Connect with us

පුවත්

ෆින්ට්‍රෙක්ස් ෆයිනෑන්ස් ලීසිං රථගාලේ රථයකින් කෝටියක කුඩු මතුවෙයි

Published

on

ෆින්ට්‍රෙක්ස් ෆයිනෑන්ස්  ලිමිටඩ්  (Fintrex Finance  Limited) ලීසිං වාහන අංගණයේ ගාල්කර තිබූ වෑන් රථයක සඟවා තිබූ රුපියල් කෝටියකට අධික වටිනාකමින් යුතු ‘අයිස්’ මත්ද්‍රව්‍ය කිලෝග්‍රෑම් එකයි ග්‍රෑම් 116ක් බස්නාහිර උතුර අපරාධ කොට්ඨාසය විසින් ඊයේ (05) සොයාගෙන ඇත.

පසුගිය වසරේ ජූලි මස 10 වැනිදා පොලිස් විශේෂ කාර්ය බළකා නිලධාරීන් විසින් වත්තල ප්‍රදේශයේදී මෙම වෑන් රථය සහ සැකකරුවකු අත්අඩංගුවට ගෙන ඇත්තේ අයිස් මත්ද්‍රව්‍ය කිලෝ 4 ග්‍රෑම් 329ක්ද සමගිනි.

අධිකරණයට ඉදිරිපත් කිරීමෙන් අනතුරුව වාහනය ලීසිං සමාගමට මුදාහැර තිබේ. 

පසුව එම රථය කැලණිය බොල්ලෑගල පිහිටි එම ආයතනයේ රථගාලේ ගාල් කර තිබී ඇත. ප්‍

රධාන පොලිස් පරීක්ෂක කේ.එස්. දොලමුල්ලට පුද්ගලික ඔත්තුකරුවකු මාර්ගයෙන් දැනගැනීමට ලැබී ඇත්තේ එම වාහනයේ තවත් මත්ද්‍රව්‍ය සඟවා තිබෙන බවකි.

ඒ අනුව ක්‍රියාත්මක වූ පොලිස් නිලධාරීන් එම ආයතනයේ අවසරය සහිතව වාහනය පරික්ෂා කිරීමේදී බපරය තුළ සඟවා තිබී මෙම මත්ද්‍රව්‍ය සොයාගත් බව පොලිසිය පවසයි.

මෙම වෑන් රථය ජූලි මස අත්අඩංගුවට ගත් අවස්ථාවේ සිටි මන්නාරම ප්‍රදේශයේ පදිංචි සැකකරු මේ වන විටත් බන්ධනාගාරගතව සිටින බවද පොලිසිය විසින් අනාවරණය කරගෙන ඇත.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved