Connect with us

පුවත්

සුමන්දිරන්ගේ පෙත්සම විභාගයට නොගෙනම විසි කරන්නැයි ඉල්ලයි

Published

on

මාර්ගගත ආරක්ෂණ පනත ක්‍රියාත්මක කිරීම වළකාලන අතුරු නියෝගයක් නිකුත් කරන ලෙස ඉල්ලා පාර්ලිමේන්තු මන්ත්‍රී එම්.ඒ සුමන්දිරන් මහතා ගොනුකොට ඇති පෙත්සම විභාගයට නොගෙනම ඉවත දමන ලෙස නීතිපතිවරයා ශ්‍රේෂ්ඨාධිකරණයෙන් ඉල්ලා සිටියේය.

නීතිපති ජනාධිපති නීතිඥ සංජය රාජරත්නම් මහතා මෙම දැනුම්දීම සිදුකළේ අදාළ පනතට එරෙහිව ගොනුකොට ඇති මූලික අයිතිවාසිකම් පෙත්සම ශ්‍රේෂ්ඨාධිකරණය හමුවේ සලකා බැලූ අවස්ථාවේදීය.

මෙම පෙත්සම ශ්‍රේෂ්ඨාධිකරණ විනිසුරුවරුන් වන ප්‍රියන්ත ජයවර්ධන, ශිරාන් ගූණරත්න සහ අචල වෙන්ගප්පුලි යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු මඩුල්ලක් හමුවේ සලකා බැලිනි.

නීතිපති ජනාධිපති නීතිඥ සංජය රාජරත්නම් මහතා වැඩිදුරටත් කරුණු දක්වමින් මෙසේ පැවසීය.

දැනට මෙම පනත් කෙටුම්පත පාර්ලිමේන්තුව මගින් සම්මත කර අවසන් එයට කථානායකවරයාත් අත්සන් කර තිබෙනවා ඊට මැදිහත්වීමට ශ්‍රේෂ්ඨාධිකරණයට අධිකරණමය බලයක් නැහැ.ආණ්ඩුක්‍රම ව්‍යවස්ථාවේ 126 වගන්තිය අනුව මූලික අයිතිවාසිකම් පෙත්සමක් ඉදිරිපත් කළ හැක්කේ පරිපාලනමය හෝ විධායකයේ ක්‍රියාවකින් මූලික අයිතිවාසිකම් කඩවී ඇත්නම් පමණි.මෙහිදී එවැනි ක්‍රියාවක් සිදුවී නෑ. ඒ අනුව ව්‍යවස්ථාවේ අදාළ වගන්තිය යටතේ පෙත්සමක් ඉදිරිපත් කරන්න කිසිදු ආකාරයකින් නීතිමය ප්‍රතිපාදන නෑ. තවද පාර්ලිමේන්තු මන්ත්‍රීවරයෙක් විසින්ම මෙවැනි පෙත්සමක් ඉදිරිපත් කිරීම නීතියට පටහැනියි. එබැවින් මෙම මුලික විරෝධතා පිළිගෙන පෙත්සම මුල් අවස්ථාවේදීම විභාගයට නොගෙන ඉවත දමන ලෙස අධිකරණයෙන් ඉල්ලා සිටිනවා.

ඉන් අනතුරුව පෙත්සම්කාර පාර්ලිමේන්තු මන්ත්‍රී එම්.ඒ සුමන්දිරන් මහතා වෙනුවෙන් පෙනී සිටි ජනාධිපති නීතිඥ සුරේන් ප්‍රනාන්දු මහතා මෙසේ පැවසීය

මෙහිදී පාර්ලිමේන්තු ක්‍රියාවක් අභියෝග කර නැහැ. කතානායකවරයාගේ ක්‍රියාකලාපයක් පමණයි අභියෝගයට ලක් කර ඇත්තේ. ශ්‍රේෂ්ඨාධිකරණය ලබා දුන් නිර්ණායකයක් අනුව කථානායකවරයා කටයුතු කර නැහැ. මෙම පනතට කතානායකවරයා අත්සන් කරන විට  පාර්ලිමේන්තු වාර අවසාන  වී තිබෙනවා. ඒ අනුව පරිපාලන ක්‍රියාවක් ගණයට වැටෙනවා. එවැනි ක්‍රියාවක් ශ්‍රේෂ්ඨාධිකරණය හමුවේ අභියෝගයට ලක් කළ හැකියි.ඒ අනුව මෙම පෙත්සම විභාගයට ගන්න අවසර ලබාදෙන ලෙසත් අදාළ සහන ලබාදෙන ලෙසත් අධිකරණයෙන් ඉල්ලා සිටිනවා.

දෙපාර්ශවයේ කරුණු සැලකිල්ලට ගත් ශ්‍රේෂ්ඨාධිකරණය අදාළ පෙත්සම විභාගයට ගන්නවද නැද්ද යන්න පිළිබඳ නියෝගය පසුවට ප්‍රකාශයට පත් කරන  බව දැනුම් දුන්නේය.

(ලංකාදීප)

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved