Pasidol
Sathosa Ad Final Sinhala
Dec 24, 2016

ගෝඨා FCID යට : සොහොන් කොතට කෝටි 9ක් දුන් හැටි විමසයි

වීරකැටිය යෝජනා ක්‍රමය නමින් ව්‍යාපෘතියක් ආරම්භ කැර ඒ හරහා ඩී.ඒ. රාජපක්ෂ මහතාගේ සහ එම මහත්මියගේ සො‍හොන් කොත් අලුත්වැඩියාව සඳහා රුපියල් කෝටි නවයක මුදලක් වැය කෙළේ යැයි කියන සිද්ධියක් සම්බන්ධව ප්‍රශ්න කිරීම සහ අත්සන් පරීක්ෂාව සඳහා හිටපු ආරක්ෂක ලේකම් ගෝඨාභය රාජපක්ෂ මහතා මූල්‍ය අපරාධ කොට්ඨාසය වෙත ඊයේ කැඳවා පැය දෙකක පමණ කාලයක් ප්‍රශ්න කැර තිබිණි.

ගෝඨාභය රාජපක්ෂ මහතා ආරක්ෂක අමත්‍යනාශයේ ලේකම්වරයා ලෙස සිටියදී එවකට එම අමාත්‍යාංශය යටතේ තිබූ ඉඩම් ගොඩකිරීමේ හා සංවර්ධනය කිරීමේ සංස්ථාව මඟින් මෙම රුපියල් කෝටි 9 මුදල යොදවා ඇත්තේ ඩී.ඒ. රාජපක්ෂ පදනමටය.

පසුව ඒ හැර ඩී.ඒ.රාජපක්ෂ මහතාගේ සහ එම මහත්මියගේ සොහොන් කොත් අලුත්වැඩියා කැර එම ප්‍රදේශය සංවර්ධනය කිරීම සඳහා එම මුදල් යොදවා ඇති බව පරීක්ෂණවලින් අනාවරණය විය.

පසුව මෙම සිද්ධිය සම්බන්ධව පොලිස් මූල්‍ය අපරාධ කොට්ඨාසය මගින් පරීක්ෂණ පවත්වා ඊට අදාළ පරීක්ෂණ අවසන් කැර නීතිපතිවරයාගේ උපදෙස් සඳහා පරීක්ෂණ ලිපිගොනු යවා තිබිණි.

පසුව ඊයේ ‍ගෝඨාභය රාජපක්ෂ මහතා කැඳවා මෙසේ ප්‍රකාශයක් ලබාගත් බව මූල්‍ය අපරාධ කොට්ඨාසය සඳහන් කරයි.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top