nsb
Sathosa

Oct 12, 2018

භාරකාර ආණ්ඩු කතා : 'ප්‍රගතියක් නැහැ' - එස්.බී. ඒකාබද්ධයට කියයි  Featured

ශ්‍රීලනිපය සමගින් භාරකාර ආණ්ඩුවක් පිහිටුවීමට එකඟ ද නැද්ද යන කාරණය සම්බන්ධයෙන් අදහස් විමසීම සදහා ඒකාබද්ද විපක්‍ෂය නියෝජනය කරන පක්ෂ නායකයින් හා ශ්‍රීලනිප 15 කණ්ඩායම මහින්ද රාජපක්‍ෂ මහතා විසින් ඔහුගේ නිල නිවසට ඊයේ (11) රාත්‍රීයේ කැදවා තිබුන අතර මෙහිදී භාරකාර ආණ්ඩුවක් ගැන සාකච්ඡාවක් සිදු නොවූ බවත්, ආණ්ඩුවේ ඉදිරි මාස 11ක කාලය තුළදී ඇතිවන තත්ත්වයට මුහුණ දිය යුතු ආකාරය හා ඉදිරි දේශපාලන කටයුතු බෙදාහදා ගෙන කටයුතු කළ යුතු ආකාරය පිළිබඳ සාකච්ඡා කළ බවත් පාර්ලිමේන්තු මන්ත්‍රී රංජිත් ද සොයිසා මහතා සඳහන් කරයි.

භාරකාර ආණ්ඩුව සම්බන්ධයෙන් ජනාධිපතිවරයා සමග කල කතාබහේදී ප්‍රගතියක් නොමැති බව ඒ සම්බන්ධයෙන්  පුරෝගාමී සම්බන්ධිකරණ කාර්යභාරයක් කල 15 කණ්ඩායමේ පාර්ලිමේන්තු මන්ත්‍රී එස්.බී. දිසානායක මහතා මෙහිදී ප්‍රකාශකර ඇත.

ඉන් අනතුරුව ඒ සම්බන්ධයෙන් ඒකාබද්ධයේ සියලුම මන්ත්‍රීවරුන් අද (12) දිනයේ කැඳවා තීන්දුවක් ගැනීමට තීරණය කර තිබේ.

විමල් ඇවිත් නැහැ :

එස්.බී. දිසානායක, අනුර ප්‍රියදර්ශන යාපා, සුසිල් ප්‍රේමජයන්ත හා ජෝන් සෙනවිරත්න යන මන්ත්‍රීවරුන් 15 දෙනාගේ කණ්ඩායම නියෝජනය කරමින් මෙම සාකච්ඡාවට සහභාගි වී ඇත.

එස්.බී. දිසානායක මහතා විසින් ගෙන ආ භාරකාර ආණ්ඩු යෝජනාවට පක්ෂව ඒකාබද්ධ විපක්ෂයේ අභ්‍යන්තර අරගලයක නිරතවූ විමල් විරවංශ මන්ත්‍රීවරයා මෙම රැස්වීමට සහභාගී නොවූ බව ඊට සහභාගී වූ මන්ත්‍රීවරයකු 'ශ්‍රී ලංකා මිරර්' වෙත පැවසිය.
MahindaRajapaksa 600px 16 12 26''සභාග ආණ්ඩුවක් පිහිටුවීම පිළිබඳ විශාල බලාපොරොත්තුවක් නැ'' - හිටපු ජනාධිපති මහින්ද රාජපක්ෂ 

මේ රැස්වීමට පෙර ඊයේ (11දා) නාරාහේන්පිට අභයාරාමයේ පැවති උත්සයකින් අනතුරුව මාධ්‍යවේදීන් කළ විමසීමකට පිළිතුරු දෙමින් හිටපු ජනාධිපති මහින්ද රාජපක්ෂ මහතා පැවසුයේ, සභාග ආණ්ඩුවක් පිහිටුවීම පිළිබඳ විශාල බලාපොරොත්තුවක් නැති බවයි.

එවැනි යෝජනාවක් ආවොත් ඒ පිළිබඳව පක්ෂයක් ලෙස තීන්දුවක් ගැනීමට බලාපොරොත්තු වන බවද ඔහු එහිදී කියා සිටියේය.

මේ අතර නාරාහේන්පිට අභයාරාම විහාරස්ථානයේ දී ඊයේ (11) පැවති 'පැවිදි හඩ' සංවිධානයේ මාධ්‍ය හමුවක දී අදහස් දැක්වූ එම සංවිධානයේ සභාපති පූජ්‍ය මුරුත්තෙට්ටුවේ ආනන්ද හිමියන්, හිටපු ජනාධිපති මහින්ද රාජපක්ෂ මහතා හවුල් ආණ්ඩුවකට සම්බන්ධ වන්නේ නම් බෙල්ලේ වැල දමා ගැනීම ඊට වඩා හොඳ බව අවධාරණය කර සිටියහ.

ඒකාබද්ධ විපක්ෂයේ බොහෝ දෙනකුත් සභාග ආණ්ඩුවකට යාමට කැමති නැතැයි පැවසු උන්වහන්සේ, භාරකාර ආණ්ඩු යෝජනාව ශ්‍රී ලනිප 15 කණ්ඩායමේ යෝජනාවක් විය හැකියැයි කියා සිටියහ.

සබැඳි පුවත් :
'භාරකාර ආණ්ඩුවක අසුන් ගන්නේ නැහැ' - වෙල්ගම දැඩි තිරණයක 
''අතරමග අම්බලම් නැහැ'' : භාරකාර ආණ්ඩුවකට බැසිල් එරෙහිවේ ! 

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top