ඉරාන ජනාධිපති ඊබ්‍රහිම් රයිසි මහතාගේ ශ්‍රී ලංකා සංචාරය අවිනිශ්චිත තත්ත්වයක පවතින බව විදේශ කටයුතු ඇමැති අලි සබ්රිගේ ප්‍රධානත්වයෙන් සිකුරාදා (19) පෙරවරුවේ පැවැති සාකච්ඡාවේදී අනාවරණය වී ඇතැයි වාර්තා වේ.

ඊශ්‍රායලය විසින් ඉරානයට ප්‍රතිප්‍රහාරයක් එල්ල කිරීම නිසා එහි ගුවන් කලාපයද වසා දැමීමට ඉරානය පියවර ගැනීම ඊට ආසන්නම හේතුව බව පැවසේ.

ඉරාන ජනාධිපතිවරයාගේ ශ්‍රී ලංකා සංචාරය නොවුණහොත් උමාඔය සංවර්ධන ව්‍යාපෘතිය ලබන 24 වැනිදා විවෘත කිරීමද කල් දැමීමට ජනාධිපති රනිල් වික්‍රමසිංහ තීරණය කර ඇති බවද මාධ්‍ය වාර්තා කර තිබේ.

සබැඳි පුවත්:

ඉරාන ජනපතිට PSD ආරක්ෂාව දෙන්න යයි!

ඉරාන ජනපතිගේ ලංකා සංචාරයට ඇමරිකාවේ විරෝධය

විදේශ ණය ප්‍රතිව්‍යුහගත කිරීමේදී රටවල් අනුව වෙන වෙනම තීරණ ගත නොහැකි අතර සෑම රටකටම සමානව සැලකීම යන මූලධර්මය අනුව කටයුතු කළ යුතු බව පේරාදෙණිය විශ්වවිද්‍යාලයේ ආර්ථික විද්‍යා අධ්‍යයන අංශයේ මහාචාර්ය වසන්ත අතුකෝරාළ මහතා කියයි. 

කිසිදු රටක් මේ වන විට ගෙවිය යුතු ණය ප්‍රමාණ කපා හැරීමකට එකඟ වී නොමැති අතර ණය ගෙවිය යුතු කාලය 2028 වර්ෂය දක්වා දීර්ඝ කර ගැනීමට දැනට සාකච්ඡා පැවැත්වෙන බව හෙතෙම අනාවරණය කළේය.

මෙරට ණය පිළිබඳ දැනට ඇත්තේ 2023 සැප්තැම්බර් මාසයේ ලබාගත් නිල සංඛ්‍යාලේඛන වන අතර එම ප්‍රමාණය දළ දේශීය නිෂ්පාදිතයෙන් සියයට 120 ඉක්මවා යන බව හෙතෙම ප්‍රකාශ කළේය. 

එයට පසුව ගත් සහ ගනිමින් පවතින ණය මෙයට එකතු වන අතර ඒ අනුව අපට ගෙවීමට නොහැකි ණය ප්‍රමාණයක් ඉදිරියේදී එකතු වන බව මහාචාර්යවරයා පැවසීය. 2028 වසර වනවිට ණයවල මූර්ත අගය හෙවත් නියම වටිනාකම අඩුවීමට ඉඩ ඇති නමුත් ණය තොගය තවත් වැඩිවීමේ අනතුරකට ලක්වනවා ඇත.

මේ තත්ත්වය සමනය කිරීමට නම් රටේ දළ දේශීය නිෂ්පාදිතය වැඩි කළ යුතු අතර රටට මුදල් ලැබෙන ක්‍රමද වර්ධනය කළ යුතු බව පවසන මහාචාර්යවරයා ආර්ථිකය යහපත් ලෙස කළමනාකරණය කිරීමට රජය සමත් විය යුතු බවද පවසයි.

(දේශය)

අලුත් අවුරුදු සමයෙන් පසුව දරුවන් අතර පාචනය ව්‍යාප්ත වීමක් දැකගත හැකි බව කොළඹ රිජ්වේ ආර්යා ළමා රෝහලේ විශේෂඥ වෛද්‍ය දීපාල් පෙරේරා මහතා පවසයි.

දරුවන් අතර හතිය, ඉන්ෆ්ලුවෙන්සා, වයිරස් උණ ද ව්‍යාප්ත වී ඇති බව ඔහු වැඩිදුරටත් පවසයි.

වමනය, බඩඑළිය වැනි රෝග ලක්ෂණ තිබේ නම් ඒ සඳහා ප්‍රතිකාර ලබා ගත යුතු බවද ඔහු අවධාරණය කරයි.