Connect with us

පුවත්

සේවක විරෝධය නිසා රූපවාහිනියේ වෙබ් රේඩියෝව තාවකාලිකව අත්හිටුවයි!

Published

on

ජනමාධ්‍ය කටයුතු පිළිබඳ අමාත්‍යාංශයීය උපදේශක කාරක සභාවෙදී දිගින් දිගටම පාඩු ලබන ආයතනයක් ලෙස අනාවරණය වූ ශ්‍රී ලංකා රූපවාහිනි සංස්ථාව අද (14) ආරම්භ කිරීමට නියමිතව තිබූ වෙබ් රේඩියෝව තාවකාලිකව අත්හිටුවීමට එහි සභාපති ආචාර්ය ප්‍රසාද් සමරසිංහ මහතා සේවකයන්ට පොරොන්දුවක් දී ඇතැයි එහි අභ්‍යන්තර ආරංචි මාර්ගවලින් වාර්තා වේ.

සභාපතිවරයා අද (14) පෙරවරුවේ රූපවාහිනී සංස්ථාවේ ප්‍රධාන ගොඩනැගිල්ලේ ලොබියේ රැඳී සිටියදී සේවක පිරිසකගෙන් එල්ලවූ විරෝධයක් සඳහා ප්‍රතිචාර දක්වමින් ඔහු මේ පොරොන්දුව ලබාදී ඇත.

ඊයේ (13) ලංකා විදුලිබල මණ්ඩලය විසින් රූපවාහිනිය විසින් විදුලි බිල්පත් නොගෙවීම හේතුවෙන් විදුලිය විසන්ධි කර ඇති අතර පසුව එය මුදලක් ගෙවා තාවකාලිකව ලබා ගැනීමට කටයුතු කර තිබූ බවද මේ අතර වාර්තා වේ.

කෙසේවුවද,සභාපතිවරයා සේවකයන්ට පවසා ඇත්තේ රූපවාහිනීයේ 42 වැනි සංවත්සරය වෙනුවෙන් Ru Radio නමින් වෙබ් රේඩියෝවක් ආරම්භ කිරීමට යන බව තමන් නොදන්නා බවයි.

කෙසේවුවද, මේ සම්බන්ධයෙන් වීඩියෝ දැන්වීම් පවා රූපවාහිනිය පල කර තිබූ අතර එය Ru Radio ලෙස https://rupavahini.lk/ru-radio ඔස්සේ පරීක්ෂණ විකාශයක්ද ආරම්භ කර තිබිණි.

ජාතික රූපවාහිනිය මේ වන විට මිලියන තුන්දහසකට අධික මුදලක් ණයවී ඇතැයි එහි වෘත්තීය සමිති පෙන්වා දී තිබේ.

ඒ අතර, රජයට ගෙවිය යුතු වැට් මුදල් වසර ගණනාවකින් ගෙවා නොමැති අතර සේවකයින්ගේ ඊපීඑෆ් සහ ඊටීඑෆ් මාස ගණනාවකින් ගෙවා නැතැයි ද පැවසේ.

විශ්‍රාම පාරිතෝශිකය ගෙවිය යුතු විශ්‍රාමිකයින් ගණන 40කට අධික බවත්, ඇතැම් විශ්‍රාමිකයින් නඩු මගට බැස ඇති බවද වාර්තා වේ.

විදුලි බිල ගෙවා ගැනීමට නොහැකිව අවස්ථා 10කදී පමණ රූපවාහනියේ විදුලිය විසන්ධි කර ඇති අතර එහි විකාශනය වූ ටෙලි නාට්‍ය වලට ගෙවිය යුතු හිග මුදල් ඉල්ලා ටෙලිනාට්‍ය නිෂ්පාදකවරු පැමිණෙන විට ජාතික නාලිකාවේ මුදල් කළමනාකරු සැඟවෙන තත්ත්වයක් මේවන විට මතුව ඇතැයි ද පැවසේ.

ආයතනය ගොඩ දමා ගැනීමට හදුන්වා දුන් ස්වේච්ඡා විශ්‍රාම ගැන්වීමේ ව්‍යාපෘතියෙන් සේවය අතහැර ‍‍ගොස් ඇත්තේ සේවකයන් 65ක් පමණ වුවද ඔවුන්ටද විශ්‍රාම පාරිතෝශිකය සහ ඊපීඑෆ් සහ ඊටීඑෆ් ගෙවා ගැනීමට නොහැකිව මූල්‍ය අංශය දැඩි අසීරුතාවයකට ලක්ව ඇතැයිද වාර්තා වේ.

