Connect with us

පුවත්

ඩොලර් බිලියනේ ඉන්දියානු ණය පහසුකම ලබන මාර්තු දක්වා දීර්ඝ කරයි

Published

on

ඉන්දියාව විසින් පසුගිය වසරේ මාර්තු මාසයේ දී ශ්‍රී ලංකා රජයට ලබා දුන් ඇමරිකානු ඩොලර් බිලියනයක ණය පහසුකමේ කාල සීමාව 2024 මාර්‍රතු දක්වා දීර්ඝ කිරීම සඳහා අද (30) දිනයේදී සංශෝධිත ගිවිසුම අත්සන් කර තිබේ.

මෙම අවස්ථාවට මුදල් රාජ්‍ය අමාත්‍ය ෂෙහාන් සේමසිංහ මහතා, මුදල් අමාත්‍යාංශයේ ජ්‍යෙෂ්ඨ නිලධාරීන් සහ කොළඹ ඉන්දියානු මහ කොමසාරිස් කාර්යාලයේ නිලධාරීන් ඉදිරියේදී අත්සන් තැබිණ. ඉන්දීය රාජ්‍ය බැංකුවේ නිලධාරිහු ඉන්දියාවේ සිට මාර්ගගත ක්‍රමය ඔස්සේ සහභාගී වූහ.

මේ සම්බන්ධයෙන් ට්විටර් පණිවිඩයක් නිකුත් කරමින් මුදල් රාජ්‍ය අමාත්‍ය ෂෙහාන් සේමසිංහ මහතා පවසා තිබුණේ මෙහි මූලික ගිවිසුම 2022 මාර්තු මාසයේදී අත්සන් කර තිබුණු අතර, ණය පහසුකම යටතේ වෙන් කරන ලද ඩොලර් මිලියන 1000න් (ඩොලර් බිලියනයෙන්) ඩොලර් මිලියන 576.75 ක් වටිනා ආනයනය සිදුකළ බවත්ය.

ඉතිරි ඩොලර් මිලියන 423.25 සඳහා ගිවිසුම දීර්ඝ කෙරුනු බවත්, 2024 මාර්තු දක්වා අත්‍යවශ්‍ය ඖෂධ ආනයනය කිරීමට ප්‍රමුඛත්වය ලබා දෙන බවත් ඔහු වැඩිදුරටත් පවසා ඇත.

පුවත්

රාගම රෝහලේ මරණයක් මතහේදාත්මක “Co-Amoxiclav” නිසාදැයි සැකයක් !

Published

on

By

රාගම ශික්ෂණ රෝහලේ 21 වැනි වාට්ටුවේ නේවාසිකව ප්‍රතිකාර ලබමින් සිටි රෝගයකුට එන්නතක් ලබාදීමත් සමඟ පෙරේදා (27) හදිස්සියේ මියයාමේ සිද්ධියක් වාර්තා වේ.

මෙසේ මියගොස් ඇත්තේ කන්දකැටිය ප්‍රදේශයේ පදිංචිකරුවකු වන 50 හැවිරිදි අයෙකි.

ඔහු කනේ කැක්කුමක් සම්බන්ධයෙන් බෙහෙත් ගැනීමට රෝහල්ගතව ඇති බවද පැවසේ.

මියගිය අයට මතභේදාත්මක කො-ඇමොක්සික්ලෙව් (Co-Amoxiclav) එන්නතක් ලබාදීමෙන් පසුව මෙසේ මියගොස් ඇති බව රෝහල් ආරංචි මාර්ගවලින් වාර්තා වේ.

අදාළ රෝගියාට එම එන්නත ඊට පෙර 11 වතාවක් එන්නත් කර ඇති අතර 12 වැනි වර එය එන්නත් කිරීමත් සමඟ ඔහු මියගිය බව අදාළ එන්නත එන්නත් කළ හෙදිය සිය වාර්තා වේ සටහන් කර ඇති බව වාර්තා වේ.

