Connect with us

පුවත්

සාමණේර හිමිට අතවර කළ හිමිවරු සොයයි; පැවිදි වැඩිමහල් සොයුරාත් ඒ අතර

Published

on

බාලවයස්කාර සාමණේර භික්ෂුවකට වසර තුනක් පුරා බරපතළ ලෙස ලිංගික අපයෝජනය කළ බව කියන එම සාමණේර භික්ෂුවගේ පැවිදි වැඩිමහල් සොහොයුරා ඇතුළු වැඩිහිටි භික්ෂූන් වහන්සේලා දස නමක් සොයා ගලහ පොලිසිය පරීක්ෂණ අරඹා ඇත.

දැනට දහතුන් වැනි වියේ පසුවන මෙම සාමණේර හිමිනම වයස අවුරුදු 11සිට මෙසේ අපයෝජනයට ලක්ව ඇතැයි පරීක්ෂණ වලින් අනාවරණය වී තිබේ.

තවද තලාතුඔය, රටේමුල්ල, ගලහා, හොරණ, ගාල්ල ආදි ප්‍රදේශවල විහාරස්ථානවල විහාරාධිපති හිමිවරු හා අනෙකුත් භික්ෂූන් මෙම කුඩා හිමිනම අපයෝජනයට ලක් කර ඇතැයි පොලිසිය කියයි.

සාමණේර භික්ෂුව බොහෝ කාලයක සිට විඳින මෙම පීඩාව පිළිබඳ සිය මවට පවසා ඇති අතර, පසුව මව විසින් සිය අනෙක් පුතු පැවිදිවී සිටින හොරණ විහාරස්ථානයකට සාමණේර භික්ෂුව බාරදී ඇත.

එහිදි සාමණේර භික්ෂුවගේ වැඩිමහල් සහෝදරයා වන එම භික්ෂුව විසින්ද, සාමණේර භික්ෂුවට අතවර කර ඇති බව පොලිස් පරීක්ෂණ වලදී අනාවරණය වී ඇත.

අනතුරුව මව විසින් ගාල්ල ප්‍රදේශයේ විහාරස්ථානයකට සාමණේර හිමිනම බාරදී ඇති අතර, එහිදී සෑදුණු උදරාබාධයක් හේතුවෙන් කරාපිටිය රෝහලට ඇතුළත් කිරීමෙන් පසු තහවුරුවී ඇත්තේ, භික්ෂුව දීර්ඝකාලයක සිට අපයෝජනයට ලක්ව තිබෙන බවය.

ගම්පොල කොට්ඨාස භාර ජ්‍යෙෂ්ඨ පොලිස් අධිකාරි ප්‍රදීප් රත්නායක මහතාගේ උපදෙස් මත ගලහ පොලිස් ස්ථානාධිපති ප්‍රධාන පොලිස් පරීක්ෂක සමන් ගුණසේකර මහතා සහ ළමා හා කාන්තා කාර්යාංශයේ ස්ථානාධිපතිනි ප්‍රධාන පොලිස් පරීක්ෂිකා ධනවතී රණසිංහ මහත්මිය ඇතුළු කණ්ඩායමක් වැඩිදුර පරීක්ෂණ සිදු කරයි.

පුවත්

චීනයට පත්වූ නව ශ්‍රී ලංකා තානාපති, වැඩ භාර ගනී

Published

on

By

චීනයට පත් වී ඇති නව ශ්‍රී ලංකා තානාපතිවරයා වන මජින්ත ජයසිංහ මහතා ඊයේ (20) දිනයේදී බෙයිජිං අගනුවරදී වැඩ භාරගෙන තිබුණි.

මීට පෙර මෙම ධූරයේ කටයුතු කළ පාලිත කොහොන මහතා ගේ ධූර කාලය පසුගිය වසරේදී අවසන් වීමත් සමග මෙම ධූරය මාස කිහිපයක් පුරාවටම හිස්ව පැවතිනි.

