Connect with us

පුවත්

සබ්රි මීට පෙර 6 වතාවක්  ප්‍රභූ පර්යන්තයෙන් හොරබඩු ඇදලා

Published

on

පාර්ලිමේන්තු මන්ත්‍රි එම්.ඒ. රහීම් අලි සබ්රි මීට පෙර අවස්ථා හයකදී පමණ කටුනායක ගුවන් තොටුපොළේ ප්‍රභූ පර්යන්තය හරහා නීති විරෝධි ආකාරයෙන් රත්තරන් ඇතුළු භාණ්ඩ රටට ගෙනැවිත් තිබෙන බවට රේගුවට තොරතුරු ලැබී ඇතැයි වාර්තා වේ.

මන්ත්‍රිවරයා රුපියල් කෝටි හතකට අධික රත්තරන් සහ ජංගම දුරකථන මෙරටට ගෙනැවිත් ඇත්තේ කිසියම් අයකුගේ හෝ කණ්ඩායමකගේ කොන්ත්‍රාත්තුවකට බවටද රේගු නිලධාරීන්ට තොරතුරු ලැබී තිබේ.

මෙලෙස රත්තරන් බඩු සහ ජංගම දුරකථන රැගෙන ආ පසුව මන්ත්‍රිවරයාට කොන්ත්‍රාත්කරුවන්ගෙන් විශාල මුදලක් ලැබෙන බවද රේගුවට තොරතුරු ලැබී ඇත.

මන්ත්‍රිවරයාට රේගුව විසින් රුපියල් ලක්ෂ 75ක දඩ මුදලක් නියම කර මන්ත්‍රිවරයා රැගෙන ආ රත්තරන් සහ ජංගම දුරකථන තොගය රාජසන්තක කිරීමට කටයුතු කරන ලදි.

ගුවන් මගින් මෙලෙස රට තුළට රත්තරන් ඇතුළු භාණ්ඩ රැගෙන එන පුද්ගලයන්ට රේගුව විසින් දඩ මුදල් නියම කිරීමෙන් පසුව, සාමාන්‍යයෙන් එම පුද්ගලයන් දඩය නියම කරන ලද අවස්ථාවේදීම දඩ මුදල් නොගෙවූවද, මන්ත්‍රිවරයා එම දඩය පෙරේදා (24) රාත්‍රී කාලයේම ගෙවා පිටව ගිය බව රේගු නිලධාරීහු පවසති.

දඩ මුදල් ගෙවීමට අපොහොසත් වන්නේ නම් රේගුව විසින් අදාළ පුද්ගලයන් අධිකරණයට ඉදිරිපත් කර රක්ෂිත බන්ධනාගාරගත කිරීමට කටයුතු කරනු ලබන්නේය.

මන්ත්‍රිවරයා අත්අඩංගුවට ගැනීමෙන් පසුව රේගු නිලධාරීන් ඒ සම්බන්ධව කථානායකවරයා දැනුවත් කර ඇත.

මේ , මන්ත්‍රිවරයා සහ රත්තරන් ඇතුළු භාණ්ඩ නිදහස් කර ගැනීම සම්බන්ධයෙන් රේගුවට යම් යම් බලපෑම් එල්ල වූ බවද රේගු ආරංචි මාර්ග කියයි.

මන්ත්‍රිවරයා රැගෙන ආ රත්තරන් ඇතුළු භාණ්ඩ සම්බන්ධව සහ ඔහු ක්ෂණිකව දඩ මුදල ගෙවීමට කටයුතු කිරීම සම්බන්ධව ආදායම් බදු දෙපාර්තමේන්තුවේ සහ රාජ්‍ය බුද්ධි අංශයේ නිලධාරීන් රේගුවෙන් තොරතුරු ලබාගෙන විමර්ශන කටයුතු සිදුකරන බවද පැවසේ.

මේ අතර, මන්ත්‍රීවරයා මාධ්‍ය වෙත පවසා ඇත්තේ අදාළ රත්‍රන් තොගය ගෙන ආවේ තමා නොවන නමුත්, තමන් නොකළ වරදකට ලක්ෂ 75ක දඩ ගෙවීමට සිදුවූ බවත්ය.

සබැදි පුවත්

රත්තරන් ගෙනාවෙ මං නෙමෙයි – අලි සබ්රි රහීම් (වීඩියෝ)

රත්‍රං හා ස්මාර්ට් ෆෝන් හොරෙන් ගෙනා මන්ත්‍රී සබ්රි නිදහස්!

පුවත්

PHI සහයකට වෙඩි තබන්න ආ සැකකරු හෙල්මටයත් දමා පැනයයි

Published

on

By

රාගම ප්‍රදේශයේ මහජන සෞඛ්‍ය පරීක්ෂක සහයකකුට යතුරු පැදියකින් පැමිණි පුද්ගලයන් දෙදෙනකු වෙඩි තැබීමට ගත් උත්සහය ව්‍යර්ථව ගොස් ඇතැයි පොලීසිය කියයි.

