Pasidol

Sathosa

Oct 04, 2018

කොටිකාවත්ත සණසේ කෙළි මහාධිකරණයට ! Featured

කොටිකාවත්ත සණස සමිතියේ සිදුව ඇතැයි කියන මහා පරිමාණ මුදල් අවභාවිතාවන් සහ වංචාවන් හේතුවෙන් රුපියල් කෝටි 23 කට අධික පාඩුවක් සිදු කිරීම සම්බන්ධයෙන් එහි සභාපති සරත් විදානපතිරණ සහ අධ්‍යක්ෂවරුන්ට එරෙහිව සමිතියේ කොටස් හිමි සාමාජිකයෝ පිරිසක් විසින් කොළඹ මහාධිකරණයේ ඊයේ (03) නඩු පවරා තිබේ.

සමූපකාර සංවර්ධන කොමසාරිස් දෙපාර්තමේන්තුව විසින් 2015 වසර සදහා මෙම සමිතියේ ගිණුම් විගණනය කිරීමෙන් පසුව හෙළිදරව් වී ඇති බරපතල මුදල් අවභාවිතාවන් පිළිබදව වර්තමාන අධ්‍යක්ෂ මණ්ඩලය විසින් ද කිසිදු පියවරක් නොගැනීම හේතුවෙන් 2015 වසරේ මෙම සමිතියේ සිටි සියළුම අධ්‍යක්ෂවරු ද වර්තමාන අධ්‍යක්ෂවරු ද එම සමිතියේ කළමනාකාරිනිය ද මෙම නඩුවේ වගඋත්තරකරුවන් ලෙස නම් කර ඇත.

තවද, තමාගේ නිලධාරීන් විසින්ම සිදු කරන ලද විගණනයෙන් බරපතල අක්රමිකතාවයන් හෙළිදරව් වී තිබිය දීත් සමූපකාර ප්‍රඥප්තිය යටතේ තමන් වෙත ඇති බලතල ක්‍රියාත්මක කර ඒ පිළිබදව වගකිව යුතු තැනැත්තන් පිළිබදව සොයා බලා ඔවුන්ට එරෙහිව නිසි පියවර ගැනීමේ වගකීම සමූපකාර සංවර්ධන කොමසාරිස්වරයාට ඇති නමුත් ඔහු එසේ නොකර සිය වගකීම හිතාමතාම පැහැර හරිමින් සිටින බව ද මෙම පැමිණල්ලේ දක්වා ඇත.

එම නිසා බස්නාහිර පළාතේ සමූපකාර සංවර්ධන කොමසාරිස්වරයා ද සහකාර කොමසාරිස්වරයා ද මෙම නඩුවේ වගඋත්තරකරුවන් ලෙස නම් කර ඇත.

මේ සම්බන්ධ තොරතුරු මුලින්ම හෙළිකරනු ලැබුවේ ශ්‍රී ලංකා මිරර් විසිනි.

සබැඳි පුවත්
කොටිකාවත්ත සණසේ අලූත්ම මගඩිය මෙන්න

කොටිකාවත්ත සණසේ සභාපති හා පිරිසේ තවත් සෙල්ලමක් එළියට !

බොරු ලාභ පෙන්නා කොටි 23ක් පාඩු කළ සණස සභාපතිට වැඩ වරදියි

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top