Pasidol
Sathosa Ad Final Sinhala
May 21, 2018

ලංකාව ධන වර්ධනයෙන් ලෝකයේම 6 වැනි තැනට Featured

නිව් වර්ල්ඩ් වෙල්ත් (New World Wealth) විසින් ප්‍රකාශයට පත් කරනු ලැබූ 2017 ගෝලීය ධනවත්භාව සංක්‍රමණ විමර්ශන (Global Wealth Migration Review) වාර්තාවට අනුව ශ්‍රී ලංකාවේ ධන (Wealth) වර්ධනයෙන් ලොව හොඳම කාර්යාසාධනයක් හිමි රටවල් ලැයිස්තුවේ 6 වැනි ස්ථානයට පත්ව තිබේ. 

2017 වසරේ දී ශ්‍රී ලංකාවේ ධනය 20% කින් ඉහළ ගොස් තිබෙන අතර 2007-2017 දශකය තුළ දී ශ්‍රී ලංකාවේ ධනය (Wealth) 133% කින් වර්ධනය වී තිබීම කැපී පෙනෙන කරුණකි.

NWW 1
NWW 2
මෙම වාර්තාවට අනුව ගෝලීය ධනය ඉදිරි දශකය තුළ දී 50% කින් වර්ධනය වන බවට අපේක්ෂා කෙරේ. මෙහි ඇති වැදගත් කරුණ මෙකී ඉදිරි දශකය තුළ දී ශ්‍රී ලංකාවේ ධනය 200% කින් වර්ධනය වනු ඇති බවට පුරෝකථනය කර තිබීමයි.
 
එසේම ශ්‍රී ලංකාව ආරක්ෂිත රටත් බවටත්, හොඳ මට්ටමේ අධ්‍යාපනික හා ඉංග්‍රීසි කතා කිරීමේ මට්ටමක් ශ්‍රී ලංකාවට ඇති බව මෙහි විශේෂයෙන් සඳහන් වේ. ඉදිරි දශකය තුළ දී තාක්ෂණය, නිෂ්පාදන, දේපළ, සුවසේවා හා මූල්‍ය සේවාවන් හි ශක්තිමත් වර්ධනයක් වනු ඇති බව Global Wealth Migration Review හි ශ්‍රී ලංකාව සම්බන්ධ අනාගත ප්‍රවණතාවන් හි දක්වා තිබේ.
NWW 3
 
පසුගිය දා එළිදැක්වුණු මේ වාර්තාව මගින් ලොව ධනවත්ම රට ලෙසින් ඇමරිකා එක්සත් ජනපදය නම් කර තිබේ. අදාළ වාර්තාවට අනුව 2017 වසරේ දී ඇමරිකාවේ වත්පොහොසත්කම ඩොලර් බිලියන 62,584 කි. 
 
මෙම ලැයිස්තුවේ දෙවන හා තෙවන ස්ථාන පිළිවෙලින් චීනය (ඩොලර් බිලියන 24,803) හා ජපානය (ඩොලර් බිලියන 19,522) හිමි කර ගෙන ඇත.
 
මෙහිදී ඇමරිකා එක්සත් ජනපදයේ ධනය 2016 වසරට වඩා 15% කින් 2017 වසරේ දී වර්ධනය වී ඇති අතර එහිදී චීනය 22% ක්, ජපානය 15% ක් ලෙසින් 2017 වසරේ දී සිය ධනය වර්ධනය කර ගෙන ඇත.
 
(මූලාශ්‍රය - අද දෙරණ)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top