Apr 05, 2018

'ජාතික ආණ්ඩුව ඉදිරියටත් ගෙනියනවා' - අගමැති

ආණ්ඩුවේ ඉදිරි ගමන ගැන සාකච්ඡා කිරීමට ජනපති මෛත්‍රීපාල සිරිසේන මහතා සමග හෙට (05දා) හෝ අනිද්දා (06දා) සාකච්ඡාවක් පවත්වන බවත්, ආණ්ඩුවේ පිරිසක් ඉවත් වුවද, ජාතික ආණ්ඩුව ඉදිරියට පවත්වාගෙන යන බවත් අග්‍රාමාත්‍ය රනිල් වික්‍රමසිංහ මහතා පැවසීය.

විශ්වාසභංග යෝජනාවෙන් පසුව මාධ්‍යය අමතමින් වැඩිදුරටත් අදහස් දැක්වූ අග්‍රාමාත්‍යවරයා,

“ජනවාරි අට ජනවරම ක්‍රියාත්මක කිරීමට තිබෙනවා. එක්සත් ජාතික පක්‍ෂය නව කණ්ඩයමට බාරදීමට තිබෙනවා. අපෙන් කොටසක් ඉවත් වුණා. ඉන්න අයත් සමග ජාතික ආණ්ඩුව ඉදිරියට පවත්වාගෙන යනවා. ආණ්ඩුවේ ඉදිරි ගමන ගැන සාකච්ඡා කිරීමට ජනාධිපතිවරයා හ හමුවෙනවා. විශ්වාසභංගයට විරුද්ධව ඡන්දය දෙමින් ආණ්ඩුව රැක ගැනීමට උත්සාහ කළ සියලු දෙනාට ස්තුතිය” යැයි ප්‍රකාශ කළේය.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top