Connect with us

පුවත්

කුකුල් මස් වලට පාලන මිලක් දෙන්නැයි ඉල්ලයි

Published

on

කුකුල් මස් සිල්ලරට අලෙවි කිරිමට අදාලව පාලන මිලක් ඇති කල යුතු බව ජාතික සත්ව නිෂ්පාදකයින්ගේ සංගමය සදහන් කරයි.

එම සංගමයේ සභාපති සුජිව ධම්මික මහතා සදහන් කලේ රු. 1,200 –  රු. 1300ත් අතර මිලකට අලෙවි කල කුකුල් මස් කිලෝවක සිල්ලර මිල මේ වන විට රු. 1,600ත් – රු.1,800ත් අතර මිලක් දක්වා ඉහල ගොස් තිබෙන බවය.

කෙසේවුවත්, ගොවිපල් හිමියන් පවසන්නේ මෙලෙස මස් වල සිල්ලර මිල ඉහල ගියද, මස් තොග ලබා‌ දෙන්නේ කිලෝවක් රු. 850 – රු.1200 අතර මුදලකට බවත්, මෙතෙක් තොග මිලෙහි කිසිඳු ඉහළ යාමක් සිදුවි නොමැති බවත්ය.  

ගොවිපල හිමියෙකුට මස් කිලෝවක් නිෂ්පාදනය කිරිම සදහා රු. 800 – රු. 900ක් අතර මුදලක් වැය වන බවත්, දින 45ක කාලයක් කුකුළන් රැකබලා ගත යුතු බවද ඔහු වැඩිදුරටත් පෙන්වා දෙයි.

කූට වෙලදුන් විසින් මස් කිලෝවකින් රු. 400 කට වැඩි ලාභයක් උපයා ගන්නා නමුත්, තමන්ට මස් කිලෝවකින් ලැබෙන්නේ රු. 300 ට අඩු ලාභයක් බවත් එසේ තිබියදී කුකුල් මස් මිල ඉහල දමා තිබෙන බවට ගොවිපල හිමියන්ට විවිධ පිරිස් විසින් ‌චෝදනා කරමින් සිටින බවත් ගොවිපල හිමියන් පවසයි.

මේ තත්ත්වය යටතේ වෙළදපොල තුළ කුකුල් මස් අලෙවි කිරිමෙදී මිල විකෘතියක් ඇතිවි තිබෙන බවත් එබැවින් පාලන මිලක් ඇති කිරීම අත්‍යවශ්‍ය බවත් ඔවුන් පෙන්වා දෙයි.

පුවත්

රාගම රෝහලේ මරණයක් මතහේදාත්මක “Co-Amoxiclav” නිසාදැයි සැකයක් !

Published

on

By

රාගම ශික්ෂණ රෝහලේ 21 වැනි වාට්ටුවේ නේවාසිකව ප්‍රතිකාර ලබමින් සිටි රෝගයකුට එන්නතක් ලබාදීමත් සමඟ පෙරේදා (27) හදිස්සියේ මියයාමේ සිද්ධියක් වාර්තා වේ.

මෙසේ මියගොස් ඇත්තේ කන්දකැටිය ප්‍රදේශයේ පදිංචිකරුවකු වන 50 හැවිරිදි අයෙකි.

ඔහු කනේ කැක්කුමක් සම්බන්ධයෙන් බෙහෙත් ගැනීමට රෝහල්ගතව ඇති බවද පැවසේ.

මියගිය අයට මතභේදාත්මක කො-ඇමොක්සික්ලෙව් (Co-Amoxiclav) එන්නතක් ලබාදීමෙන් පසුව මෙසේ මියගොස් ඇති බව රෝහල් ආරංචි මාර්ගවලින් වාර්තා වේ.

අදාළ රෝගියාට එම එන්නත ඊට පෙර 11 වතාවක් එන්නත් කර ඇති අතර 12 වැනි වර එය එන්නත් කිරීමත් සමඟ ඔහු මියගිය බව අදාළ එන්නත එන්නත් කළ හෙදිය සිය වාර්තා වේ සටහන් කර ඇති බව වාර්තා වේ.

කෙසේවුද, එම එන්නත නිර්දේශ කරන ලද වෛද්‍යවරයා සිය වාර්තා වේ සටහන් කර ඇත්තේ මේ රෝගියා මියගොස් ඇත්තේ කො-ඇමොක්සික්ලෙව් (Co-Amoxiclav) එන්නත් කර ටික වේලාවකට පසුව බවයි.

හොරණ පිහිටි නවෙස්ටා ෆාමර්සූටිකල් පුද්ගලික සමාගම (Navesta Pharmaceuticals (Pvt) විසින් කො-ඇමොක්සික්ලෙව් (Co-Amoxiclav) එන්නත් කුප්පි නිපදවීම සිදු කරනු ලබන අතර මීට පෙර මෙම ‍එන්නත අසාත්මික වී තිදෙනෙකු මියගොස් තිබේ.

ඒ සම්බන්ධයෙන් ජාතින ඖෂධ නියාමන අධිකාරියේ සභාපතිවරයා ලෙස මහාචාර්ය එස්.ඩී. ජයරත්න මහතා කටයුතු කරන අවස්ථාවේදී 2023-08-08 වැනිදා මාධ්‍ය නිවේදනයක්ද නිකුත් කර තිබිණි.

එය පහත දැක්වේ.

මේ අතර, රාගම රෝගියාගේ මරණය සම්බන්ධයෙන් සමස්ත ලංකා හෙද සංගමයේ ලේකම් එස්.බී. මැදිවත්ත මහතා ශ්‍රී ලංකා මිරර් සමඟ කියා සිටියේ මේ මරණයට හේතුව කො-ඇමොක්සික්ලෙව් (Co-Amoxiclav) එන්නත බවට සැකකරණ බවයි.

කෙසේවුවද, මෙම එන්නත මීට පෙර සෞඛ්‍ය අංශ විසින් ලෝක සෞඛ්‍ය සංවිධානයේ නිර්දේශිත පර්යේෂණ ආයතනයකට යවා වාර්තාවක් ලබාගෙන ඇති අතර එහිදී එම එන්නත සම්බන්ධයෙන් දෝෂයක් මතුව නැතැයි ද පැවසේ.

අදාළ වාර්තාවෙන් පසුව ද එම එන්නත සම්බන්ධ පරික්ෂාවක් සිදු කිරීමට ඔස්ට්‍ර්ලියාවේ පර්යේෂණ ආයතනයකට යවා ඇති අතර එහි ප්‍රතිඵල පසුගිය 22 වැනිදා ලැබීමට නියමිතව තිබිණ ද එය මෙතෙක් ලැබී නැතැයි ද වාර්තා වේ.

සබැඳි පුවත්
ප්‍රතිජීවක එන්නතක් අසාත්මික වී ගම්පහ රෝහලේ රෝගියෙක් මියයයි 

Continue Reading

පුවත්

PHI සහයකට වෙඩි තබන්න ආ සැකකරු හෙල්මටයත් දමා පැනයයි

Published

on

By

රාගම ප්‍රදේශයේ මහජන සෞඛ්‍ය පරීක්ෂක සහයකකුට යතුරු පැදියකින් පැමිණි පුද්ගලයන් දෙදෙනකු වෙඩි තැබීමට ගත් උත්සහය ව්‍යර්ථව ගොස් ඇතැයි පොලීසිය කියයි.

මත්තුමගල රාගම පදිංචි පි. අසංක ලක්මාල් නැමති අයගේ නිවසට පල්සර් වර්ගයේ යතුරු පැදියකින් පැමිණ ඇති පුද්ගලයන් දෙදෙනකු ටී. 56 වර්ගයේ ගිණි අවියකින් වෙඩි තැබීමට උත්සාහ කර තිබේ.

