Jan 11, 2019

පක්ෂග්‍රාහී මාධ්‍ය ආයතනවලට සිවිල් සංවිධානවල විරෝධය !

පක්ෂග්‍රාහී ලෙස මාධ්‍යකරණයේ නියුතු මාධ්‍ය ආයතනවලට විරෝධය පළ කිරීමේ විරෝධතාවයක් ඊයේ (10) කොළඹ කොටුව දුම්රිය පොල ඉදිරිපිටදී පැවැත්විණි.

සිවිල් සංවිධාන ක්‍රියාකාරිකයන්, මාධ්‍යවේදීන්, දේශපාලන පක්ෂ ක්‍රියාකාරිකයන් ඇතුළු පිරිසක් මෙම විරෝධතාවය සඳහා එක්ව සිටි අතර ඔවුන් කලු ඇඳුමින් සැරසී විරෝධතාව පැවැත්වීය.

ඔවුන් අදාළ විරෝධතාව පවත්වනු ලැබුවේ එක් එක් මාධ්‍ය වෙත සිය අදහස් ඇතුළත් ලිපියක් සමඟ ඉල්ලීමක්ද කරමිණි. සිරස හා මවුබිම ආයතනවලට ආදළ ලිපි බාර දීමට ගිය අවස්ථාව වලදී ඔවුන් අවම සදාචාරය ලෙස අදාළ ලිපි බාර ගැනීම නොකොට ඔවුන් සමඟ ගැටුම් ඇතිකර ගැනීමට උත්සාහ කර තිබිණි.

විරෝධතාවයේදී අදහස් දැක්වූවන් ප්‍රකාශ කළේ බොහෝ මාධ්‍ය ආයතන පක්ෂග්‍රාහී ලෙස කටයුතු කරමින් සිටින බවයි. මහ ජනතාවට අයත් රූපවාහිනී සහ ගුවන් විදුලි සංඛ්‍යාත භාවිතා කරමින් බොහෝ මාධ්‍ය ආයතන මාධ්‍ය අවභාවිතා කරන බවත් ජනතාව වෙනුවෙන් පෙනී සිටිය යුතු මාධ්‍ය දේශපාලනඥයන් වෙනුවෙන් සහ මාධ්‍ය හිමිකරුවන් වෙනුවෙන් පමණක් පෙනී සිටින බවත් විරෝධතාකරුවන් අවධාරණය කරයි.

බොහෝ මාධ්‍ය තමන් අංක එක බව පවසමින්, අංක එක බවට පත්වීමට මාධ්‍යකරණයේ නාමයෙන් ඕනෑම ජඩ වැඩක්, ඕනෑම නින්දි ක්‍රියාවක් සිදු කරන බවත්, එවැනි මාධ්‍ය ආයතනවලට එරෙහිව සිය විරෝධය අඛණ්ඩව විරෝධතා සිදු කරන බවත් විරෝධතාවය අතර අදහස් දැක්වූවන් ප්‍රකාශ කළේය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top