Sathosa

Oct 05, 2018

'70 77 යුගයට යන්න රජයේ බලාපොරොත්තුවක් නැහැ'- මංගල

70 - 77 සමයේදී මෙන් විදෙස් භාණ්ඩ සිමා කිරීමට යහපාලන ආණ්ඩුවේ බලාපොරොත්තුවක් නැති බවත්, ජාත්‍යන්තර කාරනා මත අවප්‍රමාණය වන ශ්‍රී ලංකා රුපියල යම් මට්ටමකින් ස්ථාවරව පවත්වා ගෙන යාම සඳහා කෙටි කාලයකට විදෙස් භාණ්ඩ සිමා කිරීමට මහ බැංකුව කටයුතු කර ඇති බවත් මුදල් හා ජනමාධ්‍ය අමාත්‍ය මංගල සමරවීර මහතා ප්‍රකාශ කරයි.

වෙළෙඳපොළ ආර්ථික ක්‍රමය පිළිගන්නා නමුදු පෞද්ගලික අංශය අසාධාරණ ලාභ ඉපැයීම අනුමත නොකරන බව ද ඇමතිවරයා කියා සිටියි.

නව පාරිභෝගි අධිකාරී පනත මගින් අසාධාරණ ලාබ ලබන ආයතන නිසැක නීතියේ රැහැනට හසුකර ගන්නා බව ද අමාත්‍යවරයා අවධාරණය කර සිටියි.

අදාළ කෙටුම්පත අයවැයට පෙර පාර්ලිමේන්තුවේ සම්මත කර ගැනීම අපේක්ෂාව බව ද අමාත්‍යවරයා පවසයි.

අමාත්‍යවරයා මේ බව කියා සිටියේ ජීවන වියදම් පිළිබඳ කැබිනට් අනුකාරක සභාව මුදල් අමාත්‍යාංශයේ දී රැස් වූ අවස්ථාවේ දී ය.

මලික් සමරවික්‍රම, රිෂාද් බදියුදීන්, විජිත් විජිතමුණි සොයිසා, මහින්ද අමරවීර සහ දයා ගමගේ යන අමාත්‍යවරු ද මේ අවස්ථාවට එක්ව සිටියේය

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top