Connect with us

පුවත්

ප්‍රමිතියක් නැති ඖෂධ ගෙන්වූ අරුණ රිමාන්ඩ් (Update)

Published

on

ප්‍රමිතියෙන් තොර හියුමන් ඉමියුනොග්ලොබියුලීන් ප්‍රතිදේහජනක ඖෂධය මෙරටට ගෙන් වු Isolez Biotech Pharma සමාගමේ හිමිකරු වන සුගත් ජනක ප්‍රනාන්දු හෙවත් අරුණ දීප්ති එළඹෙන 15 වෙනිදා තෙක් රක්ෂිත බන්ධනාගාර ගත කරන ලෙස කොළඹ මාලිගාකන්ද මහෙස්ත්‍රාත් අධිකරණය අද (01) නියෝග කර ඇත.

අදාළ ඉන්දීය සමාගමක් සමඟ සිදුකළ පණිවුඩ හුවමාරුවකින් එම සමාගම කිසිදු ඖෂධයක් ශ්‍රී ලංකාවට හෝ වෙනත් රටකට අපනයන කර නොමැති බවට අනාවරණය කරගත් බවට ඖෂධ නියාමන අධිකාරියේ නිලධාරීන් පසුගියදා ප්‍රකාශ කර තිබුණි.

ඒ සඳහා මෙරට සමාගමක් මෙලෙස ව්‍යාජ ලේඛන ඉදිරිපත් කර ඇති බව එහිදී අනාවරණය වුණි.

ඒ අනුව ව්‍යාජ ලේඛන ඉදිරිපත් කරමින් ඉන්දියාවේ සිට ඉමියුනොග්ලොබියුලින් නැමති එන්නත් කුප්පි 22,500ක් ආනයන කිරීමේ චෝදනා මත අදාළ සමාගමේ හිමිකරු අත්අඩංගුවට ගත්තේය.


(පෙර පුවත : 2023 නොවැම්බර් 01, පෙ.ව.10:53)

හොර ඖෂධ ගෙන්වූ අරුණ CIDය අත්අඩංගුවට ගනියි

ප්‍රමිතියෙන් තොර හියුමන් ඉමියුනොග්ලොබියුලීන් ප්‍රතිදේහජනක ඖෂධය මෙරටට ගෙන් වු Isolez Biotech Pharma සමාගමේ හිමිකරු කොල්ලපිටිය ප්‍රදේශයේදී අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ.

මෙලෙස මිනිස් රුධිරයෙන් නිපදවන හියුමන් ඉමියුනොග්ලොබියුලීන් ඖෂධයේ ප්‍රමිතියෙන් තොර එන්නත් කුප්පි 22,500කට ව්‍යාජ ලේඛන සකස් කරමින් ඇනවුම් කර ඇති බව පසුගියදා අනාවරණ විය.

අදාළ සැකකරු 57 හැවිරිදි රත්දොළුගම ප්‍රදේශයේ පදිංචිකරුවෙකු වන සුගත් ජනක ප්‍රනාන්දු හෙවත් අරුණ දීප්ති නැමැත්තෙකි.

ඔහු අද (01) අධිකරණයට ඉදිරිපත් කිරීමට නියමිතය.

මෙම සිද්ධිය සම්බන්ධයෙන් සෞඛ්‍ය ලොක්කන් දෙදෙනකු ඇතුළු තිදෙනකුට රටින් පිටවීම තහනම් කරමින් මාලිගාකන්ද මහේස්ත්‍රාත් ලෝචනා අබේවික්‍රම පසුගියදා විදේශ ගමන් තහනමක් පැන වූවාය.

මෙසේ විදේශ ගමන් තහනම් කරන ලද්දේ ජාතික ඖෂධ නියාමන අධිකාරියේ ප්‍රධාන විධායක අධ්‍යක්ෂ වෛද්‍ය විජිත් ගුණසේකර, සෞඛ්‍ය අමාත්‍යංශයේ සැපයුම්  අධ්‍යක්ෂ වෛද්‍ය කපිල වික්‍රමනායක සහ ඖෂධ ගෙන් වූ බව කියන සමාගමේ හිමිකරු වන සුගත් ජනක ප්‍රනාන්දු හෙවත් අරුණ දීප්ති යන තිදෙනාටය.

