ආරක්ෂක නියෝජ්‍ය අමාත්‍ය අරුණ ජයසේකර සම්බන්ධයෙන් කරුණු 15 යටතේ විශ්වාසය භංග වී ඇති නිසා එම කරුණු 15 මුල් කරගෙන ඒ මහතාට එරෙහිව විපක්ෂය විසින් විශ්වාසභංග යෝජනාව ඉදිරිපත් කිරීමට තීරණය කළ බව සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් ප්‍රකාශ කරයි.

අද පාර්ලිමේන්තු සංකීර්ණයේදී පැවති මාධ්‍ය හමුවකදී ඒ මහතා ප්‍රකාශ කළේ අරුණ ජයසේකර නියෝජ්‍ය ආරක්ෂක අමාත්‍යවරයා වශයෙන් කටයුතු කරන විට පාස්කු ප්‍රහාරයේ පරීක්‍ෂණවලට සාධාරණයක් ඉටුවේද කියා සිතිය නොහැකි බවයි.

ඒ අනුව පාස්කු ඉරුදින ප්‍රහාරයේ විමර්ශන කටයුතු සාධාරණව පවත්වාගෙන යාම සඳහා අරුණ ජයසේකර නියෝජ්‍ය ආරක්ෂක අමාත්‍ය ධුරයෙන් ඉවත් විය යුතු බවත්, ඒ අනුව මෙම විශ්වාසභංග යෝජනාව ලබන සඳුදා පාර්ලිමේන්තුවේ කථානායකතුමාට භාරදීමට කටයුතු කරන බවත්, මුජිබර් රහුමාන් මන්ත්‍රිවරයා වැඩිදුරටත් ප්‍රකාශ කරයි.

එහිදී මාධ්‍ය වෙත නිකුත් කළ ආරක්ෂක නියෝජ්‍ය අමාත්‍ය අරුණ ජයසේකරට එරෙහි විශ්වාස භංගයෝජනාව පහත දැක්වේ,

මහනුවර ඓතිහාසික ඇසළ පෙරහර මංගල්‍යයේ අවසන් රන්දෝලි පෙරහර පැවැත්වෙන හෙට (08) දිනය වෙනුවෙන් වෙනුවෙන් ශ්‍රී ලංකා පොලීසිය විසින් විශේෂ ආරක්ෂක වැඩපිළිවෙල සහ රථවාහන සැලැස්ම ක්‍රියාත්මක කර තිබේ.

ඒ අනුව මාර්ග බාධක, ආරක්ෂක රාජකාරි, රථ වාහන හා පුද්ගලයින් පරීක්ෂා කිරීම, සංචාරයිකයින්ට මග පෙන්වීම හා රථ වාහන ගාල් කිරීම් ඇතුළු විශේෂ වැඩපිළිවෙලක් මේ යටතේ දියත් කර ඇත.

අදාළ රථවාහන සැලැස්ම පිළිබඳ පොලීසිය නිකුත්කළ නිවේදනය,

පසුගිය මහ කන්නයේ (2024/2025) වී, බඩ ඉරිඟු, ලොකු ලූණු, මිරිස්, සෝයා, අර්තාපල් වගාවන්ට වූ හානි සඳහා වන්දි වශයෙන් මේ වන විට රුපියල් කෝටි 148 ක් ඉක්මවූ මුදලක් (මිලියන 1484 )ගෙවා අවසන් බව කෘෂිකාර්මික හා ගොවිජන රක්‍ෂණ මණ්ඩලයේ සභාපති පේමසිරි ජාසිංආරච්චි මහතා පවසයි.

වී, බඩ ඉරිඟු, ලොකු ලූණු, අර්තාපල්, මිරිස්, සෝයා ආදී වගාවන්හි නියැලී වගා හානි සිදුවූ ගොවීන් 74958කගේ අක්කර 87690 ක් සඳහා මෙම වන්දි පිරිනමා ඇත.ගොවි ජනතාව වැඩි වශයෙන් වගා කිරීම සඳහා යොමු කිරීමේ පරමාර්ථය මත නොමිලේ වගා රක්ෂණ ක්‍රමවේදයේ යටතේ මෙම වගා හානි වන්දි පිරිනමා ඇතැයි ද සභාපතිවරයා පැවසීය.

මෙම වගාවන් සිදු කරන ගොවීන්හට නියඟය, ගංවතුර සහ වන අලින්ගෙන් සිදුවන හානි වලට ලක්වන අවස්ථාවලදී තම වගා බිම් හෙක්ටයාර් එකකට රු. 100,000/- ක උපරිමයකට යටත්ව වන්දි ගෙවීම සිදු කරනු ලැබේ.

මෙම කෘෂිරක්ෂණ යෝජනා ක්‍රමයේ ඇති විශේෂත්වය වනුයේ කිසිදු වාරික මුදලක් අය කිරීමකින් තොරව ඉහත සඳහන් තත්ත්වයන්වලදී සිදුවන වගා හානිවලට වන්දි මුදල් රජය විසින් ගෙවනු ලැබීම බවද ජාසිංආරච්චි මහතා අවධාරණය කරයි.