කෙසේවුද, එම එන්නත නිර්දේශ කරන ලද වෛද්‍යවරයා සිය වාර්තා වේ සටහන් කර ඇත්තේ මේ රෝගියා මියගොස් ඇත්තේ කො-ඇමොක්සික්ලෙව් (Co-Amoxiclav) එන්නත් කර ටික වේලාවකට පසුව බවයි.

හොරණ පිහිටි නවෙස්ටා ෆාමර්සූටිකල් පුද්ගලික සමාගම (Navesta Pharmaceuticals (Pvt) විසින් කො-ඇමොක්සික්ලෙව් (Co-Amoxiclav) එන්නත් කුප්පි නිපදවීම සිදු කරනු ලබන අතර මීට පෙර මෙම ‍එන්නත අසාත්මික වී තිදෙනෙකු මියගොස් තිබේ.

ඒ සම්බන්ධයෙන් ජාතින ඖෂධ නියාමන අධිකාරියේ සභාපතිවරයා ලෙස මහාචාර්ය එස්.ඩී. ජයරත්න මහතා කටයුතු කරන අවස්ථාවේදී 2023-08-08 වැනිදා මාධ්‍ය නිවේදනයක්ද නිකුත් කර තිබිණි.

එය පහත දැක්වේ.

මේ අතර, රාගම රෝගියාගේ මරණය සම්බන්ධයෙන් සමස්ත ලංකා හෙද සංගමයේ ලේකම් එස්.බී. මැදිවත්ත මහතා ශ්‍රී ලංකා මිරර් සමඟ කියා සිටියේ මේ මරණයට හේතුව කො-ඇමොක්සික්ලෙව් (Co-Amoxiclav) එන්නත බවට සැකකරණ බවයි.

කෙසේවුවද, මෙම එන්නත මීට පෙර සෞඛ්‍ය අංශ විසින් ලෝක සෞඛ්‍ය සංවිධානයේ නිර්දේශිත පර්යේෂණ ආයතනයකට යවා වාර්තාවක් ලබාගෙන ඇති අතර එහිදී එම එන්නත සම්බන්ධයෙන් දෝෂයක් මතුව නැතැයි ද පැවසේ.

අදාළ වාර්තාවෙන් පසුව ද එම එන්නත සම්බන්ධ පරික්ෂාවක් සිදු කිරීමට ඔස්ට්‍ර්ලියාවේ පර්යේෂණ ආයතනයකට යවා ඇති අතර එහි ප්‍රතිඵල පසුගිය 22 වැනිදා ලැබීමට නියමිතව තිබිණ ද එය මෙතෙක් ලැබී නැතැයි ද වාර්තා වේ.

සබැඳි පුවත්
ප්‍රතිජීවක එන්නතක් අසාත්මික වී ගම්පහ රෝහලේ රෝගියෙක් මියයයි 

Continue Reading

පුවත්

PHI සහයකට වෙඩි තබන්න ආ සැකකරු හෙල්මටයත් දමා පැනයයි

Published

on

By

රාගම ප්‍රදේශයේ මහජන සෞඛ්‍ය පරීක්ෂක සහයකකුට යතුරු පැදියකින් පැමිණි පුද්ගලයන් දෙදෙනකු වෙඩි තැබීමට ගත් උත්සහය ව්‍යර්ථව ගොස් ඇතැයි පොලීසිය කියයි.

මත්තුමගල රාගම පදිංචි පි. අසංක ලක්මාල් නැමති අයගේ නිවසට පල්සර් වර්ගයේ යතුරු පැදියකින් පැමිණ ඇති පුද්ගලයන් දෙදෙනකු ටී. 56 වර්ගයේ ගිණි අවියකින් වෙඩි තැබීමට උත්සාහ කර තිබේ.