Continue Reading

පුවත්

අද ජාත්‍යන්තර  “තේ” දිනය යි

Published

on

By

එක්සත් ජාතීන්ගේ සංවිධානය විසින් අද (මැයි 21) ජාත්‍යන්තර තේ දිනය ලෙස නම් කර ඇත.

ගෝලීය වශයෙන් තේවල සංස්කෘතික වැදගත්කම හඳුනා ගැනීම සහ එහි තිරසාර නිෂ්පාදනය සහ පරිභෝජනය ප්‍රවර්ධනය කිරීම එහි අරමුණයි.

ගෝලීය වශයෙන් වැඩිපුරම පරිභෝජනය කරන දෙවන පානය වන තේ, ග්‍රාමීය සංවර්ධනය, ආහාර සුරක්ෂිතතාව සහ සංවර්ධනය වෙමින් පවතින රටවල දරිද්‍රතාවය අඩු කිරීම සඳහා වැදගත් කාර්යභාරයක් ඉටු කරයි.

ඉන්දියාව, ශ්‍රී ලංකාව, නේපාලය, වියට්නාමය, ඉන්දුනීසියාව, බංග්ලාදේශය, කෙන්යාව, මලාවි, මැලේසියාව, තුර්කිය, මියන්මාරය, ඉරානය, රුවන්ඩාව උගන්ඩාව සහ ටැන්සානියාව වැනි තේ නිෂ්පාදනයේ පුරෝගාමී රටවල පවුල් මිලියන ගණනක ජීවනෝපාය තේ කර්මාන්තයයි.

ලොව පුරා Ceylon Tea හෙවත් ලංකාවේ තේ අතිශය ප්‍රචලිත අතර සංචාරකයන් අතර අප රටේ තේ පිළිබඳ උනන්දුවක් ඇති කිරීමේ අරමුණින් නව වැඩපිළිවෙළක් ආරම්භ කිරීමට ද මේ වනවිට යෝජනා ඉදිරිපත්ය.

සබැඳි පුවත්

Continue Reading

පුවත්

වැසි සහ සුළං තත්ත්වය තවදුරටත්

Published

on

By

බස්නාහිර, සබරගමුව, වයඹ සහ මධ්‍යම පළාත්වලත්, ගාල්ල සහ මාතර දිස්ත්‍රික්කවලත් තවදුරටත් මිලිමීටර 100 ඉක්ම වූ තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

නිවේදනයක් නිකුත් කරමින් එම දෙපාර්තමේන්තුව සඳහන් කර සිටින්නේ, පවතින අධික වැසි සහිත කාලගුණ තත්ත්වය තවත් දින කිහිපයක් පවතිනු ඇතැයි අපේක්ෂා කරන බවය.

මේ අතර අත්තනගලු ඔය සහ උරුවල් ඔය නිම්නවල ඇතැම් පහත්බිම් ප්‍රදේශවලට ඉදිරි පැය 48 තුළ ගංවතුර අවදානමක් ඇතිවිය හැකි බව වාරිමාර්ග දෙපාර්තමේන්තුව විසින් නිවේදනය කරන ලදී.

අත්තනගලු ඔයේ සහ උරුවල් ඔයේ ජල මට්ටම මේ වනවිට වැඩි වෙමින් පවතින අතතර මේ හේතුවෙන් බලධාරීන් දැනුම් දෙන්නේ, දිවුලපිටිය, මීරිගම, අත්තනගල්ල, මහර, මිනුවන්ගොඩ, ජා ඇළ, කටාන සහ වත්තල ප්‍රාදේශීය ලේකම් කොට්ඨාසවල ජනතාවට අවධානයෙන් පසුවන ලෙසයි.

අත්නගලුඔය ද්‍රෝණියට පසුගිය දින කිහිපයේ සැලකිය යුතු වර්ෂා පතනයක් ලැබීම මේ තත්ත්වයට හේතුව බව වාරිමාර්ග දෙපාර්තමේන්තුව සඳහන් කළේ ය.