එහි සේවකයන් ජනමාධ්‍ය අමාත්‍ය ආචාර්ය බන්දුල ගුණවර්ධන මහතාට මෙන්ම එහි වත්මන් සභාපතිට ද මේ කඩා වැටීම් සම්බන්ධයෙන් බරපතල චෝදනා එල්ල කරණ අතර, චැනල් අයි නාලිකාව සුභාෂ්කරන් අලිරාජාට ලබාදීමේ ගනුදෙනුව දූෂිත එකක් බවට ද චෝදනා එල්ල කරති.

එහිදී දෙමළ ජනතාවට ලංකාව පුරා පෙනුන නේත්‍රා නාලිකාවේ විද්‍යුත් සංඛ්‍යාතය අල්ලිරාජාට ලබාදෙමින් චැනල් අයි විද්‍යුත් සංඛ්‍යාතය නේත්‍රා නාලිකාව බවට පරිවර්තනය කර කූට ගනුදෙනුවක් කළ බවට ද ස‍ේවකයෝ චෝදනා කරති.

සබැඳි පුවත්:

පාඩු ලබන රූපවාහිනියෙන් අරින වෙබ් රේඩියෝව – Sri Lanka Mirror – Right to Know. Power to Change

රූපවාහිනියේ මනි ලොන්ඩ්‍රියක් දාලා?: කාටද මේ බොරු කරන්නේ – Sri Lanka Mirror – Right to Know. Power to Change

පුවත්

වැස්සත් සමග පාචනය වැඩිවෙයි

Published

on

By

වැස්සත් සමග පාචනය රෝගය වැඩි වීමේ ප්‍රවණතාවක් ඇතැයි මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා ප්‍රකාශ කර සිටී.

වර්ෂාවත් සමග ජල මූලාශ්‍ර දූෂණය වීමේ අවදානමක් පවතින හෙයින් වෙසක් බීම දන්සැල් පැවැත්වීමේදී පිරිසිදු ජලය භාවිතා කරන ලෙස ඔහු ඉල්ලීමක් සිදුකරයි.

පසුගිය වර්ෂ හා සැසඳීමේදී මෙවර දන්සැල් ලියාපදිංචි කිරීමේ අඩුවක් පවතින බවද ඔහු වැඩිදුරටත් පැවසීය.

කොළඹ මහ නගර සභා සීමාවේ දන්සල් පරීක්ෂාවට මහජන සෞඛ්‍ය පරීක්ෂකවරුන් 47ක් යොදවන බව කොළඹ මහ නගර සභාවේ මහජන සෞඛ්‍ය පරීකෂක සමන්ත කුමාර මහතා පවසයි.

බව ඔහු සඳහන් කලේ මේ වන විට දන්සැල් 200කට ආසන්න ප්‍රමාණයක් ලියාපදිංචි වී ඇති බවය.

ඒ අනුව වෙසක් පෝය දිනට පෙර දින දක්වාම සෑම මහජන සෞඛ්‍ය පරීක්ෂක කාර්යාලයකම දන්සැල් ලියාපදිංචි කිරීම සිදුකරයි.

Continue Reading

පුවත්

බන්ධනාගාර කොමසාරිස් ජනරාල්වරයාට අධිකරණ නියෝගයක්

Published

on

By

බන්ධනාගාර නිලධාරින් වෘත්තීය ක්‍රියාමාර්ගයකට අවතීරණවීම පිළිබඳ වහාම අද (20) දිනය තුළ අධිකරණය හමුවේ පෙනී සිට කරුණු දක්වන ලෙස කොළඹ ප්‍රධාන මහෙස්ත්‍රාත් තිළිණ ගමගේ මහතා අද පෙරවරුවේ බන්ධනාගාර කොමසාරිස් ජනරාල්වරයාට නියෝග කළේය.

ඒ, කොළඹ ප්‍රධාන මහෙස්ත්‍රාත් අධිකරණයේ අද දිනට නියමිත නඩු කටයුතු ආරම්භ කළ අවස්ථාවේ බන්ධනාගාර ගත රැඳවියන් අධිකරණයට රැගෙනවිත් නොතිබීම පිළිබඳ අවධානය යොමු කරමිනි.

