Apr 24, 2019

මරාගෙන මැරෙන බෝම්බකරුවන් අතර කතක් Featured

කතෝලික දේවස්ථාන හා සංචාරක හෝටල් ඉලක්ක කර ගනිමින් එල්ල වූ මරාගෙන මැරෙන ප්‍රහාර සඳහා පැමිණි 9 දෙනා අතර කාන්තාවකුත් සිටින බව ආරක්ෂක රාජ්‍ය අමාත්‍ය රුවන් විජයවර්ධන මහතා කියයි.

අමාත්‍යවරයා අද (24) විදෙස් මාධ්‍යවේදීන් හමුවූ අවස්ථාවේදී මේ බව කියා සිටියේය.

එසේම මෙම ප්‍රහාර සඳහා පැමිණි පුද්ගලයන් මැදි ආදායම් හෝ ඉහළ මැදි ආදායම් ලැබූ ඉහළ අධ්‍යාපනයක් ලැබූවන් බවද ඔහු සඳහන් කළේය.

“අපි විශ්වාස කරනවා මේ මරාගෙන මැරෙන බෝම්බකරුවන් අතරින් එක් අයෙක් එංගලන්තයේ ඉගෙන ගෙන පශ්චාත් අධ්‍යාපන කටයුතු ඔස්ට්‍රේලියාවේ සිදුකර තිබෙනවා.

මේ මරාගෙන මැරෙන බෝම්බකරුවන්ගෙන් බොහෝමයක් හොඳින් ඉගෙන ගෙන තිබෙනවා. ඒ වගේම ඔවුන් මධ්‍යම පංතියේ හෝ ඉහළ මධ්‍යම පංතිය නියෝජනය කරන්නන්.

ඔවුන් හා ඔවුන්ගේ පවුල් ආර්ථිකමය වශයෙන් ස්ථාවරයි. ඒක තමයි මෙහි තිබෙන කනගාටුදායක තත්ත්වය. මම හිතනවා ඔවුන්ගෙන් බෝහෝමයක් තවත් රටවල් කිහිපයක ඉගෙන ගෙන තිබෙනවා. ඔවුන්ට නීති උපාධි තිබෙනවා. ඔවුන් හොඳින් ඉගෙන ගත් පුද්ගලයන්.

අපිට පූර්ණ වශයෙන්ම කියන්න පුළුවන් ආරක්ෂක අංශ ඉදිරි දින කිහිපයේදි මේ තත්ත්වය පූර්ණ ලෙස පාලනය කරාවි.”

මේ අතර, ඊයේ (23) ISIS සංවිධානය විසින් මෙම ප්‍රහාරයන්වල වගකීම බෙර ගනිමින් අදාළ ප්‍රහාර සිදු කළ අයගේ සමූහ ඡායාරූපයක් හා විඩියෝ පටයක් මුදාහැර තිබිණි.

එම සමූහ ඡායාරූපයේ ඝාතකයන් පිටුපසින් සිටිනේ මේ කාන්තාව බවටද සැකයක් මතුව තිබේ.

අදාළ ඡායාරූපය හා එම කාන්තාව වීඩියෝවේ සිටින බවට වන සාක්ෂි කිහිපයක් පහත දැක්වේ.

ISIS 001

ISIS 002

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top