Sathosa

Mar 10, 2018

"සමාජ ජාල තහනම අරක්කු බොන නිසා වීදුරු කැඩුව වගේ වැඩක්”

ආරක්ෂක අංශයේ නිර්දේශයකට අනුව පැය 72කට පැනවූ සමාජ මාධ්‍ය ජාල තහනම අරක්කු බොන අයෙක් ගෙදර සිටින නිසා නිවසේ බීමට ගන්නා වීදුරු කඩා දැමීම හා සමාන සිද්ධියක් බව වෘත්තීය වෙබ් මාධ්‍යවේදීන්ගේ සංගමය නිවේදනයක් නිකුත් කරමින් කියා සිටී.

ෆේස්බුක්, වට්ස්ඇප් හා වයිබර් සමාජ ජාල අවහිර කිරීමට සිය සංගමය සපුරාම විරුද්ධවුවද, ඉන් ජාතීන් අතර ගිනි නිවේනම් පැය 72ක කාලයක් එය ඉවසා සිටීමටද හැකි බව කියා සිටී.

රට තුල උද්ගත වන හදිසි කෝලහාල තත්ත්වයක් සමාජ මාධ්‍ය වාරණය කර පාලනය කිරීමට වන තරමට ම රාජ්‍ය යාන්ත්‍රණය දුර්වල වී ඇති බවද එහි දැක්වේ.

ජාතිවාදයට මෙන්ම ජාතිවාදය ඇවිස්සීම සම්බන්ධ පුවත් වලටද සිය සංගමයේ වෙබ් අඩවි දැඩිව විරෝධය දක්වන බවත්, එය ක්‍රියාවෙන්ද ඔප්පුකර ඇති බවත් එම නිවේදනයේ වැඩි දුරටත් සටහන්ව ඇත.

එසේම සමාජ ජාල භාවිතා කරන සියලුම දෙනාගෙන් ජාතිවාදය වැපීරීමට සිදුකරන රැවටිලිකාර වදන්, පනිවුඩ හා ඒවා පෝෂණය කරනු ලබන ඡායාරූප වැනි දේ බෙදා හැරීම අනුමත කිරීම මෙන්ම කැමැත්ත පල කිරීමෙන් හා පක්ෂපාතී අදහස් ප්‍රකාශ කිරීමෙන් ජාතිවාදයට අනුබලදෙන්නකු බවට පත්විය හැකි බවත්, එය රට අනතුරේ හෙලීමක් බව සිහි තබාගත යුතුව ඇතැයිද වෘත්තීය වෙබ් මාධ්‍යවේදීන්ගේ සංගමය කියා සිටී.

මෙරට දේශපාලනයට යහපත් වෙනස්කම් සිදු කිරීමට සිය සංගමය හවුල්වූ බව ඉතිහාසය සාක්ෂි දරණ අතර මේ අවස්ථාවේ ද වියරු වැටීසිටින ජාතිවාදය හා සටන් කිරීමට කොන්දේසි විරහිතව සහයෝගය දැක්වීමට සහතික බව බවද එහි දක්වා ඇත.

සම්පූර්ණ මාධ්‍ය නිවේදනය පහත දැක්වේ.

PWJA1

PWJA2

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top