May 15, 2019

මිනුවන්ගොඩ 14ක් රක්ෂිතයට : වයඹ කලබලයට 60ක් අල්ලයි

වයඹ පළාත තුළ ඇතිවූ නොසන්සුන්කාරී තත්ත්ත්වයන්ට හා ඇඳිරි නිතිය කඩකිරීම්වලට අදාළව සැකකරුවන් 60ක් අත්අඩංගුවට ගෙන ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පැවැසීය.

පොලිස් අධිකාරීවරයා වැඩිදුරටත් මෙසේද කීය.

“මින් ඉදිරියට ප්‍රචණ්ඩකාරි ක්‍රියා කළොත් පොලීසිය හා ත්‍රිවිධ හමුදාව බලය භාවිත කරමින් ඒවා නතර කිරිමට කටයුතු කරනවා. මිනුවන්ගොඩ සිදුවීමට සැකකරුවන් 9ක් හා අනතුරුව 5 ක් අත්අඩගුංගුවට ගත්තා. ඔවුන් මැයි 2 දා තෙක් රක්ෂිත බන්ධනාගාර ගත කළා. වයඹ පළාතෙන් අත්අඩංගුවට ගත් සංඛ්‍යාව සැකකරුවන් 60කට අධිකයි. ඔවුන්ගෙන් කිහිප දෙනෙක් අධිකරණයට ඉදිරිපත් කිරිමෙන් අනතුරුව රක්ෂිත බන්ධනාගාර ගත කර තිබෙනවා.

එම ප්‍ර දේශවලට අමතර පොලිස් කණ්ඩායම් යොමුකර තිබෙනවා. නියොජ්‍ය පොලිස්පතිවරුන් 2ක්, පොලිස් අධිකාරී හා සහකාර පොලිස් අධිකාරීවරුන් 8ක් යොමුකර තිබෙනවා. කොළඹ සිටත් විශේෂ කණ්ඩායමක් ක්‍රියාත්මකයි. මෙසේ අත්අඩංගුවට ගන්නා පුද්ගලයින් පොලිස් වාර්තා ඉදිරිපත් කරන විට ඔවුන්ට ලබාදෙන පොලිස් වාර්තාවේ ප්‍රචණ්ඩකාරී ක්‍රියා සඳහා සම්බන්ධ බවට සටහන් කර පොලිස් වාර්තා ලබාදෙනවා.”

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top