Sep 22, 2018

''දේශපාලන සිරකරුවන් නිදහස් කරන්න'' -වව්නියාවේ විරෝධතාවක්

දිවයිනේ සියලු බන්ධනාගාරවල සිටි දේශපාලන සිරකරුවන් නිදහස් කරන ලෙසට ඉල්ලා වව්නියාව නගරයේ විරොධතාවක් පවත්වා ඇත.

වව්නියාව පැරණි බස් නැවතුම්පල ඉදිරිපිටින් ආරම්භ වූ පෙලපාලියේ පැමිණි පිරිස වව්නියාව දිස්ත්‍රික් ලේකම් කාර්යාලය ඉදිරියේදී විරෝධතාවය පවත්වා තිබේ.

දේශපාලන සිරකරුවන් නිදහස් කිරීමේ පවුල් එකමුතුව, වව්නියාවේ සිවිල් සමාජ ඇතුලු සංවිධාන කිහිපයක් විසින් මෙම විරෝධතාව සංවිධාන කර තිබිණ.

විරෝධතාකරුවන් දිස්ත්‍රික් ලේකම් කාර්යාලය ඉදිරිපිට මාර්ගයේ හිඳගැනීම හේතුවෙන් වාහන ධාවනයට බාධා එල්ලවු අතර පොලිසියේ මැදිහත්වීමෙන් ඔවුන් ඉවත් කිරීමට පියවරගෙන ඇත.

මෙම විරෝධතාවට දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන මාවෙයි සේනාධිරාජා, සෙල්වම් අඩෙයික්කලනාදන්, ශාන්ති ශ්‍රී ස්කන්ධරාසා මෙන්ම පළාත් සභා මන්ත්‍රී පී සත්‍යලිංගම් ඇතුලු දේශපාලන නියෝජිතයන් පිරිසක් ද එක්ව සිටි බව වාර්තාවේ.

(හිරු නිව්ස්)

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top