මේ අතර ඉදිරි පැය 48 තුළ කුඩා ගඟ සහ මගුරු ගඟ සුළු ගංවතුර මට්ටමට පැමිණිය හැකි බව වාරිමාර්ග දෙපාර්තමේන්තුව පවසයි.

ඒ හේතුවෙන් බුලත්සිංහල, මදුරාව සහා පාලින්දනුවර ප්‍රාදේශීය ලේකම් කොට්ඨාසවල පහත්බිම්වල සිටින ජනතාවට අවධානයෙන් සිටින්නයැයි ඔවුන් ඉල්ලා සිටි.

බෙංගාල බොක්ක අවට මුහුදු ප්‍රදේශයේ පවතින කැළඹිලි සහගත තත්ත්වය ඉදිරි දිනවලදී පීඩන අවපාතයක් බවට පත් වෙමින් දිවයිනෙන් එපිටට ගමන් කරන බව කාලගුණ විද්‍යා දෙපාර්තමේන්තුව සඳහන් කළේ ය.

කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක මහතා පැවසුවේ,එහි වක්‍ර බලපෑම දිවයිනට බලපාන බවයි.

ඒ හේතුවෙන් මධ්‍යම, සබරගමුව, දකුණ, මධ්‍යම, උතුරු සහ මන්නාරම් දිස්ත්‍රික්කවල තැනින් තැන වැසි ඇති වන බව ද කාලගුණ විද්‍යා දෙපාර්තමේන්තුව පැවසීය.

පවතින කාලගුණික තත්ත්වය හමුවේ මේ වනවිට දිවයිනේ 8ක පවුල් 8,974ක පුද්ගලයින් 33,493කට තවදුරටත් බලපා තිබේ. එහි වැඩිම බලපෑම වාර්තා වන්නේ, පුත්තලම දිස්ත්‍රික්කයෙනි. එම දිස්ත්‍රික්කයේ පවුල් 8,780ක පුද්ගලයින් 32,710ක් පීඩාවට ලක්ව සිටිති.

පුත්තලම – වනාන්තවිල්ලුව ප්‍රධාන මාර්ගය හතරේ කණුව ප්‍රදේශයෙන් ඊයේ (20) රාත්‍රීයේ ජලයෙන් යට විය. මේ හේතුවෙන් පවුල් 100කට ආසන්න ප්‍රමාණයක් පීඩාවට පත්ව ඇති බව වාර්තා වේ. පවතින කාලගුණික තත්ත්වය සැලකිල්ලට ගනිමින් පුත්තලම දිස්ක්‍රික්කයේ සියලුම පාසල්වලට අද (21) සහ හෙට (22) නිවාඩු ලබා දී තිබේ.

පවතින අධික වැසි තත්ත්වය හේතුවෙන් දිස්ත්‍රික්ක 8කට නිකුත් කළ නාය යෑමේ පුර්ව අනතුරු ඇඟවීම තවදුරටත් බලාත්මකය. බදුල්ල, කොළඹ, ගම්පහ, කළුතර, මහනුවර, කෑගල්ල, ගාල්ල සහ රත්නපුර දිස්ත්‍රික්ක සඳහා එලෙස අනතුරු ඇඟවීම් නිකුත් කෙරුණි.

මේ අතර ගිනිකොණදිග අරාබි සහ නිරිතදිග බෙංගාල බොක්ක මුහුදු ප්‍රදේශවල නැවත දැනුම් දෙනතුරු යාත්‍රා කිරීමෙන් වළකින්නැයි ධීවර සහ නාවික ප්‍රජාවට නිකුත් කළ අනතුරු ඇඟවීම ද තවදුරටත් බලාත්මකය.

Continue Reading
Advertisement

Trending

Copyright © 2023 Sri Lanka Mirror. All Rights Reserved