Connect with us

පුවත්

සමන් දේවාලේ පඬුරු ගබඩාව හොරු බිඳලා !

Published

on

සබරගමුව මහ සමන් දේවාලයේ පඬුරු ගබඩාවට ඇතුළු වූ සොරුන් පිරිසක් එහි ගෝනිවල දමා තිබූ ලක්ෂ ගණනක වටිනාකමින් යුත් මුදල් නෝට්ටු සොරාගැනීම සම්බන්ධයෙන් මේ වනවිට පුළුල් පරීක්ෂණයක් ආරම්භ කර තිබේ.

අදාළ පඬුරු ගබඩාව දේවාලයේ බස්නායක නිළමේවරයාගේ නිල නිවසේ කොටසක ඉදිකර තිබෙන අතර, එයට යකඩ ආවරණයක් ද දමා ඇත.

එසේ තිබිය දී පඬුරු ගබඩාවේ වහලය, සිවිලිම හා යකඩ දැල් ආවරණය කඩා සොරුන් ඊට ඇතුළු වී ඇතැයි අනාවරණය වී තිබේ.

එම සොරකම සිදුව ඇත්තේ පොලිස් මුරපොළක් හා පැය 24 පුරා ක්‍රියාත්මක CCTV කැමරා 60ක් සවිකර තිබූ පසුබිමක වීම විශේෂත්වයකි.

කෙසේ වෙතත් අප කළ විමසීමක දී බස්නායක නිළමේවරයා සඳහන් කර සිටියේ, පඬුරු කුටියට ආරක්ෂාව සඳහා පොලිස් නිලධාරියෙක් ලබාදෙන ලෙස තමා කිහිපවතාවක් රත්නපුර පොලීසියට ලිඛිත ඉල්ලීම් සිදුකළ බවය.

සබරගමුව මහ සමන් දේවාලයට අයත් ප්‍රධාන පඬුරු පෙට්ටි 5ක් ඇති අතර, එම පෙට්ටි පිරී ගිය පසුව ගෙන ගොස් අදාළ පඬුරු ගබඩාවේ තැන්පත් කරනු ලබයි.

පසුව එම පඬුරු බෞද්ධ කටයුතු දෙපාර්තමේන්තුවේ නිලධාරීන්ගේ හා බස්නායක නිළමේවරයාගේ අධීක්ෂණය යටතේ නෝට්ටු හා කාසි ලෙස වෙන්කර තබා බැංකුවට රැගෙන යනු ලබයි.

බැංකුවට රැගෙන යනු ලබන්නේ හා මුදල් ගණනය කිරීම සිදුකරනු ලබන්නේ අදාළ රාජ්‍ය බැංකුවෙන් වන අතර බැංකු නිලධාරීන් පැමිණෙන තුරු මෙවර දින තුනකට ආසන්න කාලයක් පඬුරු ගබඩාව තුළ පඬුරු ගෝනි තැන්පත් කර තිබුණු අවස්ථාවේ දී මෙම සොරකම සිදුව ඇත.

සොරුන් විසින් නෝට්ටු සහිත ගෝනි පමණක් රැගෙන ගොස් ඇතැයි වාර්තා වේ.

සබරගමුව මහ සමන් දේවාලයේ බස්නායක නිළමේ මිගාර ජයසුන්දර බණ්ඩාර මේ සම්බන්ධයෙන් කියා සිටියේ, මීට පෙර පසුගිය වසරේ ඔක්තෝම්බර් මස 4 වන දින හා 10 වන දින දෙකේදී මෙම මුදල් ගබඩාවට ඇතුළුවීමට හොරු උත්සාහ කර තිබූ බවය.

බස්නායක නිළමේවරයාගේ නිල නිවස ඉදිරිපිට පැය විසිහතර පුරා ක්‍රියාත්මක වන පොලිස් මුරපොළක්ද, දේවාලයේ ආරක්ෂාවට මුරකරුවෝ ද, සීසීටිවී කැමරා 60ක් ද සවිකර ඇති පසුබිමක මෙම සොරකම සිදුව ඇත.

කෙසේවෙතත් අදාළ සොරකමෙන් අනතුරුව පොලිස් මුරපොළේ රාජකාරි කරමින් සිටි නිලධාරීන් වෙනත් පොලිස් ස්ථානයක් වෙත මාරු කර යවා ඇතැයි ද වාර්තා වේ.

මෙම සොරකම සම්බන්ධයෙන් අදහස් දැක්වු ගම්වාසීන්,

“මේවා පාලකයින්ගේ වැරදි. දැන් මාස 6ක් 7ක් වෙනවා කැමරා පද්ධතිය සවිකළා කැමරා 60ක්. ඒවා නඩත්තු කරලත් නෑ. පේන්නෙත් නෑලු. මේ හොරකම වුණ එක ගැන අපිට අදහා ගන්න බෑ. බලධාරීන් මේවා බලන්න ඕනේ. පොලීසිය කිසිම දෙයක් නෑ. පොලිස් මුරපොළක් තියෙනවා කිසිවැඩක් නෑ. කෑවා නිදි. මේවා ගැන බලධාරීන් බලන්න. නැත්නම් සමන් දේවාලයත් කඩාගෙන අරන් යයි. දෙයියෝ අදහස මිනිස්සුන්ට නිකන් වැඳලා යන්න වෙන්නේ. හොරු අරන් ගියොත්.”

“අපි ගම්වාසීන් විදියට කියන්නේ අනිවාර්යයෙන්ම සැකකරුවන්ව අත්අඩංගුවට ගත යුතුයි. නැත්නම් තරුණයෝ විදියට අපිටත් ගමේ ජීවත්වෙන්න හැකියාවක් නෑ. දේවාලේ ඇතුළේ පුරාණ ආභරණ තියෙනවා. මේවා නැතිවෙන්න ඉඩ තියෙනවා බලධාරීන් නිසි ක්‍රියාමාර්ග ගත්තේ නැත්නම්.”

“කාලයක් තිස්සේ හොරකම් ගණනාවක් සිද්ධවුණා. නමුත් පැහැදිලි වශයෙන් කවුරුත් එකකටවත් අත්අඩංගුවට ගත්තේ නෑ. ඇත්තටම නොගත්තේ සමන් දෙයියෝ දඬුවම් දෙනකල් ද?  නැත්නම් ඇත්තටම හොයන්න බැරි නිසා ද? කියන එක අපිට විශාල සැකයක්.”

(අද දෙරණ)

පුවත්

ප්‍රමිතියෙන් තොර පානීය ජල බෝතල් 3000ක් මාවනැල්ලෙන් අල්ලයි

Published

on

By

මාවනැල්ල, හෙන්මාතගම ප්‍රදේශයේ ආයතනක් සෞඛ්‍ය අමාත්‍යාංශයෙන් නිකුත් කළ ලියාපදිංචි සහතිකය ඉකුත්ව තිබියදී, එම තොරතුරු ව්‍යාජ ලෙස යොදාගනිමින් පානීය ජල බෝතල් නිෂ්පාදනය කරමින් තිබියදී ජල බෝතල් විශාල තොගයක් භාරයට ගත් බව පාරිභෝගික කටයුතු පිලිබද අධිකාරිය පවසයි.

මෙහිදී නිෂ්පාදනය කර බෙදාහැරීම සදහා සූදානම් කර තිබූ මිලි ලීටර් 500 ජල බෝතල් 1904ක්, ලීටරයේ ජල බෝතල් 484ක්, ලීටර් එකහමාරේ ජල බෝතල් 576ක් සහ ලීටර් 19 ජල බෝතල් 34ක් භාරයට ගත් බවද පාරිභෝගික කටයුතු පිලිබද අධිකාරිය සදහන් කලේය.

එම අධිකාරිය වැඩිදුරටත් කියා සිටියී, පාරිභෝගික කටයුතු පිලිබද අධිකාරිය පනතට අනුව තමන්ට නොමැති ප්‍රමිතියක් හෝ අනුග්‍රහකත්වයක් ඇති බවට ව්‍යාජ ලෙස හුවා දැක්වීම වරදක් වන අතර අදාල ව්‍යාපාරික ආයතනයට එරෙහිව ඉදිරියේදී නඩු පැවරීමට කටයුතු කරන බවය.

Continue Reading

පුවත්

ආහාර විෂ වී ඇගලුම් සේවකයින් 50ක් රෝහලේ

Published

on

By

කටුනායක ආයෝජන ප්‍රවර්ධන කළාපයේ ඇගලුම් කර්මාන්තශාලාවක සේවය කරන සේවක සේවිකාවන් 50 දෙනෙකු පමණ කම්හල මගින් ලබා දුන් ආහාර අනුභව කිරීමෙන් පසුව රෝගාතුර වීම නිසා මීගමුව මහ රෝහල වෙත ඇතුළත් කර තිබේ.

රෝහල් ප්‍රකාශකයෙකු කියා සිටියේ ක්ලාන්තය, වමනය, පාචනය වැනි රෝග ලක්ෂණ මෙම රෝගී වූ සේවක සේවිකාවන් වෙතින් දිස් වන බවය.

මේ පිළිබඳ කටුනායක පොලිසිය, මීගමුව රෝහල් පොලිසිය, සිදුව සෞඛ්‍ය වෛද්‍ය නිලධාරි කාර්යාලයේ නිලධාරීන් සහ ප්‍රදේශයේ මහජන සෞඛ්‍ය පරීක්ෂකවරුන් වැඩිදුර විමර්ශන කටයුතු සිදු කරනු ලබයි.

Continue Reading

පුවත්

අධික කුලියක් ගෙවන රාජ්‍ය ආයතන ගැන තීරණයක්

Published

on

By

අධික කුලියක් ගෙවමින් විවිධ ගොඩනැගිලි තුළ පවත්වාගෙන යන රජයේ ආයතන, රජය සතු ගොඩනැගිලි තුළට ගෙනඒමට තීරණය කළ බව සුනිල් හඳුන්නෙත්ති මහතා පවසයි.

කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා අද පාර්ලිමේන්තුවේදී අදහස් දක්වමින් සඳහන් කළේ, මැණික් හා ස්වර්ණාභරණ අධිකාරියේ මාසික කුලිය මිලියන 5ක් බවය.

එහිදී වැඩිදුරටත් අදහස් දැක්වූ සුනිල් හඳුන්නෙත්ති මහතා : 

“ගොඩක් අමාත්‍යාංශවල ආයතන කුලියට ඉන්නේ. මැණික් හා ස්වර්ණාභරණ අධිකාරියේ මාසේ කුලිය මිලියන 5යි. වෙළෙඳ අමාත්‍යංශයේ මාසේ කුලිය ලක්ෂ 65යි. අපි තීරණය කරලා තියෙනවා ඒවා රජයේ ආයතනවලට ගන්න.

“මේ රටේ අතුරු සම්මත ගිණුමක් මුලින්ම ඉදිරිපත් කෙරුනේ 1931.09.22 දා. රුපියල් මිලියන 13.6කට.කබීර් හෂීම් ඉදිරිපත් කළා රට ආරාජික කිරීම ගැන කතාවත්. සමාජය අවුස්සන දේශපාලනයක් අපි කළා කියලා ඔබතුමා කිව්වා නේද? . එක්සත් ජාතික පක්ෂයේ ඉතිහාසය පුරාම පක්ෂවල නම් වරද්දගන්නවා. ජේ ආර් ජයවර්ධනත් රෝහාන් විජේවීරා කියලා කිව්වේ. ජනතා විමුක්ති පෙරමුණ කියන්න බැරි වුණා එයා මැරෙනකම් ම. එයා ජාතික මොකක්ද කතාවක් කිව්වේ. ඔබතුමාටත් පැටලිලා.. ඉතිහාස වැරැද්දක්. නේද ?”

“අපට නෙමෙයි දැන් වෛරය තිබෙන්නේ. ජනතාව සමග කේන්තිය තිබෙන්නේ දැන් ඔබට.ISB එක සම්බන්ධයෙන් අපි රුපියල් බිලියන 3000ක් වෙන් කරලා තියෙනවා අතුරු සම්මත ගිණුමෙන්.අපිට මේ පරණ පව් කරගහන්න සිද්ධ වෙච්ච කොටසකුත් තිබෙනවා. රනිල් වික්‍රමසිංහ නැත්නම් ISB එන්නේ නැහැ මෙහෙට. ඔබතුමාලා ගත්ත ණයවල පොළිය අපිට ගෙවන්න වෙලා තියෙන්නේ.අතුරු සම්මත ගිණුමෙන් මුදල් වෙන්කරන සියල්ලම වියදම් කරන්නේ නැහැ. මේක වෙන් කරන්නේ අවදානමට. අයවැයෙන් වෙන් කරන මුදලත් සියල්ලම වියදම් කරනවා කියලා හිතාගෙන අපි විවාද කරන්නේ නැහැ කවදාවත්.”

“ජනාධිපතිතුමාගේ වැය ශීර්ෂයට අච්චර වෙන් කරලා මෙච්චර වෙන් කරලා කියලා කිව්වා. අපි කැබිනට් මණ්ඩලය තීරණයක් ගත්තා ඉතුරුවෙන සියලු මුදල් භාණ්ඩාගාරයට එවන්න කියලා. ඒකට ජනාධිපතිතුමාව අවශ්‍ය ආදර්ශන මුලින්ම දීලා තියෙනවා. එතකොට රනිල් වික්‍රමසිංහට වෙන්කරපු ගාන කියලා ඔබලා සමාජයේ මතයක් හදන්න හැදුවට භාණ්ඩාගාරයේ ඇත්තටම ඉතුරු වෙලා තියෙනවා. මොකද රනිල් හරි සජිත් හරි දිවුරුම් දුන්නා නම් අද ඔය තත්ත්වය නෙමෙයි.අපේ අමාත්‍ය මණ්ඩලයේ 24 දෙනාම නිල නිවාසවලට ගියේ නැහැ. යන්න තියෙන දෙන්නෙක් මාදිවෙලට ගියේ. විදුලි බිලේ සිට වතුර බිලේ සිට මුදල් ඉතිරි වෙනවා.”

Continue Reading
Advertisement

Trending

Copyright © 2023 Sri Lanka Mirror. All Rights Reserved