Feb 22, 2018

විජේකලාගේ මැරයෝ කොල්ලුපිටියේ මන්දිරයක් බලෙන් අල්ලගෙන !

කොල්ලුපිටිය ඇල්ෆ්‍රඩ් ඇවනිවු හි සුවිසල් මන්දාරයක වසර 28ක කාලයක් කුලී පදනම මත පදිංචිව සිටි කෝටිපති ව්‍යාපාරිකයකු සහ එහි සිටි නිවැසියන් එළියට ඇද දමා මැරයන් පිරිසක් විසින් එම නිවස අල්ලාගෙන ඇතැයි වාර්තා වේ.

අදාළ ව්‍යාපාරිකයා මේ සම්බන්ධයෙන් කොල්ලුපිටිය පොලිසියට පැමිණිලි කර තිබේ.

අදාළ සිද්ධිය සිදුව ඇත්තේ පෙරේදා (20) දිනයේදී වන අතර මේ මැර පිරිස විජයකලා මහේෂ්වරන් මන්ත්‍රීවරියගේ ආධාරකරුවන් බවද ඉතා විශ්වාසකටයුතු ආරංචි මාර්ගයකින් වාර්තා විය.

එංගලන්තයේ පදිංචිව සිටින පුද්ගලයකුට අයත් මේ නිවස තුළ මෙසේ එළියට ඇදදැමූ නිවැසියන් වසර 28ක කාලයක් පිදිංචිව සිට ඇතැයි පැවසේ.

අදාළ මැර පිරිස් මීට පෙර මේ ව්‍යාපාරිකයාට මේ නිවසින් ඉවත්වන ලෙස කිහිප අවස්ථාවකදී තර්ජනය කර ඇති බවද වාර්තා වේ.

ව්‍යාපාරිකයා ඇතුළු පිරිස නිවසින් ඉවත් නොවූ නිසා මේ මාරයින් මෙලෙස පැමිණ එහි නිවාසියන්ට පහරදී එම මන්දිරය අත්පත්කර ගෙන තිබේ.

මැර පිරිසේ පහර කෑමට ලක්වූ කාන්තාවක් කොළඹ ජාතික රෝහලේ ප්‍රතිකාර ලබාගන්නා බවද පැවසේ.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top