සාරිය හා ඔසරිය වෙනුවට වෙනත් ඇඳුම්වලින් සැරසී පාසලට පැමිණි ගුරුවරියන් සම්බන්ධයෙන් අධ්යාපන අමාත්යවරයා විනය ක්රියාමාර්ග ගන්නා ඇති බවත්, අධ්යාපනය අමාත්යාංශ විනය ක්රියාමාර්ග ගත යුතු බවත් වැඩබලන කැබිනට් ප්රකාශක රාජ්ය අමාත්ය ශාන්ත බණ්ඩාර මහතා අද (22) පැවැසීය.
මේ සම්බන්ධයෙන් අධිකරණ අමාත්ය විජයදාස රාජපක්ෂ මහතා සඳහන් කළේ, පාසල් ගුරුවරුන්ගේ ඇඳුම සම්බන්ධයෙන් අධ්යාපන අමාත්යවරයා තීරණයක් ගෙන ඇති බවත් ගුරුවරයාගේ ඇඳුම රටේ අනන්යතාව තහවුරු කරන සාධකයක් බව කැබිනට් තීරණ දැනුම් දීමේ මාධ්ය සාකච්ඡාවට එක්වෙමින් පැවැසීය.
අමාත්යවරයා වැඩිදුරටත් දැක්වූ අදහස් මෙසේය.
“මේ ප්රශ්ණය පිළිබදව අවසාන තීරණයක් අධ්යාපන ඇමතිතුමා ගැන දීලා තියෙනවා. ඇඳුම් සකස්වෙලා තියෙන්නේ රටේ අනන්යතාව, අපේ සංස්කෘතික අනන්යතාව තහවුරු වෙන ආකාරයට.
ඉන් ඔබ්බට ගත්තොත් ගුරුවරයා පිළිබඳව ශිෂ්යාට තියෙන ගෞරවය හා භක්තිය ආරක්ෂා වෙන ආකාරයට තමයි මේ ප්රමිතින් හදලා තියෙන්නේ. අපේ රටේ සංස්කෘතිය විනාශ කරන්න නොයෙකුත් බලවේග ක්රියාත්මක වෙනවා.ඒක බලවේගයක් තමයි ඔය කියන්නේ ඔය සංස්කෘතිය විනාශ කරන්න කියලා.
තවත් බලවේගයක් තමයි අයිස් වගේ මත්ද්රව්ය පාසල්වලට නොමිලයේ බෙදලා දෙන්නේ. මේ රටේ අනාගත පරම්පරාව විනාශ කරන්න දුෂිත බලවේග ක්රියාත්මක වෙනවා. වෙන වෙන රාජ්යයන් වලින් සංවිධාන වලින් උදව් ලැබෙන බවට තොරතුරු තිබෙනවා.
කෑගහන වෘත්තීය සමිති නායකයන්ට කියනවා රටේ සංස්කෘතිය ඉගෙන ගෙන ඔය වෘත්තීය සමිති කටයුතු කරන්න ”
