Jan 18, 2017

'අධ්‍යාපන ක්‍රමය තුළින් සංහිඳියාව ඇති කල යුතුයි' – ගප්පියා

මිනිසුන් ජාතී හා ආගම් වශයෙන් බෙදී එක් කොටසක් පමණක්  උසස් කොට සලකන තාක් මිනිසුන්ට සහජිවනයෙන් ජීවත්නොවීමට නොහැකි  බව ජනප්‍රිය සමජ ඡාලා විඩ්යෝ නාටක ශිල්පියෙක් පවසයි.

ජාති, ආගම් ලෙස වෙනස්ව නොබලා මිනිසුන්, මිනිසුන් ලෙස දැකීමට  උත්සාහ නොකරන තාක් සංහිදියාව යථාර්ථයක් නොවන බව ගප්පියා ලෙසින් ජනාධරයට පත් තරිඳු විජේසේකර කියා සිටියේ, සංහිඳියාව ඇති කිරීම සදහා ආණ්ඩුව මේ දින වල  සිදු කරන  වැඩසටහන්  සම්බන්ධයෙන්  'සිලෝන් ජර්නල්ස්' වෙත අදහස් දක්වමිනි.


ජාතීන්, ආගම් මත පාසල් බෙදා වෙන් කිරීම


සහජිවනය පාසල් අධ්‍යාපනය ක්‍රමය තුළින්ම ඇති කිරීමට පියවර ගත යුතු බව පෙන්වා දෙන ඔහු තව දුරටත්  කියා සිටියේ ජාතීන්, ආගම් මත පාසල් බෙදා වෙන්  කිරීම මඟින් අනෙකා සමඟ මුසු වීමට අවස්ථාවක් නොලැබෙනවා සේම   අනෙකා තේරුම් ගැනීමට ද එය බාධාවක් බවයි.

කුඩා කාලයේ පටන්ම එවැනි  බෙදීමක් නොමැති බවට සහ මිනිසුන් වශයෙන් සියල්ලන්ටම එක හා සමාන ලෙස සැලකීමට මෙන්ම ගෞරව කිරීමට පුරුදු වීම තුළින් සංහිඳියාව යාථාර්ථයක් වනු ඇති බව  තරිඳු විජේසේකර නොහොත් ගප්පියා විශ්වාසය පල කර සිටියේය.

මිනිසුන් සංස්කෘතික වශයෙන් සාදා ගන්නා ලද ජාති, ආගම් අමතක කර සියලු මිනිසුන් එක හා සමානය යන ආකල්පය ඇතිව ක්‍රීයා නොකරන තාක් සංහිදියාව හෝ සහජිවනය ඇති නොවන බව වැඩි දුරටත් අවධාරණය කළ ඔහු පෙන්වා දුන්නේ, ආකල්පමය වශයෙන්  වෙනසක් ඇති නොකර දින වෙන් කිරිමකින් පමණක් සංහිඳියාව ඇති කල නොහැකි බවයි.


(ceylonjournals)


සබැඳි පුවත් :

'සංහිඳියාව අවශ්‍ය උතුරට නොවේ දකුණට' – සන්නස්ගල

'සංහිඳියාවට දිගු කාලීන පියවරයන් අවශ්‍යයි' – ජැක්සන්

සංහිඳියාව : 'නීතිමය හා ව්‍යුහමය වෙනසක් අවශ්‍යයි' – අමරකීර්ති

'සංහිඳියාවට නාමකරණයට එහා ගිය මැදිහත් වීමක් අවශ්‍යයි' – සමනලී

සංහිඳියාව කාලීන අවශ්‍යතාවයක් – චිත්‍රාල් සෝමපාල

'යුක්තිය ඉටු නොවන තාක් සංහිඳියාව ඇති නොවේ' - භාෂණ

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - [email protected] දුරකථන - +94 114 546 362

Top