මත්තුමගල රාගම පදිංචි පි. අසංක ලක්මාල් නැමති අයගේ නිවසට පල්සර් වර්ගයේ යතුරු පැදියකින් පැමිණ ඇති පුද්ගලයන් දෙදෙනකු ටී. 56 වර්ගයේ ගිණි අවියකින් වෙඩි තැබීමට උත්සාහ කර තිබේ.

වෙඩි තැබීමට පැමිණි පුද්ගලයන් සමග ඔහු පොරබදා තිබෙන අතර එම අවස්ථාවේදී ගිනි අවියේ මැගසීනය බිම වැටී ඇති අතර තුවක්කුකරුගේ හිස් ආවරණය ගැලවී ගොස් ඇති බව වාර්තා වේ.

ඒ සමගම වෙඩි තැබීමට පැමිණි පුද්ගලයන් කඳාන දෙසට පළාගොස් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති, නීතිඥ නිහාල් තල්දුව මහතා පවසයි.

ප්‍රදේශයේ සවිකර ඇති CCTV දර්ශන භාවිතයෙන් සැකකරුවන් හඳුනා ගැනීමට කටයුතු කරන බවත් නීතිඥ නිහාල් තල්දුව මහතා පැවසීය.

Continue Reading

පුවත්

රුසියානු හමුදාවේ සිටි ලංකාවේ හමුදා සාමාජිකයෙක් මරුට

Published

on

By

රුසියානු – යුක්රේන් යුද්ධයේ රුසියානු හමුදාවට එක්වී ඉදිරි ආරක්ෂක පෙරමුණක සටන් වැදීම සඳහා ගිය ශ්‍රී ලාංකික හමුදා සාමාජිකයකු ඩ්‍රෝන ප්‍රහාරයකට ලක්ව මියගොස් ඇතැයි විදෙස් වාර්තාවල දැක්වේ.

නිපුණ සිල්වා නමැති රුසියානු හමුදා සේවයට එක්වූ මෙම යුද හමුදා සෙබළා මරණයට පත්ව ඇත්තේ ඉදිරි ආරක්ෂක වළල්ලේ බංකර වෙත යුක්රේන් හමුදා ඩ්‍රෝන යානාවලින් එල්ල කළ ප්‍රහාරයකිනි.

බංකරයට එල්ල වූ ප්‍රහාරයෙන් පසු සහායට සිටි සේන බණ්ඩාර නමැති ශ්‍රී ලාංකික සෙබළා විසින් නිපුණ සිල්වා තුවාල මැද රැගෙන පසුබසිද්දී එල්ල වූ තවත් ඩ්‍රෝන ප්‍රහාරයකින් නිපුන මියගොස් ඇති බව පැවසේ.

මසකට ඇමරිකානු ඩොලර් තුන්දහසක වැටුපක් ගෙවන බව කියා සංචාරක වීසා මගින් මෙරට හමුදාවලින් සේවයෙන් ඉවත් වූ භටයන් හා නිලධාරීන් ඉන්දියාවට හා ඩුබායි වෙත රැගෙන ගොස් පෝලන්තය ඔස්සේ රුසියාවට රැගෙන යන බව හෙළිවී තිබිණි.

මීට පෙර මේ අයුරින්ම රුසියානු – යුක්රේන් යුද්ධයට එක්වීමට යුක්රේන් හමුදාවට එක්වූ කපිතාන් රතීෂ් හේවගේ ඇතුළු තිදෙනකු පසුගිය වසරේ රුසියානු ප්‍රහාරයකින් මරණයට පත්විය.

රොඩ්නි ජයසිංහ හා එම්. ප්‍රියන්ත යන දෙදෙනාගේ මළසිරුරු සටන් භූමියෙන් රැගෙන ඒම අපහසු වූ අතර කපිතාන් රතීෂ්ට යුක්රේනයේදී හමුදා ගෞරව මැද අවසන් කටයුතු සිදු කෙරිණි.

නිපුණ සිල්වා ජනවාරි මාසයේදී රුසියානු හමුදාවට එක්වී ඇත.

සබැඳි පුවත් :
යුක්රේන යුද්ධයට ගිය ලංකා හමුදාවේ 3ක් මරුට;  ‘කපිතාන් ඩෙන්ටිස්ට්’ ඒ අතර

Continue Reading

පුවත්

ආණ්ඩුවේ වාහනයක් දුවන්නේ කිලෝමීටරකට රුපියල් 300ට

Published

on

By

රජයේ වාහනයක් ධාවනයට කිලෝමීටරකට රුපියල් 300ක් වැයවන බව බලශක්ති සහ ප්‍රවාහනය පිළිබඳ ආංශික අධීක්ෂණ කාරක සභාවේදී අනාවරණය වී තිබේ.

