Sep 21, 2018

'වල් ඌරන් ඝාතනයට ඉඩදීම ම්ලේච්ඡත්වය පෙන්නුම් කරන තීරණයක්' (වීඩියෝ) Featured

වල් ඌරන් ඝාතන තහනම ඉවත් කිරීම පිළිබදව පරිසරවේදීන් සහ සත්ත්වවේදීන් සිය අප්‍රසාදය පළ කර සිටියි.

කෘෂි භෝගවලට ඌරන්ගෙන් සිදුවන හානිය අවම කිරීමේ අරමුණින් මෙම තීරණය ගෙන ඇතත් එය ම්ලේච්ඡත්වය පෙන්නුම් කරන තීරණයක් බව පරිසරවේදී රවීන්ද්‍ර කාරියවසම් මහතා සදහන් කර සිටියි.

අලි මිනිස් ගැටුම ,කිඹුල් මිනිස් ගැටුම ආදී සියලු ගැටුම් වලට විසදුම එම සතුන් ඝාතනය කිරීමද? මිනිසුන්ට හා වගාවන්ට හානි සිදුවන බැවින් අනෙක් සියලු සත්ත්වයින් ඝාතනය කළ යුතුද ? යන්න කාරියවසම් මහතා ප්‍රශ්න කර සිටියි.

මෙය ශිෂ්ඨත්වය සම්බන්ධ ගැටලුවක් බවත් මනුෂ්‍ය මූලික සමාජයක විශේෂයෙන්ම සිංහල බෞද්ධයැයි කියන ජනතාව සිටින සමාජයකට මෙය උචිත නොවන බවත් ඒ මහතා කියා සිටියි.

මෙබදු ම්ලේච්ඡ තීරණයක් ගත්තා නම් හෙට අනිද්දා වන විට රජයට කරදර කරන මිනිසුන් පවා ඝාතනය වීමට ඉඩ ඇති බවත් හෙතෙම කියා සිටියි.

මුලු ලොවම වෙනත් දිශාවකට ගමන් කරද්දී අප යළිත් ම්ලේච්ඡත්වය ලොවටම පෙන්නුම් කරමින් සිටින බවත් ජනාධිපතිවරයා පරිසර ඇමතිවරයාව සිටියදී මෙවැන්නක් සිදුවීම ඉතා කණගාටුදායක තත්වයක් බවත් ඔහු වැඩිදුරටත් කියා සිටියි.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top