Nov 20, 2018

කොළඹ වැඩිහිටියන් 1/5 කට දියවැඩියාව

සමස්තයක් ලෙස ගත් විට දියවැඩියා රෝගය කොළඹ නගරය තුළ 5 න් එකකට ආසන්න වැඩිහිටියන් සංඛාවක් දියවැඩියා තත්ත්වයෙන් පෙළෙන බව සෞඛ්‍ය සේවා අධ්‍යක්ෂ ජනරාල් වෛද්‍ය අනිල් ජාසිංහ මහතා පවසයි.

කොළඹ ඊයේ (19) පැවති සම්මන්ත්‍රණයකට එක්වෙමින් ඔහු මේ බව ප්‍රකාශ කළේය.

ශ්‍රී ලංකාවේ පමණක් නොව ලෝකයේම මෙම තත්ත්වය පවතින බවත් දියවැඩියාව ශරීරයේ තියෙන සියලුම ඉන්ද්‍රියන් ආක්‍රමණය කර ගන්නා බවත්, ඒ අතර ඇස්වලට මෙහි දැඩි බලපෑමක් ඇති බවත් වෛද්‍ය අනිල් ජාසිංහ මහතා එහිදී පැවසීය.

දියවැඩියා තත්ත්වය මැන බැලීම සඳහා ඇසේ තත්ත්වය හොඳ ද නරක ද කියන දේ මැන බැලීමක් සිදු කරන බව ද වෛද්‍යවරයා මෙහිදී කියා සිටියේය.

මේ හේතුව නිසා වැඩි වශයෙන් ඇස් පරීක්ෂා කරමින් ඇසේ සෞඛ්‍ය පිළිබඳ වඩාත් සැලකිලිමත් වීම දියවැඩියා රෝගීන් වැඩි වශයෙන් සිදු කළ යුතු බව ද වෛද්‍යවරයා මෙහිදී පැවසීය.

 

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top