කෙසේවුවද, එසේ ධාවනය වන රාජ්‍ය වාහන රු. 100 පිරිවැයකින් කිලෝමීටරයක් ධාවනය කළ හැකි බවද එහිදී හෙළිව ඇත.

මිනිස්බල හා රැකීරක්ෂා දෙපාර්තමේන්තුව විසින් රාජ්‍ය සම්පත් කළමණාකරණය සම්බන්ධයෙන් සකස් කරන ලද පර්යේෂණ පත්‍රිකාවක දත්ත අනුව මේ පිළිබඳ අනාවරණය කර ගැනීමට හැකිව තිබේ.

බලශක්ති සහ ප්‍රවාහනය පිළිබඳ ආංශික අධීක්ෂණ කාරක සභාව පාර්ලිමේන්තු මන්ත්‍රී නාලක බණ්ඩාර කෝට්ටේගොඩ මහතාගේ සභාපතිත්වයෙන් පසුගියදා (20) පාර්ලිමේන්තුවේදී රැස් වූ අවස්ථාවේදී මෙම කරුණු අනාවරණය කරවී ඇත.

මෙහිදී අදාළ පර්යේෂණ පත්‍රිකාව මගින් පෙන්වා දී ඇත්තේ 2022 වර්ෂයේ සංඛ්‍යා ලේඛන අනුව රාජ්‍ය ආයතන සතුව වාහන 82,000ක් පමණ පවතින බවත් ඉන් 76,000ක් පමණ ධාවන තත්ත්වයේ පවතින බවත්ය. 

මේ අනුව වාහන 5500 පමණ ධාවන තත්ත්වයේ නොපවතින බවද මෙහිදී අණාවරණය වී ඇත.

එසේම ධාවන තත්ත්වයේ පවතින එක් වාහනයක් කිලෝමීටරයක් ධාවනය කිරීම සඳහා යන වියදම ආසන්න වශයෙන් රු. 300 ත් 500 ත් අතර වන බවත් මෙම පර්යේෂණ පත්‍රිකාව අනුව හඳුනාගෙන තිබුණි. 

කෙසේවුවද, රාජ්‍ය ආයතනවලට අවශ්‍ය මෙම වාහන කුලී හෝ බදු පදනම යටතේ පෞද්ගලික අංශය මගින් ගන්නේ නම් රු. 100 ක් හෝ ඊට වඩා අඩු මුදලකින් කිලෝමීටරයක් ධාවනය කිරීමට හැකි බව මෙහිදී මෙම පර්යේෂණයේ දත්ත අනුව හඳුනාගෙන ඇත.

100ට දිව්වොත් බිලියන 20ක් ඉතිරි කළ හැකියි

මේ අනුව ක්‍රමාණුකූලව රාජ්‍ය සතු වාහන ඉවත් කරමින් මෙම ක්‍රියාදාමය අනුගමනය කරන්නේ නම් සෘජුවම රු. බිලියන 20 ක් පමණ රජ්‍ය වියදම ඉතිරි කර ගත හැකි බව මෙහිදී අනාවරණය වී තිබේ.

මෙම තොරතුරු සැලකිල්ලට ගනිමින් මෙම පර්යේෂණ පත්‍රිකාව පිළිබඳ ගැඹුරින් අධ්‍යයනය කොට පාර්ලිමේන්තුවට වාර්තාවක් ඉදිරිපත් කිරීම සඳහා පාර්ලිමේන්තු මන්ත්‍රී යදාමිණී ගුණවර්ධන මහතාගේ සභාපතිත්වයෙන් අනු කාරක සභාවක් පත් කිරීමට මෙම කාරක සභාවේ සභාපති පාර්ලිමේන්තු මන්ත්‍රී නාලක බණ්ඩාර කෝට්ටේගොඩ මහතා නිර්දේශ කර ඇත.

එසේම සුනිත්‍ය බලශක්තිය සම්බන්ධයෙන් මෙරට ගත හැකි ක්‍රියාමාර්ග සම්බන්ධයෙන් විද්වත් අදහස් ලබාගැනීමද මෙහිදී සිදුව තිබේ.

මෙම කාරක සභාව සඳහා රාජ්‍ය අමාත්‍ය ඩයනා ගමගේ, පාර්ලිමේන්තු මනිත්‍රීවරුන් වන චන්දිම වීරක්කොඩි, යදාමිණී ගුණවර්ධන, ජගත් ප්‍රියංකර, කුමාරසිරි රත්නායක සහ (මහාචාර්ය) චරිත හේරත් යන මහත්ම මහත්මීහු සහභාගී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved