OPEN

#

OPEN

#

Dec 16, 2018

මහින්දගේ මන්ත්‍රී ධූරයත් - පක්ෂ සාමාජිකත්වත් අහෝසියි ! Featured

පාර්ලිමේන්තුව විසුරුවා හැරීම නීති විරෝධී බව ශ්‍රේෂ්ඨාධිකරණය තීරණය කර ඇති බැවින් පොදුජන පෙරමුණේ සාමාජිකත්වය ලබාගත් හිටපු ජනාධිපති මහින්ද රාජපක්‍ෂ මහතා ඇතුළු මන්ත්‍රීවරුන්ගේ ශ්‍රී ලංකා නිදහස් පක්‍ෂ සාමාජිකත්වය සහ මන්ත්‍රී ධුරය අහෝසි වී ඇතැයි ශ්‍රී ලංකා නිදහස් පක්‍ෂයේ උප සභාපති පාර්ලිමේන්තු මන්ත්‍රී පියසේන ගමගේ මහතා කියයි.

ශ්‍රී ලංකා නිදහස් පක්‍ෂ ව්‍යවස්ථාවට අනුව පක්‍ෂයේ සාමාජිකයකු වෙනත් දේශපාලන පක්‍ෂයක සාමාජිකත්වය ලබා ගත් විට පක්‍ෂය තුළ ඔහු දැරූ සියලූ තනතුරු ඉබේම අහෝසි වන බවද හෙතෙම පැවසීය.

මහින්ද රාජපක්‍ෂ මහතා ඇතුළු මන්ත්‍රී කණ්ඩායමට තව දුරටත් එම නිසා පාර්ලිමේන්තු මන්ත්‍රීවරු ලෙස කටයුතු කිරීමට හැකියාවක් නොවන බව ඔහු කියා සිටී.

ශ්‍රී ලංකා නිදහස් පක්‍ෂ මහා ලේකම්වරයා සහ එක්සත් ජනතා නිදහස් සන්ධානයේ මහා ලේකම්වරයා වහාම මේ පිළිබඳව පාර්ලිමේන්තු මහා ලේකම්වරයාට සහ මැතිවරණ කොමිසමට දැනුම් දිය යුතු යැයි ද හෙතෙම අවධාරණය කර සිටී.

මහා ලේකම්වරු දෙදෙනා තමන්ගේ වගකීම නිසි ලෙස ඉටුනොකරන්නේ නම් අධිකරණය වෙත යෑමට සූදානම් බවද පාර්ලිමේන්තු මන්ත්‍රී ධුරයක් දැරීමට සුදුසුකම් නැති පුද්ගලයකුට අගමැති ලෙස කටයුතු කළ නොහැකි යැයි ද උප සභාපතිවරයා පැවසීය.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top