මෙම අපරාධයට සම්බන්ධ සියලු දෙනා වහාම අත්අඩංගුවට ගෙන  අධිකරණයට ඉදිරිපත් කිරීමට  පියවර ගන්නා ලෙස ද මහේස්ත්‍රාත්වරයා රහස් පොලිසියට නියෝග කළේය.

ජාතික ඖෂධ නියාමන අධිකාරිය විසින් පසුගියදා Isolez Biotech Pharma සමාගමේ සිදුව කම්හල වටලා විශේෂ විමර්ශනයක් සිදුකර තිබිණ.

මේ අතර, හොර ඉමියුනෝග්ලොබියුලින් රෝගී ශරීර වලට ඇතුලු කිරීම දක්වා සිදුවූ සම්පූර්ණ වංචාව සිදු කර ඇත්තේ, අවම තරමින් හොර WoR ලිපියේ ඔරිජිනල් පිටපතක් පවා නොමැතිව බව හොර WoR ලිපියේ ඔරිජිනල් පිටපත සොයා ගැනීමට නොහැකිවීම මගින් තහවුරු වන බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් පවසයි.

පුවත්

පරිප්පු පිට පාරේ යැවූ රේගුවට පරිප්පුවක්

Published

on

By

ශ්‍රී ලංකා රේගුව විසින් රාජසන්තක කෙරුණු පරිප්පු කන්ටේනර් පහක් එංගලන්තයේ පාතාල නායකයකුගේ මැදිහත්වීමෙන් පාතාල ක්‍රියාකාරීන් පිරිසක්  වෙනත් පාර්ශවයකට රුපියල් දෙකෝටි අසූ ලක්ෂයකට විකුණා ඇතැයි ආරංචි මාර්ග පවසයි.

මෙම පරිප්පු තොගයේ  තක්සේරු වටිනාකම ලෙස සඳහන් වී ඇත්තේ රුපියල් එක්කෝටි දහතුන්  ලක්ෂයකි.

මෙම ගනුදෙනුවෙන් රුපියල් එක්කෝටි හැත්තෑ ලක්ෂයක පමණ ලාභයක් ලබාගෙන ඇති බවත් ලාභය ඇතැම් නිලධාරීන් අතරේ ද බෙදී ගොස් ඇති බවත් පැවැසේ.

මෙම එක් කන්ටේනරයක පරිප්පු කිලෝ 23000ක් තිබී ඇත.

මෙයට අමතරව මෙම කණ්ඩායම  රාජ සන්තක කෙරුණු තලපත් බහාලුමක්  ලබාගෙන  තලපත් කිලෝව 400 බැගින් විකුණා ඇතැයි ද වාර්තා වේ.

මීට පෙර ටයිල් කන්ටේනර් 15 ක් පාතාලේ මැදිහත්වීමෙන්  මේ ආකාරයට  විකිණීමට සූදානම් වීමේ දී මුදල් රාජ්‍ය අමාත්‍ය රංජිත් සියඹලාපිටිය  මහතා මැදිහත්වී එම කටයුත්ත වහාම නතර කරනු ලැබීය.

කොළඹ නගර සභාවේ හිටපු නාගරික මන්ත්‍රීවරයකු වන ඔහුගේ සමීපතමයකු ද මෙදින රේගුවට පැමිණ සිට ඇති බව වාර්තා වේ.

මෙම ටෙන්ඩර් ලබා ගැනීම සඳහා කිසිදු ලියාපදිංචි සහතිකයක්, බදු අංකයක් හෝ වැට් අංකයක් හෝ අවශ්‍ය නොවීම මෙවැනි ක්‍රියාමාර්ගවලට ප්‍රධාන හේතුවක් බව ද ඉහත ආරංචි මාර්ග පැවසීය.