එහිදි අද දිනයේ ලෙඩ නිවාඩු වාර්තාකර ඇති නිලධාරින් පිළිබඳ සම්පුර්ණ වාර්තාවක් අධිකරණයට ඉදිරිපත් කරන ලෙසද කොළඹ ප්‍රධාන මහෙස්ත්‍රාත්වරයා බන්ධනාගාර කොමසාරිස් ජනරාල්වරයාට නියෝග කර තිබුණි.

මේ අතර දිවයිනේ ප්‍රදේශ කිහිපයක බන්ධනාගාර නිලධාරින් ලෙඩ නිවාඩු වාර්තා කර අද සේවයට වාර්තාකර නොමැති බව වාර්තා විය.

ඒ වැටුප් ඉහළ නොදැමීම ඇතුළු ඉල්ලීම් කිහිපයක් මුල් කරගනිමිනි.

බන්ධනාගාර නිලධාරින්ගේ සියලු නිවාඩු අවලංගුකර ඇති බැවින් සියලුදෙනා වහාම සේවයට වාර්තා කළ යුතු බවට බන්ධනාගාර කොමසාරිස්, මාධ්‍ය ප්‍රකාශක ගාමිණී බී. දිසානායක මහතා විසින් අද නිවේදනය කරන ලදී.

වැටුප් ඉහළ නොදැමීම, නිලධාරී හිඟය විසඳීම ඇතුළු ඉල්ලීම් කිහිපයක් මුල් කරගනිමින් බන්ධනාගාර නියාමක සහ සැරයන්වරුන් පිරිසක් වෘත්තීය ක්‍රියාමාර්ගයක් ලෙස මෙලෙස ලෙඩ නිවාඩු දමා ඇති බව වාර්තාවිය.

ඒ අනුව වැලිකඩ, ගාල්ල සහ මාතර යන බන්ධනාගාරවල බන්ධනාගාර නිලධාරින් මෙම වෘත්තීය ක්‍රියාමාර්ගයට ප්‍රවිශ්ඨ වී තිබේ.

බන්ධනාගාර තුළ ක්‍රියාත්මක මෙම  වෘත්තීය ක්‍රියාමාර්ගය හේතුවෙන් රැදවියන් බැලීමට අවස්ථාව ලබාදීම මෙන්ම රැඳවියන් නඩු කටයුතු සඳහා අධිකරණයට රැගෙන යාමටද බාධා එල්ල වී ඇත.

සබැඳි පුවත්

බන්ධනාගාර නිලධාරීන් වෘත්තීය ක්‍රියාමාර්ගයක

Continue Reading

පුවත්

“විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක්”

Published

on

By

විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක් බව ජාතික ජන බලවේගයේ නායක අනුර කුමාර දිසානායක මහතා පවසා සිටී.

ඒ මහතා මේ බව පවසන ලද්දේ ඊයේ (19) දින පැවැත්වුන ජාතික ජන බලවේගය විසින් සංවිධානය කල “විශ්‍රාමික ජාතික සමුළුව ”  අමතමිනි.

ඉදිරි මැතිවරණය ගැනද අනුර දිසානායක මහතා මෙහිදී අදහස් දැක්වූයේය.

“පාර්ලිමේන්තුව විසුරුවා හැරීමට බැසිල් රාජපක්ෂට වුවමනාව තිබෙනවා. එක්කෝ එයා රනිල්ට සහාය දෙන්න ඕනෑ. ජනතාවගේ සහායෙන් රනිල් ජනාධිපති වුණොත්, පොහොට්ටුවේ ගමන එතනින් අවසන්. රනිල්ට සහාය නොදී වෙන අපේක්ෂකයෙක් දැම්මොත්, පොහොට්ටුවට තිබෙන ඡන්ද ප්‍රමාණයත් නැතිවෙනවා. දාන්න කෙනෙකුත් නැහැ. ….

ස.ජ.බෙ.ටත් අවශ්‍යයි පාර්ලිමේන්තුව විසුරුවා ගන්න. ජනාධිපතිවරණයේදී කේන්ද්‍ර වෙන්නේ පුද්ගලයන්….

 ජාතික ජන බලවේගයේ අපි මේ දෙකටම ලැහැස්තියි…”

අනුර  දිසානායක මහතා විසින් සිදුකරනු ලැබූ සම්පූර්ණ කතාව

Continue Reading
Advertisement

Trending

Copyright © 2023 Sri Lanka Mirror. All Rights Reserved