වෙඩි තැබීමට පැමිණි පුද්ගලයන් සමග ඔහු පොරබදා තිබෙන අතර එම අවස්ථාවේදී ගිනි අවියේ මැගසීනය බිම වැටී ඇති අතර තුවක්කුකරුගේ හිස් ආවරණය ගැලවී ගොස් ඇති බව වාර්තා වේ.

ඒ සමගම වෙඩි තැබීමට පැමිණි පුද්ගලයන් කඳාන දෙසට පළාගොස් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති, නීතිඥ නිහාල් තල්දුව මහතා පවසයි.

ප්‍රදේශයේ සවිකර ඇති CCTV දර්ශන භාවිතයෙන් සැකකරුවන් හඳුනා ගැනීමට කටයුතු කරන බවත් නීතිඥ නිහාල් තල්දුව මහතා පැවසීය.

Continue Reading

පුවත්

රුසියානු හමුදාවේ සිටි ලංකාවේ හමුදා සාමාජිකයෙක් මරුට

Published

on

By

රුසියානු – යුක්රේන් යුද්ධයේ රුසියානු හමුදාවට එක්වී ඉදිරි ආරක්ෂක පෙරමුණක සටන් වැදීම සඳහා ගිය ශ්‍රී ලාංකික හමුදා සාමාජිකයකු ඩ්‍රෝන ප්‍රහාරයකට ලක්ව මියගොස් ඇතැයි විදෙස් වාර්තාවල දැක්වේ.

නිපුණ සිල්වා නමැති රුසියානු හමුදා සේවයට එක්වූ මෙම යුද හමුදා සෙබළා මරණයට පත්ව ඇත්තේ ඉදිරි ආරක්ෂක වළල්ලේ බංකර වෙත යුක්රේන් හමුදා ඩ්‍රෝන යානාවලින් එල්ල කළ ප්‍රහාරයකිනි.

බංකරයට එල්ල වූ ප්‍රහාරයෙන් පසු සහායට සිටි සේන බණ්ඩාර නමැති ශ්‍රී ලාංකික සෙබළා විසින් නිපුණ සිල්වා තුවාල මැද රැගෙන පසුබසිද්දී එල්ල වූ තවත් ඩ්‍රෝන ප්‍රහාරයකින් නිපුන මියගොස් ඇති බව පැවසේ.

මසකට ඇමරිකානු ඩොලර් තුන්දහසක වැටුපක් ගෙවන බව කියා සංචාරක වීසා මගින් මෙරට හමුදාවලින් සේවයෙන් ඉවත් වූ භටයන් හා නිලධාරීන් ඉන්දියාවට හා ඩුබායි වෙත රැගෙන ගොස් පෝලන්තය ඔස්සේ රුසියාවට රැගෙන යන බව හෙළිවී තිබිණි.

මීට පෙර මේ අයුරින්ම රුසියානු – යුක්රේන් යුද්ධයට එක්වීමට යුක්රේන් හමුදාවට එක්වූ කපිතාන් රතීෂ් හේවගේ ඇතුළු තිදෙනකු පසුගිය වසරේ රුසියානු ප්‍රහාරයකින් මරණයට පත්විය.

රොඩ්නි ජයසිංහ හා එම්. ප්‍රියන්ත යන දෙදෙනාගේ මළසිරුරු සටන් භූමියෙන් රැගෙන ඒම අපහසු වූ අතර කපිතාන් රතීෂ්ට යුක්රේනයේදී හමුදා ගෞරව මැද අවසන් කටයුතු සිදු කෙරිණි.

නිපුණ සිල්වා ජනවාරි මාසයේදී රුසියානු හමුදාවට එක්වී ඇත.

සබැඳි පුවත් :
යුක්රේන යුද්ධයට ගිය ලංකා හමුදාවේ 3ක් මරුට;  ‘කපිතාන් ඩෙන්ටිස්ට්’ ඒ අතර

Continue Reading
Advertisement

Trending

Copyright © 2023 Sri Lanka Mirror. All Rights Reserved