වෙඩි තැබීමට පැමිණි පුද්ගලයන් සමග ඔහු පොරබදා තිබෙන අතර එම අවස්ථාවේදී ගිනි අවියේ මැගසීනය බිම වැටී ඇති අතර තුවක්කුකරුගේ හිස් ආවරණය ගැලවී ගොස් ඇති බව වාර්තා වේ.

ඒ සමගම වෙඩි තැබීමට පැමිණි පුද්ගලයන් කඳාන දෙසට පළාගොස් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති, නීතිඥ නිහාල් තල්දුව මහතා පවසයි.

ප්‍රදේශයේ සවිකර ඇති CCTV දර්ශන භාවිතයෙන් සැකකරුවන් හඳුනා ගැනීමට කටයුතු කරන බවත් නීතිඥ නිහාල් තල්දුව මහතා පැවසීය.

Continue Reading

පුවත්

රුසියානු හමුදාවේ සිටි ලංකාවේ හමුදා සාමාජිකයෙක් මරුට

Published

on

By

රුසියානු – යුක්රේන් යුද්ධයේ රුසියානු හමුදාවට එක්වී ඉදිරි ආරක්ෂක පෙරමුණක සටන් වැදීම සඳහා ගිය ශ්‍රී ලාංකික හමුදා සාමාජිකයකු ඩ්‍රෝන ප්‍රහාරයකට ලක්ව මියගොස් ඇතැයි විදෙස් වාර්තාවල දැක්වේ.

නිපුණ සිල්වා නමැති රුසියානු හමුදා සේවයට එක්වූ මෙම යුද හමුදා සෙබළා මරණයට පත්ව ඇත්තේ ඉදිරි ආරක්ෂක වළල්ලේ බංකර වෙත යුක්රේන් හමුදා ඩ්‍රෝන යානාවලින් එල්ල කළ ප්‍රහාරයකිනි.

බංකරයට එල්ල වූ ප්‍රහාරයෙන් පසු සහායට සිටි සේන බණ්ඩාර නමැති ශ්‍රී ලාංකික සෙබළා විසින් නිපුණ සිල්වා තුවාල මැද රැගෙන පසුබසිද්දී එල්ල වූ තවත් ඩ්‍රෝන ප්‍රහාරයකින් නිපුන මියගොස් ඇති බව පැවසේ.

මසකට ඇමරිකානු ඩොලර් තුන්දහසක වැටුපක් ගෙවන බව කියා සංචාරක වීසා මගින් මෙරට හමුදාවලින් සේවයෙන් ඉවත් වූ භටයන් හා නිලධාරීන් ඉන්දියාවට හා ඩුබායි වෙත රැගෙන ගොස් පෝලන්තය ඔස්සේ රුසියාවට රැගෙන යන බව හෙළිවී තිබිණි.

මීට පෙර මේ අයුරින්ම රුසියානු – යුක්රේන් යුද්ධයට එක්වීමට යුක්රේන් හමුදාවට එක්වූ කපිතාන් රතීෂ් හේවගේ ඇතුළු තිදෙනකු පසුගිය වසරේ රුසියානු ප්‍රහාරයකින් මරණයට පත්විය.

රොඩ්නි ජයසිංහ හා එම්. ප්‍රියන්ත යන දෙදෙනාගේ මළසිරුරු සටන් භූමියෙන් රැගෙන ඒම අපහසු වූ අතර කපිතාන් රතීෂ්ට යුක්රේනයේදී හමුදා ගෞරව මැද අවසන් කටයුතු සිදු කෙරිණි.

නිපුණ සිල්වා ජනවාරි මාසයේදී රුසියානු හමුදාවට එක්වී ඇත.

සබැඳි පුවත් :
යුක්රේන යුද්ධයට ගිය ලංකා හමුදාවේ 3ක් මරුට;  ‘කපිතාන් ඩෙන්ටිස්ට්’ ඒ අතර

Continue Reading
Advertisement

Trending

Copyright © 2023 Sri Lanka Mirror. All Rights Reserved