Pasidol
Sathosa Ad Final Sinhala
Jan 01, 2017

ගල්අඟුරු මගඩියේ ගැහිල්ල රුපියල් බිලියන 04 ක් ! Featured

යහපාලන ආණ්ඩුව විසින් පසුගියදා ඉතා වංචාකාරි ලෙස ස්විස් සිංගප්පූරු සමාගම වෙත ලබා දෙන ලද ගල් අඟුරු ටෙන්ඩරයේ සමස්ථ පාඩුව රුපියල් බිලියන 4 කට ආසනන් බව විගනකාධි දෙපාර්තමේන්තු වාර්තාවක අනුව තහවුරු වේ.

මේ සම්බන්ධයෙන් මිට පෙර අනාවරණයවූ තොරතුරු අනුව පැවසුනේ එම පාඩුව බිලියන 2 කට ආසන්න බවය.

කෙසේ නමුත් මෙම ගල් ඟුරු ටෙන්ඩරය රටට බරපතල පාඩුවක් බව පාර්ශ්ව කිහිපයක් විසින්ම පෙන්වා දෙනු ලැබූ නමුත් ජනාධිපතිවරයා ප්‍රමුඛ කැබිනට් මණ්ඩලය මේ ටෙන්ඩරය ලබාදිම අනුමත කරනු ලැබීය.

මෙම ටෙන්ඩරය ප්‍රධානය කිරීමට පෙර අල්ලස් කොමිසම හමුවේ 'දූෂණ විරෝධී හඬ' සංවිධානය පැමිණිල්ලක් ගොනු කර තිබුණද ඒ සම්බන්ධයෙන් විමර්ශනයක් සිදු කරන බව දැන ගැනීමට නැත.

මූලික අයිතිවාසිකම් පෙත්සමක් :

එමෙන්ම 'සත්හඬ' පුවත්පතේ නියෝජ්‍ය කර්තෘ සුභාෂ් ජයවර්ධන මහතා මෙම ගනුදෙනුව මඟින් රටට වන පාඩුව වැලැක්වීම සඳහා මූලික අයිතිවාසිකම් පෙත්සමක්ද ගොනු කර තිබෙන නමුත් ඒ විභාග කිරීම මාස ගන්නාවක් තිස්සෙ ඒ විවිධ හේතු මත ප්‍රමාද වෙමින් තිබේ.

එහිදී මෙම පාඩුවට වගකිවයුත්තන් ලෙස ජනාධිපතිවරයා ඇතුලු ඇමැති මණ්ඩලය සමඟ විත්තිකරුවන් 65 දෙනෙකු නම් කර තිබේ.

මේ අතර මෙම මූලික අයිතිවාසිකම් පෙත්සම ඉවත් කරගන්නා ලෙස දේශපාලන අධිකාරියෙන් විශාල බලපැමක් එල්ල වී ඇති අතර ඒ වෙනුවෙන් කෝටි ගනනක කප්පම් මුදල් ප්‍රධානය කිරීමටද අවස්ථා ගනනවකදී උත්සහා ගෙන තිබේ.

එමෙන්ම විගනකධිපතිවරයාගේ වාර්තාව වෙනස් කර ගැනිම වෙනුවෙන්ද දැඩි බලපෑමක් ඔහු වෙත එල්ල වී තිබුණු බවද වාර්තා වේ.

කෙසේ නමුත් මේ ආන්දෝලනාත්මක ගල් අඟුරු ටෙන්ඩරය සම්බන්ධයෙන් විදුලි බල ඇමැති රංජිත් සියඹලාපිටිය මහතා මෙන්ම එම අමාත්‍යංශ ලේකම් සුරේන් බටගොඩ , ඇමැති මණ්ඩලයත්, පාර්ලිමේන්තුවත්, රට වැසියාත් නොමඟ යවමින් වැරදි තොරතුරු ප්‍රසිද්ධ කරමින් මෙම ටෙන්ඩරය මඟින් රටට විශාල ලාබයක් අත් වන බවට දිගින් දිගටම ප්‍රකාශ කරමින් සිටියේය.

(lankadaily)

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top