Jun 26, 2019

පුද්ගලයින් 5ක් ඝාතනය කිරීමේ සිද්ධියේ සැකකරුවන් නිදොස් කොට නිදහස්

2016 වසරේ මට්ටක්කුලිය, සමිට් පුර ප්‍රදේශයේදී පුද්ගලයින් පස් දෙනෙකු වෙඩි තබා ඝාතනය කිරීමේ සිද්ධිය සම්බන්ධයෙන් චෝදනා ලැබ සිටි විත්තිකරුවන් නව දෙනෙකු නිදොස් කොට නිදහස් කිරීමට කොළඹ මහාධිකරණ විනිසුරු ආදිත්‍ය පටබැඳි මහතා නියම කර තිබේ.

තීන්දුව ලබාදෙමින් විනිසුරුවරයා සඳහන් කර සිටියේ පැමිණිල්ල වෙනුවෙන් සාක්ෂි ලබාදුන් පුද්ගලයින්ගේ සාක්ෂි වල බරපතළ ඌනතා සහ පරස්පරතාවයක් දක්නට තිබෙන බව හා එය පැමිණිල්ල විසින් ද පිළිගෙන තිබෙන බවය.

2016 වසරේ මට්ටක්කුලිය, සමිට් පුර ප්‍රදේශයේ දී පුද්ගලයන් 05 දෙනෙකු වෙඩි තබා මරා දැමීම සම්බන්ධයෙන් නීතිපතිවරයා විසින් විත්තිකරුවන් නව දෙනකුට එරෙහිව මෙම නඩුව ගොනු කර තිබූණි.

පොලිස් විමර්ශනවල ද බරපතළ සැකයන් දක්නට තිබෙන බව සඳහන් කළ විනිසුරුවරයා ඒ අනුව විත්තිකරුවන්ට එරෙහිව පැමිණිල්ල විසින් එල්ල කර තිබෙන චෝදනා සාධාරණ සැකයකින් තොරව ඔප්පු කිරීමට පැමිණිල්ල අසමත් වී ඇති බව කියා සිටියේය.

Leave a comment

Make sure you enter all the required information, indicated by an asterisk (*). HTML code is not allowed.

මෙම ප්‍රවෘත්තිය පූර්ණවශයෙන් පිළිනොගන්නේ නම් ඔබට පිළිතුරු පල කර ගැනීමේ අයිතිය තිබේ. ඔබේ අනන්‍යතාවය සමඟ ඔබට පිළිතුරුදීමට හැකිය.
ඊමේල් - editor@srilankamirror.com දුරකථන - +94 114 546 362

Top