Connect with us

පුවත්

සුනාමිය ඇවිත් වසර 19යි; ආරක්ෂාවට යෙදූ කුළුණු 77න් 57ක් වැඩ නෑ

Published

on

2004 දෙසැම්බර් 26 වැනිදා සිදු වු සුනාමි ව්‍යවසනයට අදට (26) වසර 19ක් සපිරේ.

එම ව්‍යසනයෙන් පසුව වෙරළබඩ ප්‍රදේශවල ඉදිකර ඇති සුනාමි අනතුරු ඇඟවීමේ කුළුණු 77න් 57ක් මේ වන විට ක්‍රියා විරහිතව පවතින බවද ආපදා කළමනාකරණ මධ්‍යස්ථානය පවසනය සඳහන් කර තිබේ. 

2004 සුනාමියෙන් පසු කොළඹ දිස්ත්‍රික්කයේ කුළුණු 02ක් ද, ගම්පහ දිස්ත්‍රික්කයේ කුළුණු 05ක් ද, කළුතර දිස්ත්‍රික්කයේ කුළුණු 06ක් ද, ගාල්ල දිස්ත්‍රික්කයේ කුළුණු 08ක් ද, මාතර දිස්ත්‍රික්කයේ කුළුණු 07ක් ද, හම්බන්තොට දිස්ත්‍රික්කයේ කුළුණු 09ක් ද, පුත්තලම දිස්ත්‍රික්කයේ කුළුණු 04ක් ද, අම්පාර දිස්ත්‍රික්කයේ කුළුණු 08ක්ද, මඩකලපු දිස්ත්‍රික්කයේ කුළුණු 07ක්ද, ත්‍රිකුණාමල දිස්ත්‍රික්කයේ කුළුණු 07ක්ද, මන්නාරම දිස්ත්‍රික්කයේ කුළුණු 03ක්ද, මුලතිව් දිස්ත්‍රික්කයේ කුළුණු 06ක්ද යාපනය දිස්ත්‍රික්කයේ 05ක්ද වශයෙන් මේවා ඉදිකර තිබුණි.

මින් කුළුණු 11ක් ආපදා කළමනාකරණ මධ්‍යස්ථානයේ සිට ක්‍රියාත්මක කළ හැකි අතර තවත් කුළුණු නවයක් අදාළ ස්ථානයට ගොස් අතින් ක්‍රියාත්මක කළ හැකි මට්ටමේ පවතියි.

මේ අතර, සුනාමි ව්‍යසනයෙන් සහ අනෙකුත් ආපදාවලට ගොඳුරු වීමෙන් මියගිය මහජනතාව සිහිපත් කරමින් දෙසැම්බර් මස 26 වැනිදා පෙරවරු 9.25 සිට පෙරවරු 9.27 දක්වා විනාඩි දෙකක නිශ්ශබ්දතාවක් පැවැත්වීමට කටයුතු යොදා තිබිණි. 

2004 වර්ෂයේ සිදු වූ සුනාමි ව්‍යසනයට ශ්‍රී ලංකාවේ මුහුදුබඩ දිස්ත්‍රික්ක 14ක් ගොදුරු වූ අතර මියගිය සංඛ්‍යාව 35,000ක් පමණ වේ.

එම නිසා සුනාමි ව්‍යසනයෙන් සහ අනෙකුත් ආපදා හේතුවෙන් මිය ගිය ජනතාව සිහිපත් කිරීම සඳහා 2005 අංක 15/1975/715/001-1 දරන අමාත්‍ය මණ්ඩල පත්‍රිකාව අනුව 2006 වර්ෂයේ සිට සෑම වර්ෂයකම දෙසැම්බර් මස 26 වැනි දින ‘ජාතික සුරක්ෂිත දිනය’ ලෙස ප්‍රකාශයට පත්කර ඇත.

මීට වසර 19කට පෙර දෙසැම්බර් 26 වෙනි දින අසිරිමත් නත්තලක මිහිර විඳි දකුණේ හා උතුරු නැගෙනහිර ජනතාවට,උඳුවප් පුර පසළොස්වක පොහොය දිනය ද අද මෙන් යෙදී තිබුණි.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved