Aug 22, 2018

"නවීන් ගොවියා වළපල්ලට යවනවා" - රතන හිමි Featured

වස විසෙන් තොර වී වගා කටයුතු සිදු කළ ගොවීන්ට මෙතෙක් පොහොර සහනාධාර මුදල් ලබාදී නොමැති අතර, දින දෙකක් තුළදී මෙම මුදල් ලබාදීමට කටයුතු නොකළ හොත් දැඩි තීන්දුවක් ගන්නා බව පුජ්‍ය අතුරලියේ රතන හිමියෝ අවධාරණය කළහ.

උන්වහන්සේ මේ බව පවසා සිටියේ, ඊයේ (21දා) පැවැති මාධ්‍ය සාකච්ඡාවක එක්වෙමිනි.

පොහොර සහනාධාර මුදල් ලබාදීමට කැබිනට් පත්‍රිකාව අනුමත වී මාස දෙකකට අධික කාලයක් ගතව ඇති නමුත් සමහර වී වගාවල ගොයම් කැපෙන කාලයත් ලංවී තිබෙන බවද උන්වහන්සේ පවසා සිටියහ.

කෘෂිකර්ම අමාත්‍යාංශය නිලධාරීන් වස විසෙන් තොර ගොවිතැන දියුණු කිරීමට අකමැති හෙයින් ඔවුන් සෑම විටම සිදු කරන්නේ ගොවීන් වළපල්ලට යවන වැඩ උන්වහන්සේ වැඩිදුරටත් පැවසූහ.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top