Connect with us

පුවත්

හතේ කල්ලියේ සිටි, කුඩු අල්ලන්න හපනෙකු වූ ලිස්ටා මියයයි!

Published

on

දකුණු පළාතේ මත්ද්‍රව්‍ය වැටලීම් හාරසියයකට අධික සංඛ්‍යාවකට දායකත්වය සැපයූ නිල සුනඛ ලිස්ටා ඊයේ (23) ජීවිතක්ෂයට පත්ව තිබේ.

ගාල්ල මාතර නිල සුනඛ ඒකකයේ අධීක්ෂණ නිලධාරී උප පොලිස් පරීක්ෂක පී.පී.ඩී අබේවික්‍රම මහතාගේ උපදෙස් මත ගාල්ල මූලස්ථාන පොලිසියේ කොස්තාපල් 78840 චමිල මහතාගේ අධීක්ෂණය යටතේ සිටි මෙම සුනඛයා මත්ද්‍රව්‍ය වැටලීම්වලට දායකත්වය සැපයූ හොඳම සුනඛයා ලෙස සැලැකේ.

හෙරොයින්, අයිස්, ගංජා වැනි මත්ද්‍රව්‍ය සම්බන්ධ වැටලීම් 302 කට යොදවා ඇති ලිස්ටාගෙන් සාර්ථක වූ වැටලීම් ගණන 104 කි.

2017 නොවැම්බර් 01 වැනිදා නෙදර්ලන්තයේ උපත ලද ගෝල්ඩන් රිට්‍රීවර් වර්ගයේ මෙම සුනඛයා 2018 වසරේ සැප්තැම්බර් 24 වැනිදා ශ්‍රී ලංකා පොලිස් නිල සුනඛ අංශයට අංක 1371 වශයෙන් බඳවාගෙන ඇත.

අස්ගිරිය නිල සුනඛ මූලස්ථානයේ මූලික පුහුණුව ලැබූ මෙම සුනඛ්‍යා මත්ද්‍රව්‍ය පරීක්ෂණ රාජකාරී සඳහා සුවිශේෂී පුහුණුවකට ලක්වූ සුනඛයෙකි.

2019 මාර්තු 10 වැනිදා සිට 2019 අප්‍රේල් 11 දක්වා ගුවන්තොටුපළ මත්ද්‍රව්‍ය කාර්යාංශයේ පරීක්ෂා කිරීම් සඳහා යොදවා ඇති නිල සුනඛ ලිස්ටා 2019 අගෝස්තු 20 වැනිදා ගාල්ල නිල සුනඛ ඒකකය වෙත ස්ථාන මාරු ලබා පැමිණ ඇත.

මීට මාසයක පමණ කාලයක සිට වකුගඩු රෝගයකින් පෙළී ඇත.

සුනඛයා මිය යන විට සුනඛයාගේ වයස අවුරුදු පහයි දින විසි තුනකි.

මෙම සුනඛයා හිරු ටීවී නාළිකාවේ විකාශය වූ ජනප්‍රිය ළමා ටෙලි නාට්‍යක් වන හතේ කල්ලිය සඳහා ද රංගනයෙන් දායකත්වය සපයා ඇති අතර සුනඛයා නිසාම එම නාට්‍ය ජනතා සම්මානයට පාත්‍ර වී ඇත.

සුනඛයාගේ අවසන් කටයුතු ඊයේ සවස 03.30 ට සිදුවිය.

වීඩිය අනුග්‍රහය – හිරු ටීවී

පුවත්

පොහොට්ටු කාර්යාලය ඉදිරිපිට උණුසුම් තත්ත්වයක්

Published

on

By

පාර්ලිමේන්තු මාර්ගයේ සිට ගමනකින් පැමිණි පිරිසක් නෙළුම් මාවතට ඇතුළු වීමට උත්සාහ දැරීමත් සමගයි මෙම  උණුසුම් තත්ත්වය ඇතිව තිබේ.

“රට වනසන පනත් පරාජය කරමු” මැයෙන් සංවිධාන කිහිපයක් එක්ව පාර්ලිමේන්තුව අසළ සිට ශ්‍රී ලංකා පොදුජන පෙරමුණේ නෙළුම්මාවත පරිශ්‍රය දක්වා විරෝධතා පාගමනක් පැවැත්විණි.

නෙළුම්මාවතට ඇතුළුවන මාර්ගය අසළදී පොලිසිය ඔවුන්ට බාධා කිරීමත් සමග උණුසුම්කාරී තත්ත්වයක් හටගැනීම සිදුවිය.

පොදුජන පෙරමුණු කාර්යාලයේ කිහිප දෙනෙකු සහ ඩෑන් ප්‍රියසාද් ද එම ස්ථානයට පැමිණීමත් සමග විරෝධතාකරුවන් ඔවුන්ට ද විරෝධය පළකර තිබේ.

Continue Reading

පුවත්

මේ සතියේ කැබිනට් තීරණ මෙන්න

Published

on

By

ඊයේ (2024-05-27) දින පැවැත්වූ අමාත්‍ය මණ්ඩල රැස්වීමේදී තීරණ රැසකට එළැඹ ඇත.

එම තීරණ මෙසේය.

Continue Reading

පුවත්

ආර්ථික පරිවර්තන පනතේ සහයට තවත් පනත් දෙකක්

Published

on

By

2018 අංක 2 දරණ ප්‍රපාතන විරෝධී සහ ප්‍රතිතෝලන බදු පනත සහ  2018 අංක 3 දරණ ආරක්ෂණ පියවර පනත සංශෝධනය කිරීම සඳහා කැබිනට් අනුමැතිය ලැබී ඇත.

ආර්ථික පරිවර්තන පනත් කෙටුම්පත සකස් කිරීමේදී අදාල පනත් දෙක සඳහා අනුෂාංගික සංශෝධන හඳුන්වාදීමේ අවශ්‍යතාවය හඳුනාගනු ලැබ ඇතැයි රජය කියයි.

ඒ සඳහා වන පනත් කෙටුම්පත් නීති කෙටුම්පත් සම්පාදක විසින් සකස් කරනු ලැබ ඇති අතර එකී පනත් කෙටුම්පත් සඳහා නීතිපති අවසරය ලබාදී තිබේ.

ඒ අනුව අදාල සංශෝධිත පනත් කෙටුම්පත් දෙක රජයේ ගැසට් පත්‍රයේ පළ කිරීමටත් අනතුරු අනුමැතිය සඳහා පාර්ලිමේන්තුවට ඉදිරිපත් කිරීමටත් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

සබැඳි පුවත් :

Continue Reading
Advertisement

Trending

Copyright © 2023 Sri Lanka Mirror. All Rights Reserved