Sathosa

Jun 07, 2018

''මෛත්‍රී හා මහින්ද එකම මතයකට ආවා'' -ඩිලාන් 

දුමින්ද දිසානායක මහතා මහ ලේකම් තනතුරින් ඉවත් කිරීම විශාල ජයග්‍රහණයක් බවත්, ඔහු ඉවත් වූ පසු ජනාධිපති මෛත්‍රීපාල සිරිසේන මහතාත්, හිටපු ජනාධිපති මහින්ද රාජපක්ෂ මහතාත් එකම මතයකට ගෙන ඒමට හැකි වූ බවත් 
ශ්‍රී ලංකා නිදහස් පක්ෂ මාධ්‍ය ප්‍රකාශක ඩිලාන් පෙරේරා මහතා සඳහන් කළේය.

අද (07දා) පැවැති මාධ්‍ය සාකච්ඡාවකදී හෙතෙම මේ බව සඳහන් කළේය.

මේ අනුව සුදර්ශනී ප්‍රනාන්දු පුල්ලේ මහත්මීයට නියෝජ්‍ය කථානායක ධුරය ලබාදීමට කටයුතු කරන ලෙසට දෙදෙනාම තම කණ්ඩායම් නියෝජිතයන්ට උපදෙස් ලබාදී තිබූ බවද හෙතෙම පවසා සිටියේය. 

එහෙත් ගෝලයෝ කිහිප දෙනෙකු ප්‍රාදේශීය දේශපාලන බලයක් ගැන සිතා වෙන වෙන තීරණවල සිටි බවද හෙතෙම එහිදී සඳහන් කළේය. 

දුමින්ද දිසානායක මහතා පක්ෂ මහලේකම් තනතුරේ සිටියදී සිදුකළ වැඩ කිරීමට ගියහොත් ලැබී තිබෙන ජාතික සංවිධායක ධුරයත් අහිමි වී යන බව ඩිලාන් පෙරේරා මන්ත්‍රීවරයා වැඩිදුරටත් කියා සිටියේය.

සුදර්ශනී ප්‍රනාන්දු පුල්ලේ මහත්මීයට නියෝජ්‍ය කථානායක ධුරය ලබාදීමට මහින්ද රාජපක්ෂ මහතා පොරොන්දු වූ බව ඩිලාන් පෙරේරා මහතා කියා සිටියද මහින්ද රාජපක්ෂ මහතා ඇතුළු රාජපක්ෂ පවුලේ කිසිවකු හෝ ප්‍රනාන්දු පුල්ලේ මහත්මීය ඡන්දය ලබාදීමට ඉදිරිපත් නොවීම විශේෂ කාරණයකි.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top