Oct 21, 2018

ඇමති කිරිඇල්ලට ගෞරව නාමයක් (ඡායා)

අමාත්‍ය ලක්‍ෂ්මන් කිරිඇල්ල මහතා “ශාසනමාමක ජනප්‍රසාදනී“ ගෞරව සම්මානයෙන් පිදුම් ලැබීය.

ඒ මහනුවර අස්ගිරි මහා විහාර උපෝසථාගාරයේදී ඊයේ (20) පැවැති උත්සවයකදීය.

මේ සම්මානය ජාතික, ආගමික හා සාමාජීය සියළු ක්ෂේත්‍රයන්හී ප්‍රකට කල කාර්යශුරත්වය, කෘතහස්ත දේශපාලන දැක්ම, මහජන හිතසුව සලසමින් ශාසනික ආගමික සේවාවේ නිරත වීම, බෞද්ධ ජන නායකයෙකු ලෙස සංඝරත්නයේ අවවාද අනුශාසනා අනුව ක්‍රියා කිරීම උදෙසා පිරිනමන්නකි.

ජනාධිපති මෛත්‍රීපාල සිරිසේන මහතා, සිය සුභාසිංශනය පිරි නැමීමට මේ උත්සවයට සහභාගිවීම ද විශේෂිතය.

අමාත්‍යවරයාට ගෞරව නාමය සහිත සන්නස් පත්‍රය පිළිගන්වනු ලැබුවේ, අස්ගිරි මහා විහාර පාර්ශ්වයේ මහනායක අතිපූජ්‍ය වරකාගොඩ ශ්‍රී ඥානරතන මහ නාහිමියන් විසිනි.

මල්වතු පාර්ශ්වයේ අනුනායක පූජ්‍ය නියංගොඩ අනුනායක ස්වාමීන් වහන්සේ ප්‍රමුඛ මහා සංඝරත්නය ද මැතිඇමතිවරුන් ඇතුළු පිරිසක් ද මේ අවස්ථාවට එක්වූහ.

ඡායාරූප - ලක්ෂ්මන් කිරිඇල්ල මහතාගේ නිල ෆේස්බුක් පිටුවෙනි

Lakshman 001

Lakshman 002

Lakshman 004

Lakshman 005

Lakshman 006

Lakshman 003

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top