Feb 04, 2019

උරුමය උස්සන්න හැදූ ස්ලෝවැකියානුවන් 5ක් රිමාන්ඩ් Featured

ලෝක උරුම සිංහරාජ වනාන්තරයෙන් කෘමීන්, සමනලයන් සහ ශාක වර්ග සහ ශාක බීජ රැගෙන යමින් සිටියදී අත්අඩංගුවට පත් ස්ලෝවැකියානුවන් පස්දෙනා නැවතී සිටි ලැගුම්හලේ තිබී තවත් කෘමි සහ සමනල වර්ගවල කොටස් කිහිපයක් සොයා ගත් බව වනසංරක්‍ෂණ නිලධාරීහූ කියති.
 
රත්නපුර වැඩබලන මහේස්ත‍්‍රාත් ප‍්‍රියංකා ගුණවර්ණසූරිය මහත්මිය විසින් නිකුත් කළ සෝදිසි වරෙන්තුවකට අනුව මෙම ලැගුම්හල පරීක්‍ෂා කළ බව වනසංරක්‍ෂණ නිලධාරීහූ පැවසූහ. 
 
ශාක හා සත්ත්ව කොටස් රැගෙන යාමට ගිය ස්ලෝවැකියානුවන් පස් දෙනා මේ වනවිට රිමාන්ඩ් බාරයේ පසුවෙති.
 
ඔවුන් නැවතී සිටි ලැගුම්හලේ කාමරවල තිබූ යම් දේවල් වනසංරක්‍ෂණ නිලධාරීන් පරීක්‍ෂාවට ලක්කරන අවස්ථාවේ පුලූස්සා තිබූ බව ද නිලධාරීහු කීහ.
 
සොයාගනු ලැබූ කෘමි කොටස් ද පිලිස්සීමට ගෙන යද්දී වැටී තිබූ ඒවා බවට සැක කරයි. ඒවා පිළිස්සුවේ ලැගුම්හලේ අය ද රිමාන්ඩ් භාරයට පත්කර ඇති විදේශිකයන් ද යන්න පිළිබඳව විමර්ශන අරඹා තිබේ.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top