ආනයන ක්‍රියාවලිය සඳහා විධිමත් ක්‍රමවේදයක් නොතිබීම මෙවැනි ජාවාරම්වලට මූලිකම හේතුව බව රත්නපුර දිස්ත්‍රික් මන්ත්‍රි ගාමිණී වලේබොඩ ද පසුගිය දා පාර්ලිමේන්තු කාරක සභාවක දී පැවසීය. මන්ත්‍රිවරයා පෙන්වා දුන්නේ බදු අංකයක් හෝ නොමැති පුද්ගලයන්ගේ නමින් බහාලුම් ආනයනය කෙරෙන බවත් ඒවා නිශ්කාෂණයේ දී කිසිදු බදු මුදලක් ආණ්ඩුවට නොලැබෙන බවත් ය. දළ වශයෙන් එලෙස ආනයනය කෙරෙන බහාලුම් ප්‍රතිශතය සියයට හැටක් පමණ වන බවත් මන්ත්‍රිවරයා කීවේය.

Continue Reading

පුවත්

සා / පෙළට කුසලතා හෝ වෘත්තීය විෂය ධාරාවක්

Published

on

By

සමාජය සවිබලගැන්වීම වෙනුවෙන් ඉඩම තීරණාත්මක සාධකයක් වන බවත් එබැවින් වගා කර නොමැති ඉඩම් වගා කටයුතු සඳහා යොදා ගැනීමට හැකිවන නව නීති හඳුන්වා දීමට කටයුතු කරන බවත් සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා සඳහන් කළේය.

එමෙන්ම සමාජ සවිබලගැන්වීම් උදෙසා අධ්‍යාපන සහතික පත්‍ර සමාන්‍ය පෙළ විභාගයට ද කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර ඇති බව ද රාජ්‍ය අමාත්‍යවරයා පැවසීය. 

“සමාජය සවිබලගැන්වීම සඳහා අධ්‍යාපන ක්‍රමයේ වෙනසක් ඇති විය යුතු බව අප විසින් ඉදිරිපත් කළ ප්‍රධාන මතවාදයක් ලෙස දැක්විය හැකියි. ඊට අනුව සාමාන්‍ය පෙළ ගණිතය, ආගම සහ භාෂාව වැනි විෂයන් අසමත් වූවත් ඔවුන් විභාගය අසමත්වූවන් ලෙස නොසැලකිය යුතුයි. එබැවින් අ.පො.ස සාමාන්‍ය ‍පෙළ විභාගයේ විෂය මාලාවට කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර තිබෙනවා. එය සමාජය පිළිගත් අදහසක් ලෙස ද හැඳින්විය හැකියි. ඒ අනුව නව වසරේ සිට එය ක්‍රියාත්මක කිරීමට අධ්‍යාපන අමාත්‍යාංශය විසින් තීරණය කර තිබෙනවා. ඒ අනුව කුසලතා පූර්ණ වෘත්තිකයෙකු බිහි කිරීමට අවශ්‍ය අධ්‍යාපන ප්‍රතිසංස්කරණ ඉදිරියේ දී සිදුවන බව සඳහන් කළ යුතුයි.”

සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (21) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading

පුවත්

මැතිවරණයට පෙර විසඳිය යුතු දේ ගැන ජනපති හා පක්ෂ නායකයින්ට ලිපියක්

Published

on

By

සාධාරණ සමාජයක් සඳහා වන ජාතික ව්‍යාපාරය විසින් අද (21) දිනයේ මාධ්‍ය නිවේදනයක් නිකුත් කර විශේෂ ඉල්ලීමක් සිදුකර තිබේ.

ඔවුන් තම ඉල්ලීම ලෙස ජනාධිපතිතුමන් ඇතුළු සියලුම පක්ෂ නායකයින්ගෙන් ආයාචනා කර සිටින්නේ මීළඟ මැතිවරණයට පෙර ජනවාර්ගික අසහනය විසඳන ලෙසය.

එමෙන්ම රටේ අනාගත යහපත උදෙසා පොදු ජාතික අභිලාෂයන් පෙරටුකර ගත් ඒකාබද්ධ ප්‍රයත්නයකට යොමු විය යුතු බව ඔවුන් විසින් මෙහිදී පෙන්වා දෙනු ලබයි.

එම සම්පූර්ණ ලිපිය පහතින් දැක්වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved