Connect with us

පුවත්

20ක් අනිවාර්ය නිවාඩු යැවූ ඇමති තෙල් ගැන කලබල වෙන්න එපා කියයි

Published

on

අද (29) දින සේවයට වාර්තා නොකළ තෙල් සංස්ථා සේවකයින් 20 දෙනෙකු අනිවාර්ය නිවාඩු යැවීමට කටයුතු කළ බව විදුලිබල හා බලශක්ති අමාත්‍ය කංචන විජේසේකර මහතා පවසයි.

එසේම ඔවුන්ට ඛනිජ තෙල් නීතිගත සංස්ථා භූමියට ඇතුළුවීම තහනම් කර ඇති බවද විශේෂ මාධ්‍ය හමුවකදී ඔහු පැවසීය. 

එහිදී අමාත්‍යවරයා ඉන්ධන හිඟයක් ඇති වේයැයි කිසිදු කලබලයක් ඇති කර නොගන්නා ලෙස ද මහජනතාවගෙන් ඉල්ලීමක් කළේය.

නැවත වතාවක් පෝලිම් යුගයක් වෙත ජනතාව රැගෙන නොයන බවට ද ඔහු පොරොන්දු විය.

මේ අතර වසර 4කට පසුව ඉහළම සංචිත ප්‍රමාණයක් ඉන්ධන වශයෙන් ලංකාව සතුව පවතින බව ද අමාත්‍යවරයා පැවසීය.

වැඩිදුටත් අදහස් දැක්වු අමාත්‍යවරයා,

“කලබලයක් ඇති කරගන්න එපා ඉන්ධන හිඟයක් ගැන. අපි ඉන්ධන හිඟයක් ඇති වෙන්න කටයුතු කරන්නේ නෑ…බොහෝදෙනෙක්ට මාර්තු අප්‍රේල් වෙද්දි මේ අත්දැකීම තිබුණා අපිට තිබුණේ ඉන්ධන පෝලිම අත්දැකීම‍. ඒ අවුරුද්දකට පස්සේ, ඉන්ධන පෝලිම නැති කරගෙන, අඛණ්ඩව විදුලි බලය ලබාදෙමින් මේ රටේ සංවර්ධනය ඉදිරියට යන මොහොතක නැවත වතාවක් පෝලිම් ඇති කිරීමට, හිඟයක් ඇති කිරීමට කටයුතු කරන්න අපි දෙන්නේ නෑ. ඒ නිසා ජනතාවගෙන් ඉල්ලීමක් කරනවා කලබල වෙන්න එපා. අපේ සංචිතවල මම විශ්වාස කරනවා අවුරුදු 4ක – 5ක කාලය තුළ තිබුණු ඉහළම සංචිත ප්‍රමාණය ඉන්ධන වශයෙන් මේ වනවිට ලංකා ඛනිජතෙල් නීතිගත සංස්ථාවෙත්, ලංකා IOC සමාගම තුළත් තියෙනවා. ඇනවුම් කරලා තියෙනවා අනෙකුත් අවශ්‍යතාවයන් වෙනුවෙන්. එයට අවශ්‍ය මුදල් ටික අපි ලබාගෙන තියෙනවා. ඒ නිසා කිසිම ආකාරයක බියක් පළ කරගත යුතු නෑ ඉන්ධන හිඟයක් පිළිබඳ. ඊයේ දවසේ කාරණා කිහිපයක් තියෙනවා. මේ කඩාකප්පල්කාරී ක්‍රියාව නිසා යම් බියකට ජනතාව පත්වුණා. දෙවැනි කාරණාව ඉන්ධන පිරවුම්හල්හිමියනුත් කොටසක් ඉන්නවා ඉන්ධන මිල වෙනස් වෙයි කියන බලාපොරොත්තුවත් එක්ක. අප්‍රේල් මාසයේ මිල සංශෝධනයක් කළ යුතුයි. ඒ අනුව අප්‍රේල් මාසයේ සංශෝධනය බලාපොරොත්තුවෙන් අලාභයක් හේතුවෙන් ඇනවුම් නොකර ඉන්නවා. ඔවුන් ගිවිසුම් ගත වෙලා ඉන්නෙත් ඔවුන් පවත්වාගෙන යා යුතුයි අවම ඉන්ධන තොගයක් ඔවුන්ගේ ගබඩා තුළ. ඒ නිසා ඒක පවත්වාගෙන යන්න කටයුතු කරන්න කියලා නැවත වතාවක් ඉල්ලනවා. ඇනවුම් සිදුකරන්න ඒ අනුව අපිට බෙදාහැරීම සිදුකරන්න පුළුවන්. පොලීසිය, විශේෂ කාර්ය බළකායේ සහාය යටතේ මේ වනවිටත් සිදුවෙමින් පවතිනවා…”

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved