Sathosa

Jun 11, 2018

''ගෝඨාට ජනපතිවරණයට එන්න කිසිම බාධාවක් නෑ'' -ගම්මන්පිල

ගෝඨාභය රාජපක්‍ෂ මහතාට ජනාධිපතිවරණය සඳහා තරග කිරීමට සිය ඇමෙරිකානු පුරවැසිභාවය බාධාවක් නොවන බවට තමන් වගකීමෙන් ප්‍රකාශ කරන බව පිවිතුරු හෙළ උරුමයේ නායක, පාර්ලිමේන්තු මන්ත්‍රී උදය ගම්මන්පිල මහතා පැවසීය.

පිවිතුරු හෙළ උරුමය ප්‍රධාන කාර්යාලයේදී මාධ්‍ය හමුවකට එක්වෙමින් හෙතෙම අද (11දා) පෙන්වා දුන්නේ, වෙනත් රටක පුරවැසියෙකු වන ඇමෙරිකානුවෙකුගේ ඇමෙරිකානු පුරවැසිභාවය අත්හැරීම නැවැත්වීමට ඇමෙරිකානු ආණ්ඩුවට හැකියාවක් නොමැති අතර, ඇමෙරිකානු තානාපති කාර්යාල නිලධාරියෙකු ඉදිරියේ පුරවැසිකම අත්හැරීමේ ප්‍රකාශය නිසි ලෙස සම්පූර්ණ කළ වහාම ඇමෙරිකානු පුරවැසිභාවය අත්හැරෙන බවයි.

ගෝඨාභය රාජපක්‍ෂ මහතාගේ ඇමෙරිකානු පුරවැසිභාවය ඉවත් කිරීමේ අයදුම්පත ප්‍රතික්‍ෂේප වූ බවට බරපතළ අසත්‍ය ප්‍රචාරයක් සමාජ ජාල හරහා පැතිර යෑම හේතුවෙන් ඇමෙරිකානු පුරවැසිභාවය පිළිබඳව වූ නීතිමය තත්ත්වය රටට පැහැදිලි කරන ලෙස ගෝඨාභය මහතා විසින් තමන්ගෙන් ඉල්ලීමක් කළ බවද උදය ගම්මන්පිල මහතා පැවැසීය.

 

 

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top