Pasidol
Sathosa Ad Final Sinhala
new year 2018 sin
Apr 15, 2018

කැලණි විහාරයට ආ හොරා සොයයි

කැලණිය රජ මහ විහාරයේ ධාතු මන්දිරය බිඳ එහි තිබූ පෞරාණික වටිනාකමකින් යුත් භාණ්ඩ සොරා ගෙන දෙසතියකට ආසන්න කාලයක් ගතව තිබේ.
 
ගජ මුතු දහයක්, රන් ආලේපිත බුදු පිළිම දෙකක්, රන් මාල ඇතුළු පෞරාණික භාණ්ඩ රැසක් දැනට අතුරුදන්ව ඇත.
 
මේ සම්බන්ධයෙන් පොලිස් කණ්ඩායම් තුනක්ද විමර්ශන කටයුතු ආරම්භ කර තිබේ.
 
ඉකුත් 2 වැනි දින පෙරවරු 8.30ත් 11.30ත් අතර නාඳුනන තැනැත්තකු විසින් ධාතු මන්දිරයට ඇතුළු වී මෙම සොරකම සිදු කර ඇති බව දැනට සිදු කර ඇති විමර්ශවලින් අනාවරණය වී ඇති බව පොලිසිය පවසයි.
 
මෙම නාඳුනන තැනැත්තා සොරකම සිදු කිරීමට පෙර දින පහක් පමණ විහාරස්ථානයට පැමිණ විහාරස්ථානයේ කටයුතු නිරීක්ෂණය කර ඇති බවට සී.සී.ටී.වී. කැමරා දර්ශනවලට අනුව හෙළිව ඇත.
 
ධනවත් පුද්ගලයකු ලෙස හැසිරෙමින් විහාරයේ බිම් අඟලක් ගාණේ පරීක්ෂා කර මෙම සොරකම සිදු කළ සැකකරු හඳුනා ගැනීම සඳහා පොලිසිය මහජන සහාය පතයි.
 
මෙම සැකකරු ගැන තොරතුරු වෙතොත් පහත දුරකතන අංකයන්ට දැනුවත් කරන ලෙසද පොලිසිය මහජනතාවගෙන් ඉල්ලා සිටී.
 
ස්ථානාධිපති - දිසා අපරාධ බස්නාහිර උතුර 0716868675
ස්ථානාධිපති - කැලණිය - 0718591593
 
සබැඳි පුවත් :

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top