Connect with us

පුවත්

සමාජ සේවා ආයතන යැයි කියමින් ගිණි පොළියට ණයදෙන හොර බැංකු සෙට් එකක්

Published

on

සමාජ සේවා ආයතන ලෙස සමාජ සේවා දෙපාර්තමේන්තුවේ ලියාපදිංචි කරමින් ගිණි පොළියට ණය ලබාදෙන ආයතන කිහිපයක් සම්බන්ධයෙන් මහ බැංකුවට පැමිණිලි ලැබී ඇතැයි වාර්තා වේ.

ඔවුන් මේවා බැංකු ලෙස හඳුන්වමින් ග්‍රාමීය ජනතාව මුලාකරමින් සිටින බවද පැවසේ.

එසේම දුප්පත් ජනතාවගේ නොයෙකුත් අවශ්‍යතා සඳහා රාජ්‍ය නොවන ආයතන හා පුද්ගලයන්ගෙන් මෙරටට ලබාදී ඇති ආධාර ද නොයෙක් ව්‍යාපෘති ඇති කර ඒවා හරහා පොලියට ණයදීමට යොදාගෙන ඇතැයි වාර්තා වේ.

ඇතැම් ආයතන වසර ගණනාවක සිට මෙසේ පවත්වාගෙන යන බවත්, ඒවා සඳහා දේශපාලඥයන්‍ගේ හා මහ බැංකු නිලධාරීන්ගේද සහය ලැබී ඇති බව මූලික සොයා බැලීම්වලදී හෙළිව ඇතැයි වාර්තා වේ. 

මේවා සමාජ සේවා දෙපාර්තමේන්තුවේ පමණක් ලියා පදිංචි වෙමින් මූල්‍ය ආයතන ලෙස ජනතාවගේ මුදල් ද එක් රැස්කරමින් පැවැතියද මහ බැංකු නිලධාරීන් මෙම ආයතන හිතා මතා මඟහැර ඇති බවද දේශීය ආදායම් දෙපාර්තමේන්තුව සිදු කළ සොයා බැලීමකදී හෙළිව ඇති බව වාර්තා වේ.

ක්ෂුද්‍ර මූල්‍ය ණය නියාමනය

ක්ෂුද්‍ර මූල්‍ය ණය නියාමනය කටයුතු සඳහා නව පනතක් ගෙනඒමට හේතුවී ඇත්තේ මේ තත්ත්වයන් බවද පැවසේ.

මේ අතර, ක්ෂුද්‍ර මූල්‍ය ණය නියාමනය අත්‍යවශ්‍ය කාරණාවක් බව ශ්‍රී ලංකා පොදු ජන පෙරමුණේ ගම්පහ දිස්ත්‍රික් මන්ත්‍රිනි කෝකිලා ගුණවර්ධන පාර්ලිමේන්තුවේ දී ඊයේ (12) පැවසුවාය.

පෞද්ගලික මන්ත්‍රී යෝජනාවක් පාර්ලිමේන්තුවට ඉදිරිපත් කරමින් මන්ත්‍රීනි කෝකිලා ගුණවර්ධන ප්‍රකාශ කළේ හතු පිපෙන්නාක් මෙන් ක්ෂුද්‍ර මූල්‍ය ආයතන ග්‍රාමීය මට්ටමෙන් බිහිව ඇති බවත් මෙම ආයතන මඟින් ඉතාම ආකර්ෂණීය ලෙස ණය ලබාදෙන බවට පවසා වැඩි පොලී අනුපාතයක් අය කරමින් ජන ජීවිතය පීඩාවට පත් කරන බවත්ය.

එහිදී වැඩිදුරටත් යෝජනාව ඉදිරිපත් කරමින් අදහස් දැක්වූ මන්ත්‍රීවරිය මෙසේද කියා සිටියාය. 

“ක්ෂුද්‍ර මූල්‍ය” ණය ගෙන අසරණ වන කාන්තාවන් හා පවුල් ගැන වාර්තා වෙනවා. ලියාපදිංචි වුණ පිරිසකුත් ඉන්නවා. නොවුණු පිරිසකුත් ඉන්නවා. ජනතාවගේ ජීවිත විනාශ වන මට්ටමට එමඟින් කටයුතු කරනවා. ගමේ සිටින ගැලවුම්කාරයා වගේ තමයි ක්ෂුද්‍ර මූල්‍ය ණය දෙන කෙනා හැසිරෙන්නේ. කාන්තාවන් එකතු කරගෙන සමිති පිහිටුවා ඔවුන්ට පහසු ක්‍රමයට ණය දෙනවා කියලා ණය දීලා ණය උගුලකට මේ කාන්තාවන් හිර කරනවා. මේ ණය ගෙවා ගැනීමට බැරි වුණාම ජීවිතවලින් වන්දි ගෙවනවා. මේක හරිම භයානක තත්ත්වයක්. ෆේස්බුක් හරහාත් දැන් ණය දෙනවා. ආකර්ෂණීය ලෙස මේ ණය දෙන ආකාරයට තමයි හැසිරෙන්නේ. නමුත් ආපසු බැලුවාම වාර්ෂිකව සියයට 200 ක 300 ක පොලියට තමයි මේ ණය දෙන්නේ. සමෘද්ධි බැංකුව හරහාත් ක්ෂුද්‍ර මූල්‍ය ණය ලබාදෙනවා. එය යම් විදියක හොඳ මට්ටමක තිබෙනවා.

හතු පිපෙන්නා වගේ මූල්‍ය ආයතන ගම් තුළ බිහි වෙනවා.

විශාල පොලී අනුපාතවලට ණය දෙනවා. රජයේ පවතින නීති ඉතාම ලිහිල්. ඒ නිසා ගැළවෙන්න පුළුවන්. ක්ෂු‍ද්‍ර මූල්‍ය ආයතන සෙල්ලම් කරන්නේ ජන ජීවිත සමඟ. ඒ නිසා මෙයට නීති ගෙනා යුතුමයි.“

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved