Connect with us

පුවත්

හරක් කටාට ප්‍රයිවට් ජෙට්එක දී ඇත්තේ LTTEයෙන් !

Published

on

අපරාධ පරීක්ෂණ දෙපාර්තමේන්තු රැඳවුම් භාරයේ සිටින හරක් කටා සහ කුඩු සළිඳු යන සංවිධානාත්මක අපරාධකරුවන් දෙදෙනාට ඩුබායි සිට මැඩගස්කරයට යාමට පුද්ගලික ජෙට් යානයක් සපයා දී ඇත්තේ එල්.ටී.ටී.ඊ. ජාලයේ ක්‍රියාකාරී සාමාජිකයකු වූ ඉන්දික බණ්ඩාර හෙවත් හර්බී නමැති පුද්ගලයකු විසින් යැයි අනාවරණය වී තිබේ.

හර්බි නමැති මෙම පුද්ගලයා එල්.ටී.ටී.ඊ. සංවිධානයට ප්‍රභූ ඝාතන හා ප්‍රභූ ඝාතන සැලසුම් සඳහා අවි ආයුධ හා පුපුරන ද්‍රව්‍ය සැපයීමේ චෝදනාවට ත්‍රස්ත විමර්ශන කොට්ඨාසයේ අත්අඩංගුවට පත්ව අධිකරණය හමුවේ වරදකරු වූ අයකු බවද අනාවරණය වී තිබේ.

මෙරට අපරාධ ගණනාවකට සම්බන්ධ නඳුන් චින්තක හෙවත් හරක් කටා සහ සලිඳු මල්ෂිත හෙවත් කුඩු සළිදු ඇතුළු පිරිසක් පුද්ගලික ජෙට් යානයකින් ඩුබායි සිට මැඩගස්කරයට පැමිණ සිටියදී එරට ආගමන විගමන නිලධාරින් විසින් අත්අඩංගුවට ගෙන තිබුණේ පසුගිය මාර්තු 01 වැනිදාය.

එලෙස අත්අඩංගුවට ගත් සැකකරුවන් දෙපළ මෙරටට රැගෙන ඒමෙන් පසු අපරාධ පරීක්ෂණ දෙපාර්තමේන්තුව භාරයට ගෙන දින 90 ක රැඳවුම් නියෝගයක් ගනිමින් ප්‍රශ්න කරමින් සිටිති.

එම ප්‍රශ්න කිරීම්වලදී අනාවරණය වූ තොරතුරු මත අපරාධ පරීක්ෂණ දෙපාර්තමේන්තුව විසින් කුඩු සළිඳු පිළිබඳ වාර්තාවක් පානදුර මහෙස්ත්‍රාත් අධිකරණය හමුවට ඉදිරිපත් කර තිබිණි. 

එම වාර්තාව මගින් අපරාධ පරීක්ෂණ දෙපර්තමේන්තුව මොවුන් මැඩගස්කරයට පැමිණි ජෙට් යානය ගැන හෙළිකර තිබිණි.

එමෙන්ම කුඩු සළිඳු හරක් කටා ඇතුළු මිතුරන් පිරිසක් සමගින් මැඩගස්කරයට පැමිණ ඇත්තේ, තම විදෙස් ජාතික බිරිඳට දාව උපන් දරුවාගේ ආගමික වතාවත් සඳහා බවද අපරාධ පරීක්ෂණ දෙපාර්තමේන්තුව පානදුර මහෙස්ත්‍රාත් අධිකරණය හමුවේ අවධාරණය කර තිබිණි.

මීට අමතරව හරක් කටා අවස්ථා දෙකකදී මෙරටට හෙරොයින් කිලෝ ග්‍රෑම් 645ක්, නීති විරෝධී ගිනි අවි 3ක්, AK-47 වර්ගයේ ගිනි අවි 05ක් හා එම උණ්ඩ 1000ක් මෙරටට එවීමේදී අත්අඩංගුව ගෙන තිබෙන බවද විමර්ශන නිලධාරීන් අධිකරණය හමුවේ වැඩිදුරටත් අවධාරණය කර තිබිණි.

මෙරට ආරක්ෂක අංශ ජාත්‍යන්තර පොලිසිය මගින් ඉන්දියානු රජයෙන් කරන ලද විමසීමකදී ද අනාවරණ වී ඇත්තේ අදාළ මත්ද්‍රව්‍ය ජාලය මෙහෙයවන ප්‍රධාන සැකකරුවන් LTTE සංවිධානය සමග සම්බන්ධතා පවත්වා ඇති බවය.

මූලාශ්‍රය – අරුණ

සබැඳි පුවත්

හරක් කටා හා කුඩු සළිඳු ලංකාවට; මරන්න එපා යැයි ආචනයක්

හරක් කටා හා කුඩු සළිදු නිසා කටුකායක ආරක්ෂාව තරකරයි (ජායා)

හරක් කටා හා කුඩු සළිඳු ලංකාවට ගෙනෙයි!

හරක් කටා හා කුඩු සළිඳු ලංකාවට ගේන ගුවන් යානය මඟ හැරිලා!

හරක් කටා, කුඩු සළිඳු ඇතුළු 8ක් මැඩගස්කරයේදී අත්අඩංගුවට!

පුවත්

විදුලිය බිඳ වැටීම් ගැන දැනුම්දෙන්න

Published

on

By

අයහපත් කාලගුණයත් සමඟ දිවයින පුරා සිදුව ඇති විදුලිය බිඳවැටීම් ඉතා ඉක්මනින් දැනුම්දිය හැකි නව ක්‍රමවේදයක් ලංකා විදුලිබල මණ්ඩලය විසින් හඳුන්වා දී තිබේ.

ඒ, මීට පෙර විදුලිය බිඳ වැටීම් සම්බන්ධයෙන් දැනුම්දීමට තිබූ 1987 ක්ෂණික දුරකථන අංකයේ ඇතිව තිබෙන කාර්ය බහුලත්වය හේතුවෙන්.

ඒ අනුව, පහත ක්‍රමවේදයන් අනුගමනය ලෙස ලංකා විදුලිබල මණ්ඩලය පාරිභෝගිකයින්ගෙන් ඉල්ලා සිටී.

සබැඳි පුවත්:

දවස් 03ට ලක්ෂ 03කට කරන්ට් එක ගිහින්

Continue Reading

පුවත්

ගාල්ලට ජාතික රෝහලක්

Published

on

By

ගාල්ල ජාතික රෝහල ස්ථාපිත කිරීම සඳහා කැබිනට් අනුමැතිය ලැබී තිබේ.

ඒ අනුව කරාපිටිය ශික්ෂණ රෝහල මෙරට තෙවැනි ජාතික රෝහල බවට පත්කිරීමට අනුමැතිය ලැබී ඇත.

කරාපිටිය ශික්ෂණ රෝහල දකුණු පළාතෙහි සහ යාබද පළාත්වල රෝගීන් හට මාතෘ සත්කාර සේවා හැර තෘතීයක සේවා සපයන ප්‍රධානතම සෞඛ්‍ය මධ්‍යස්ථානයක් ලෙස ක්‍රියාත්මක වන අතර එකී පළාත්වල ප්‍රාථමික හා ද්විතීයක සෞඛ්‍ය සත්කාරක සේවා ආයතන මගින් විශේෂඥ සේවාවන් සඳහා මෙම රෝහල වෙත රෝගීන් යොමු කරනු ලබයි.

රුහුණු විශ්ව විද්‍යාලයේ වෛද්‍ය පීඨයේ සහ සම සෞඛ්‍ය විද්‍යා පීඨයේ ඉගැන්වීම් කටයුතු සඳහා කරාපිටිය ශික්ෂණ රෝහලේ මහාචාර්ය ඒකකය ස්ථාපිත කර ඇත.

මෙම වසර අවසන් වන විට රෝහලෙහි ඇඳන් ධාරිතාවය 2858ක් දක්වා වැඩි කිරීම මත එය කොළඹ ශ්‍රී ලංකා ජාතික රෝහලට පමණක් දෙවැනි වන තෘතීයක සේවා සෞඛ්‍ය මධ්‍යස්ථානයක් බවට පත්වනු ඇතැයි රජය කියයි.

ඒ අනුව කොළඹ ජාතික රෝහලට සහ මහනුවර ජාතික රෝහලට අමතරව කරාපිටිය ශික්ෂණ රෝහල ජාතික රෝහලක් ලෙස කාණ්ඩ ගත කරමින් ගාල්ල ජාතික රෝහල ලෙස නම් කිරීම පිණිස සෞඛ්‍ය අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

Continue Reading

පුවත්

කතට අතවර කළ සැරයන්ගේ වැඩ තහනම්

Published

on

By

බිංගිරිය පොලිස් ස්ථානයේ ආපනශාලාවක් තුළදී එහි ආපනශාලාවේ සේවය කළ කාන්තාවකට ලිංගික අතවර කළ බව කියන සැරයන්වරයාගේ වැඩ තහනම් කළ බව කුලියාපිටිය ජ්‍යෙෂ්ඨ පොලිස් අධිකාරී කාර්යාලය පවසයි.

මෙසේ වැඩ තහනමට ලක්කර ඇත්තේ, බිංගිරිය පොලිසියේ සේවයේ කළ පොලිස් සැරයන්වරයෙකි.

බිංගිරිය පොලිස් ස්ථානයේ ආපනශාලාව පවත්වාගෙන ගිය වීරපොකුණ ප්‍රදේශයේ කාන්තාවකට ලිංගික අතරවර කළ බවට පොලිස්පතිවරයාට යොමු කළ පෙත්සමකට අනුව එහි විමර්ශන කටයුතු සිදුකරන ලෙස කුලියාපිටිය ජ්‍යෙෂ්ඨ පොලිස් අධිකාරිවරයාට පොලිස්පති විසින් නියෝග කරන ලදී.

ඒ අනුව, බිංගිරිය පොලිසියේ ස්ථානාධිපතිවරයාගේ ප්‍රධානත්වයෙන් ඒ පිළිබඳ විමර්ශනයක් සිදුකර සැකකාර සැරයන්වරයා අත්අඩංගුවට ගෙන හෙට්ටිපොළ මහේස්ත්‍රාත් අධිකරණයට ඉදිරිපත් කිරීම සිදුවිය.

කෙසේ වෙතත්, එම සැරයන්වරයා විසින් සිදුකරන ලද විෂමාචාර ක්‍රියාව හේතුවෙන් ඔහුගේ වැඩතහනම් කරන ලෙස ජ්‍යෙෂ්ඨ පොලිස් අධිකාරීවරයා විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved