Connect with us

පුවත්

ග්‍රීන් ලංකා ගොඩනැගිල්ලේ ඉන්නේ නීත්‍යානුකූලවයි –  රාජු රාධා (Update)

Published

on

කොම්පඤ්ඤවීදියේ නවම් මාවතේ පිහිටි ග්‍රීන් ලංකා ගොඩනැගිල්ලේලේ  තමා රැදී සිටින්නේ තමාට ඇති නීත්‍යානුකූල අයිතිය මත යැයි රාජු රාධා මහතා කියයි.

ඉකුත් ජුනි 05 වැනිදා ශ්‍රී ලංකා මිරර් අප වෙබ් අඩවිය විසින් “රාජු රාධා බලනේ ඇල්ලූ නවම් මාවතේ බිල්ඩිම රහස් පිරුණු තිප්පොලක්!” යන සිරස්තලය යටතේ පලකර තිබූ පුවත සම්බන්ධයෙන්  පිළිතුරුදීමේ අයිතිය යටතේ අදහස් දක්වමින් ඒ මහතා මේ බව පැවසීය.

අදාළ ගොඩනැගිල්ලේ හිමිකාරිත්වය ඇත්තේ ග්‍රීන් ලංකා ‌‌ප්‍රොපර්ටි ඩිවෙලොපර්ස් පුද්ගලික සමාගමට බවත්, තමා එහි අධ්‍යක්ෂවරයකු බවද ඔහු සදහන් කළේය.

එසේම අදාළ ගොඩනැගිල්ලේ කිසිවෙකුගේ නිවාස පිහිටා නැතැයි ද පැවසූ ඒ මහතා එහි ඇත්තේ කාර්යාල පමණක් බවද කියා සිටියේය.

මූල්‍ය අපරාධ විමර්ශන අංශයේ (FCID) හිටපු අධ්‍යක්ෂ රවී ‌වෛද්‍යලංකාර මහතාට අයත් නීතීඥ කාර්යාලයක් ‍ද මෙහි පිහිටා ඇති අතරම සයිප්‍රස් තානාපති කාර්යාලයද එහි ඇතැයි ඔහු සදහන් කළේය.

මේ අතර, එම ගොඩනැගිල්ලේ පිහිටි කොළඹ ප්‍රසිද්ධ ව්‍යාපාරියකු වන නලින් ෆොන්සේකා මහතාට අයත් රාත්‍රී සමාජ ශාලාව මේවන විට වසා දමා ඇති බවත්, එය කොරෝනා සමයෙන් පසුව ආරම්භ කර නැති බවත් ශ්‍රී ලංකා මිරර් වෙත වාර්තා වේ.

ඉකුත් මැයි 03-04 දිනවල 60කට ආසන්න පිරිසක් විසින් එම ගොඩනැගිල්ලේ පිහිටා ඇති ඒෂියා කැපිටල් ආයතනයට ඇතුළුව තිබූ අතර පසුව ඔවුන්ගෙන් 23ක පිරිසක් පොලිසිය විසින් අත්අඩංගුවට ගෙන අධිකරණයට ඉදිරිපත් කර තිබිණි.

කෙසේවුද පසුව ඔවුන් අධිකරණය ඇපමත මුදා හැරියේය.

එම පිරිස පවසා ඇත්තේතේදාල ගොඩනැගිල්ලට ඇතුළුවූයේ එහි තීන්ත ආලේප කිරීමට බවයි.

එසේම එම පිරිස මෙහෙයවූ ප්‍රධානියා බව කියන රවී ප්‍රදීප් නැමැත්තා පොලිසියට පවසා ඇත්තේතේර්කන්ටයිල් ඉන්වෙස්මන්ට් ඇන්ඩ් ෆයිනෑන්ස් ආයතයේ නිලධාරියකු වන සොයිසා නැමැත්තා විසින් අදාළ ගොඩනැගිල්ලට ඇතුළුවන ලෙස කරන ලද ඉල්ලීමකට අනුව එසේ එහි ගිය බවයි.

එම සමාගමට අදාළ ගොඩනැගිල්ල අයිති බවද ඔහුට කියා සිටි බවත්, ඒ් අනුව මේ ගොඩනැගිල්ලට ගිය බවත් ඔහු පොලිසියට පවසා ඇත.

මර්කන්ටයිල් ඉන්වෙස්මන්ට් ඇන්ඩ් ෆයිනෑන්ස් ආයතයේ වැඩි කොටස් ප්‍රමාණයක හිමිකරු වන්නේ ජෙරාඩ් ඔන්ඩච්ඡි නැමැත්තෙකුට බව ශ්‍රී ලංකා මිරර් වෙත වාර්තා වන අතර අදාළ සිද්ධිය සිදුවන අවස්ථාවේ ඔහු විදෙස්ගතව සිටි බවද වාර්තා වේ.

එම ගොඩනැගිල්ල අල්ලා ගැනීමට පිරිසක් යවා ඇති බව කියන සොයිසා නැමැත්තා මර්කන්ටයිල් ඉන්වෙස්මන්ට් ඇන්ඩ් ෆයිනෑන්ස් ආයතයේ රිකවරි අංශයේ ප්‍රධානියා බවද වාර්තා වේ.

මේ අතර, මර්කන්ටයිල් ඉන්වෙස්මන්ට් ඇන්ඩ් ෆයිනෑන්ස් පීඒල්සී සමාගම විසින් ග්‍රීන් ලංකා ‌‌ප්‍රොපර්ටි ඩිවෙලොපර්ස් පුද්ගලික සමාගමට කොළඹ වානිජ මහාධිකරණයේ නඩුවක් පවරා ඇති බවද පැවසේ.

———————————

( මුල් පුවත – 2023 ජුනි 05 ප.ව. 12:43 )

රාජු රාධා බලනේ ඇල්ලූ නවම් මාවතේ බිල්ඩිම රහස් පිරුණු තිප්පොලක්!

ඉන්දීය ජාතිකයකු වන රාජු රාධා නැමැත්තා විසින් බලහත්කාරයෙන් රැඳී සිටින බව කියන කොම්පඤ්ඤවීදියේ නවම් මාවතේ පිහිටි ග්‍රීන් ලංකා ගොඩනැගිල්ලට පනස් දෙනෙකුගෙන් පමණ යුක්ත කණ්ඩායමක් පෙරේදා (03) රාත්‍රියේ සිට ඇතුළු වී එහි බලය අත්පත් කරගැනීමට උත්සාහ කර තිබිණි.

අදාළ ඉන්දියානු ව්‍යාපාරිකයා රැඳී සිටින එම ගොඩනැගිල්ලේ හය, හත මහල්වලට මුල් පිරිස ඇතුළුවීමට පටන්ගෙන ඇත්තේ පෙරේදා (03) රාත්‍රි 10.45ට පමණය.

මුලින්ම පහළොස් දෙනෙකුගෙන් පමණ සමන්විත කණ්ඩායමක් එයට ඇතුළු වී තිබේ.

ඉන්පසුව ඊයේ (04) පාන්දර 1.00ට පමණ පනහකට ආසන්න ප්‍රමාණයක් එම ගොඩනැගිල්ලේ 6 හා 7 වැනි මහල්වලට නැවත ඇතුළුවී ඇත.

පසුව, ඊයේ (04) අලුයම් කාලයේ කොම්පඤ්ඤවීදිය පොලිසිය පැමිණ ගොඩනැගිල්ලට ඇතුළුව පිරිස ඉවතට ගෙන ප්‍රකාශයක් ලබාගෙන තිබිණි.

ඒම අවස්ථාවේදී ගොඩනැගිල්ලට අනවසරයෙන් ඇතුළුවීම සම්බන්ධයෙන් 23 දෙනෙකු අත්අඩංගුවට ගෙන පසුව මුදාහැරි බව කොම්පඤ්ඤවීදිය පොලිසිය සඳහන් කරයි.

එසේම මේ ගොඩනැගිල්ලේ අයිතිය කියන කල්බදු සමාගමක් වන මර්කන්ටයිල් ඉන්වෙස්මන්ට් සමාගමේ නිලධාරීන්ගෙන්ද පොලිසිය ප්‍රකාශයක් ලබාගෙන ඇත.

මේ අතර, අදාළ ගොඩනැගිල්ල බලෙන් අල්ලාගෙන සිටින බවට චෝදනා එල්ල වී ඇති ඉන්දියානු ජාතිකයාට සහාය පළකරමින් ප‌ොලිස්පතිවරයා කටයුතු කර ඇති බවට ද චෝදනාවක් එල්ලවී ඇති බව වාර්තා වේ.

ඒ් සම්බන්ධයෙන් අමාත්‍යංශ මට්ටමේ පරීක්ෂණයක් කැදවීමට ද කටයුතු කර ඇති බව පැවසේ.

ග්‍රීන් ලංකා ආයතනයට අයත් මහල් නවයකින් යුත් මෙම ගොඩනැගිල්ල එහි මුල් හිමිකරුවන් විසින් කොල්ලුපිටියේ පිහිටි කල්බදු සමාගමක් වන මර්කන්ටයිල් ඉන්වෙස්මන්ට් ආයතනයට උකස් කර ණය මුදලක් ලබාගෙන ඇත.

එසේ තිබියදී ඉන්දිය ජතික රාජු රාධා නැමැත්තා මෙම ගොඩනැගිල්ල මැලේසියානු සමාගමක් වන ඒ්ෂියා කැපිටල් සමාගම මාර්ගයෙන් නීත්‍යානුකූල නොවන අයුරින් අත්පත් කරගෙන භුක්ති විඳින බවට මර්කන්ටයිල් ඉන්වෙස්මන්ට් කල්බදු සමාගම ශ්‍රේෂ්ඨාධිකරණයේ නඩු පවරා තිබී ඇත.

කෙසේවුවද, 2014 සිට මෙම ගොඩනැගිල්ල වෙනත් සමාගම්වලට කුලියට දී රාජු රාධා නැමැත්තා විසින් දේශපාලන හා පොලිසියේ ඉහළ නිලධාරීන්ගේ සහායෙන් රැඳී සිටින බවට එල්ල වූ චෝදනා මත අපරාධ පරීක්ෂණ දෙපාර්තමේන්තුවද විමර්ශනක් ද අරඹා තිබේ.

මෙම ආන්දෝලනයට ලක්වූ ගොඩනැගිල්ලේ දේශපාලනයට සම්බන්ධ තොණ්ඩමන් පවුලේ ඥාතීන් පිරිසක්ද, මූල්‍ය අපරාධ විමර්ශන අංශයේ (FCID) හිටපු අධ්‍යක්ෂ රවී ‌වෛද්‍යලංකාර මහතා හා ඔහුගේ පුතු, මෙන්ම හිටපු ජනපති මහින්ද රාජපක්ෂ මහතාගේ පුද්ගලික ලේකම්වරයාව සිටි උදිත ලොකුබණ්ඩාර මහතාට ද නිවාස ඇතැයි වාර්තා වේ.

මෙම ගොඩනැගිල්ලේ දෙවැනි මහල දේවගැති ජෙරම් ප්‍රනාන්දුගේ දේවමෙහෙයන් පැවැත්වීම සඳහා කුලී පනදම මත ලබාගෙන එම දේව මෙහෙයන් ඒහි පවත්වන බවද පැවසේ.

එසේම එම ගොඩනැගිල්ලේ කොළඹ ප්‍රසිද්ධ ව්‍යාපාරියකු වන නලින් ෆොන්සේකා මහතාට අයත් රාත්‍රී සමාජ ශාලාවක් ද ඇති බවද වාර්තා වේ.

එම ගොඩනැගිල්ලේ ඉහලම මහලේ (රූෆ්ටොප්) හි රාජු රාධාගේ දියණියට අයත් කැෆේ එකක්ද ඇති බව වාර්තා වේ.

මෙම ගොඩනැගිල්ලේ සිටින ඇතැමුන්ට කොළඹ ව්‍යාපාරිකයන්ගේ බිරින්දෑවරුන් රවටා රුපියල් කෝටි ගණනක දේපොළ හා ඉඩම් බලෙන් අල්ලාගත් බවටද චෝදනා එල්ල වී ඇති බවද මාධ්‍ය වාර්තා කර තිබේ.

ඉන්දීය ජාතිකයා විසින් අදාළ ගොඩනැගිල්ලේ ආරක්ෂාව බාරදී ඇත්තේ විශ්‍රාමික ජ්‍යෙෂඨ පොලිස් අධිකාරීවරයෙක් වන බන්දුල නැමැත්තෙකුට බවද වාර්තා වේ.

පුවත්

රාගම රෝහලේ මරණයත් මතහේදාත්මක “Co-Amoxiclav” නිසාදැයි සැකයක් !

Published

on

By

රාගම ශික්ෂණ රෝහලේ 21 වැනි වාට්ටුවේ නේවාසිකව ප්‍රතිකාර ලබමින් සිටි රෝගයකුට එන්නතක් ලබාදීමත් සමඟ පෙරේදා (27) හදිස්සියේ මියයාමේ සිද්ධියක් වාර්තා වේ.

මෙසේ මියගොස් ඇත්තේ කන්දකැටිය ප්‍රදේශයේ පදිංචිකරුවකු වන 50 හැවිරිදි අයෙකි.

ඔහු කනේ කැක්කුමක් සම්බන්ධයෙන් බෙහෙත් ගැනීමට රෝහල්ගතව ඇති බවද පැවසේ.

මියගිය අයට මතභේදාත්මක කො-ඇමොක්සික්ලෙව් (Co-Amoxiclav) එන්නතක් ලබාදීමෙන් පසුව මෙසේ මියගොස් ඇති බව රෝහල් ආරංචි මාර්ගවලින් වාර්තා වේ.

අදාළ රෝගියාට එම එන්නත ඊට පෙර 11 වතාවක් එන්නත් කර ඇති අතර 12 වැනි වර එය එන්නත් කිරීමත් සමඟ ඔහු මියගිය බව අදාළ එන්නත එන්නත් කළ හෙදිය සිය වාර්තා වේ සටහන් කර ඇති බව වාර්තා වේ.

කෙසේවුද, එම එන්නත නිර්දේශ කරන ලද වෛද්‍යවරයා සිය වාර්තා වේ සටහන් කර ඇත්තේ මේ රෝගියා මියගොස් ඇත්තේ කො-ඇමොක්සික්ලෙව් (Co-Amoxiclav) එන්නත් කර ටික වේලාවකට පසුව බවයි.

හොරණ පිහිටි නවෙස්ටා ෆාමර්සූටිකල් පුද්ගලික සමාගම (Navesta Pharmaceuticals (Pvt) විසින් කො-ඇමොක්සික්ලෙව් (Co-Amoxiclav) එන්නත් කුප්පි නිපදවීම සිදු කරනු ලබන අතර මීට පෙර මෙම ‍එන්නත අසාත්මික වී තිදෙනෙකු මියගොස් තිබේ.

ඒ සම්බන්ධයෙන් ජාතින ඖෂධ නියාමන අධිකාරියේ සභාපතිවරයා ලෙස මහාචාර්ය එස්.ඩී. ජයරත්න මහතා කටයුතු කරන අවස්ථාවේදී 2023-08-08 වැනිදා මාධ්‍ය නිවේදනයක්ද නිකුත් කර තිබිණි.

එය පහත දැක්වේ.

මේ අතර, රාගම රෝගියාගේ මරණය සම්බන්ධයෙන් සමස්ත ලංකා හෙද සංගමයේ ලේකම් එස්.බී. මැදිවත්ත මහතා ශ්‍රී ලංකා මිරර් සමඟ කියා සිටියේ මේ මරණයට හේතුව කො-ඇමොක්සික්ලෙව් (Co-Amoxiclav) එන්නත බවට සැකකරණ බවයි.

කෙසේවුවද, මෙම එන්නත මීට පෙර සෞඛ්‍ය අංශ විසින් ලෝක සෞඛ්‍ය සංවිධානයේ නිර්දේශිත පර්යේෂණ ආයතනයකට යවා වාර්තාවක් ලබාගෙන ඇති අතර එහිදී එම එන්නත සම්බන්ධයෙන් දෝෂයක් මතුව නැතැයි ද පැවසේ.

අදාළ වාර්තාවෙන් පසුව ද එම එන්නත සම්බන්ධ පරික්ෂාවක් සිදු කිරීමට ඔස්ට්‍ර්ලියාවේ පර්යේෂණ ආයතනයකට යවා ඇති අතර එහි ප්‍රතිඵල පසුගිය 22 වැනිදා ලැබීමට නියමිතව තිබිණ ද එය මෙතෙක් ලැබී නැතැයි ද වාර්තා වේ.

සබැඳි පුවත්
ප්‍රතිජීවක එන්නතක් අසාත්මික වී ගම්පහ රෝහලේ රෝගියෙක් මියයයි 

Continue Reading

පුවත්

PHI සහයකට වෙඩි තබන්න ආ සැකකරු හෙල්මටයත් දමා පැනයයි

Published

on

By

රාගම ප්‍රදේශයේ මහජන සෞඛ්‍ය පරීක්ෂක සහයකකුට යතුරු පැදියකින් පැමිණි පුද්ගලයන් දෙදෙනකු වෙඩි තැබීමට ගත් උත්සහය ව්‍යර්ථව ගොස් ඇතැයි පොලීසිය කියයි.

මත්තුමගල රාගම පදිංචි පි. අසංක ලක්මාල් නැමති අයගේ නිවසට පල්සර් වර්ගයේ යතුරු පැදියකින් පැමිණ ඇති පුද්ගලයන් දෙදෙනකු ටී. 56 වර්ගයේ ගිණි අවියකින් වෙඩි තැබීමට උත්සාහ කර තිබේ.

වෙඩි තැබීමට පැමිණි පුද්ගලයන් සමග ඔහු පොරබදා තිබෙන අතර එම අවස්ථාවේදී ගිනි අවියේ මැගසීනය බිම වැටී ඇති අතර තුවක්කුකරුගේ හිස් ආවරණය ගැලවී ගොස් ඇති බව වාර්තා වේ.

ඒ සමගම වෙඩි තැබීමට පැමිණි පුද්ගලයන් කඳාන දෙසට පළාගොස් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති, නීතිඥ නිහාල් තල්දුව මහතා පවසයි.

ප්‍රදේශයේ සවිකර ඇති CCTV දර්ශන භාවිතයෙන් සැකකරුවන් හඳුනා ගැනීමට කටයුතු කරන බවත් නීතිඥ නිහාල් තල්දුව මහතා පැවසීය.

Continue Reading

පුවත්

රුසියානු හමුදාවේ සිටි ලංකාවේ හමුදා සාමාජිකයෙක් මරුට

Published

on

By

රුසියානු – යුක්රේන් යුද්ධයේ රුසියානු හමුදාවට එක්වී ඉදිරි ආරක්ෂක පෙරමුණක සටන් වැදීම සඳහා ගිය ශ්‍රී ලාංකික හමුදා සාමාජිකයකු ඩ්‍රෝන ප්‍රහාරයකට ලක්ව මියගොස් ඇතැයි විදෙස් වාර්තාවල දැක්වේ.

නිපුණ සිල්වා නමැති රුසියානු හමුදා සේවයට එක්වූ මෙම යුද හමුදා සෙබළා මරණයට පත්ව ඇත්තේ ඉදිරි ආරක්ෂක වළල්ලේ බංකර වෙත යුක්රේන් හමුදා ඩ්‍රෝන යානාවලින් එල්ල කළ ප්‍රහාරයකිනි.

බංකරයට එල්ල වූ ප්‍රහාරයෙන් පසු සහායට සිටි සේන බණ්ඩාර නමැති ශ්‍රී ලාංකික සෙබළා විසින් නිපුණ සිල්වා තුවාල මැද රැගෙන පසුබසිද්දී එල්ල වූ තවත් ඩ්‍රෝන ප්‍රහාරයකින් නිපුන මියගොස් ඇති බව පැවසේ.

මසකට ඇමරිකානු ඩොලර් තුන්දහසක වැටුපක් ගෙවන බව කියා සංචාරක වීසා මගින් මෙරට හමුදාවලින් සේවයෙන් ඉවත් වූ භටයන් හා නිලධාරීන් ඉන්දියාවට හා ඩුබායි වෙත රැගෙන ගොස් පෝලන්තය ඔස්සේ රුසියාවට රැගෙන යන බව හෙළිවී තිබිණි.

මීට පෙර මේ අයුරින්ම රුසියානු – යුක්රේන් යුද්ධයට එක්වීමට යුක්රේන් හමුදාවට එක්වූ කපිතාන් රතීෂ් හේවගේ ඇතුළු තිදෙනකු පසුගිය වසරේ රුසියානු ප්‍රහාරයකින් මරණයට පත්විය.

රොඩ්නි ජයසිංහ හා එම්. ප්‍රියන්ත යන දෙදෙනාගේ මළසිරුරු සටන් භූමියෙන් රැගෙන ඒම අපහසු වූ අතර කපිතාන් රතීෂ්ට යුක්රේනයේදී හමුදා ගෞරව මැද අවසන් කටයුතු සිදු කෙරිණි.

නිපුණ සිල්වා ජනවාරි මාසයේදී රුසියානු හමුදාවට එක්වී ඇත.

සබැඳි පුවත් :
යුක්රේන යුද්ධයට ගිය ලංකා හමුදාවේ 3ක් මරුට;  ‘කපිතාන් ඩෙන්ටිස්ට්’ ඒ අතර

Continue Reading
Advertisement

Trending

Copyright © 2023 Sri Lanka Mirror. All Rights Reserved