාර්ගයකට අවතීරණවීම පිළිබඳ වහාම අද (20) දිනය තුළ අධිකරණය හමුවේ පෙනී සිට කරුණු දක්වන ලෙස කොළඹ ප්‍රධාන මහෙස්ත්‍රාත් තිළිණ ගමගේ මහතා අද පෙරවරුවේ බන්ධනාගාර කොමසාරිස් ජනරාල්වරයාට නියෝග කළේය.

ඒ, කොළඹ ප්‍රධාන මහෙස්ත්‍රාත් අධිකරණයේ අද දිනට නියමිත නඩු කටයුතු ආරම්භ කළ අවස්ථාවේ බන්ධනාගාර ගත රැඳවියන් අධිකරණයට රැගෙනවිත් නොතිබීම පිළිබඳ අවධානය යොමු කරමිනි.

එහිදි අද දිනයේ ලෙඩ නිවාඩු වාර්තාකර ඇති නිලධාරින් පිළිබඳ සම්පුර්ණ වාර්තාවක් අධිකරණයට ඉදිරිපත් කරන ලෙසද කොළඹ ප්‍රධාන මහෙස්ත්‍රාත්වරයා බන්ධනාගාර කොමසාරිස් ජනරාල්වරයාට නියෝග කර තිබුණි.

මේ අතර දිවයිනේ ප්‍රදේශ කිහිපයක බන්ධනාගාර නිලධාරින් ලෙඩ නිවාඩු වාර්තා කර අද සේවයට වාර්තාකර නොමැති බව වාර්තා විය.

ඒ වැටුප් ඉහළ නොදැමීම ඇතුළු ඉල්ලීම් කිහිපයක් මුල් කරගනිමිනි.

බන්ධනාගාර නිලධාරින්ගේ සියලු නිවාඩු අවලංගුකර ඇති බැවින් සියලුදෙනා වහාම සේවයට වාර්තා කළ යුතු බවට බන්ධනාගාර කොමසාරිස්, මාධ්‍ය ප්‍රකාශක ගාමිණී බී. දිසානායක මහතා විසින් අද නිවේදනය කරන ලදී.

වැටුප් ඉහළ නොදැමීම, නිලධාරී හිඟය විසඳීම ඇතුළු ඉල්ලීම් කිහිපයක් මුල් කරගනිමින් බන්ධනාගාර නියාමක සහ සැරයන්වරුන් පිරිසක් වෘත්තීය ක්‍රියාමාර්ගයක් ලෙස මෙලෙස ලෙඩ නිවාඩු දමා ඇති බව වාර්තාවිය.

ඒ අනුව වැලිකඩ, ගාල්ල සහ මාතර යන බන්ධනාගාරවල බන්ධනාගාර නිලධාරින් මෙම වෘත්තීය ක්‍රියාමාර්ගයට ප්‍රවිශ්ඨ වී තිබේ.

බන්ධනාගාර තුළ ක්‍රියාත්මක මෙම  වෘත්තීය ක්‍රියාමාර්ගය හේතුවෙන් රැදවියන් බැලීමට අවස්ථාව ලබාදීම මෙන්ම රැඳවියන් නඩු කටයුතු සඳහා අධිකරණයට රැගෙන යාමටද බාධා එල්ල වී ඇත.

සබැඳි පුවත්

බන්ධනාගාර නිලධාරීන් වෘත්තීය ක්‍රියාමාර්ගයක

Continue Reading

පුවත්

“විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක්”

Published

on

By

විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක් බව ජාතික ජන බලවේගයේ නායක අනුර කුමාර දිසානායක මහතා පවසා සිටී.

ඒ මහතා මේ බව පවසන ලද්දේ ඊයේ (19) දින පැවැත්වුන ජාතික ජන බලවේගය විසින් සංවිධානය කල “විශ්‍රාමික ජාතික සමුළුව ”  අමතමිනි.

ඉදිරි මැතිවරණය ගැනද අනුර දිසානායක මහතා මෙහිදී අදහස් දැක්වූයේය.

“පාර්ලිමේන්තුව විසුරුවා හැරීමට බැසිල් රාජපක්ෂට වුවමනාව තිබෙනවා. එක්කෝ එයා රනිල්ට සහාය දෙන්න ඕනෑ. ජනතාවගේ සහායෙන් රනිල් ජනාධිපති වුණොත්, පොහොට්ටුවේ ගමන එතනින් අවසන්. රනිල්ට සහාය නොදී වෙන අපේක්ෂකයෙක් දැම්මොත්, පොහොට්ටුවට තිබෙන ඡන්ද ප්‍රමාණයත් නැතිවෙනවා. දාන්න කෙනෙකුත් නැහැ. ….

ස.ජ.බෙ.ටත් අවශ්‍යයි පාර්ලිමේන්තුව විසුරුවා ගන්න. ජනාධිපතිවරණයේදී කේන්ද්‍ර වෙන්නේ පුද්ගලයන්….

 ජාතික ජන බලවේගයේ අපි මේ දෙකටම ලැහැස්තියි…”

අනුර  දිසානායක මහතා විසින් සිදුකරනු ලැබූ සම්පූර්ණ කතාව

Continue Reading

පුවත්

අධිවේගයේ යන රියදුරන්ට දැනුම්දීමක්

Published

on

By

පවතින අයහපත් කාලගුණික තත්ත්වයත් සමඟ අධිවේගී මාර්ගයේ ගමන් ගන්නා රියදුරන්ට විශේෂ දැනුම්දීමක් සිදුකර තිබේ.

ඒ අනුව ඔවුන්ට රිය ධාවන වේගය පැයට කිලෝමීටර 60ක වේගයෙන් පවත්වාගන්නා ලෙස මාර්ග සංවර්ධන අධිකාරිය විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved